បច្ចុប្បន្ន មានមហាសេដ្ឋីជាច្រើនក្នុងសកលលោក តែជឿឬទេថា របៀបរស់នៅរបស់ពួកគេអាចធ្វើឱ្យអ្នកភ្ញាក់ផ្អើលនោះ ។ ពួកគេមិនបានចាយវាយខ្ជះខ្ជាយដូចដែលយើងឃើញក្នុងកុនហូលីវូតជាច្រើនរឿងនោះទេ ប៉ុន្តែ
បច្ចុប្បន្ន មានមហាសេដ្ឋីជាច្រើនក្នុងសកលលោក តែជឿឬទេថា របៀបរស់នៅរបស់ពួកគេអាចធ្វើឱ្យអ្នកភ្ញាក់ផ្អើលនោះ ។ ពួកគេមិនបានចាយវាយខ្ជះខ្ជាយដូចដែលយើងឃើញក្នុងកុនហូលីវូតជាច្រើនរឿងនោះទេ ប៉ុន្តែពួកគេចំណាយលុយយ៉ាងមធ្យ័ត និងស្គាល់ពីការចាយវាយ ។
នេះជាផ្នែកខ្លះៗនៃការសន្សំលុយរបស់បុគ្គលដែលមានបំផុតក្នុងលោក ដែលអាចជាចំណេះដឹងខ្លះៗពីការចេះសន្សំប្រាក់ដើម្បីក្លាយជាអ្នកមាន ។
១-Michael Bloomberg ៖
លោកត្រូវបានគេស្គាល់ថា ជាអភិបាល ក្រុងញូវយ៉ក និងជាអ្នកកាន់ភាគហ៊ុនធំរបស់ក្រុមហ៊ុន Bloomberg LP ដែលជាក្រុមហ៊ុនផ្តល់ទិន្នន័យផ្នែកហិរញ្ញវត្ថុអន្តរជាតិ។
ទោះបីយ៉ាងណា រឿងមួយដែលមនុស្សភាគច្រើនប្រាកដជាមិនបានជ្រាបអំពីលោក Michael Bloomberg ក្នុងរយៈពេល១០ឆ្នាំកន្លងមកនោះ គឺលោកMichael Bloomberg មានស្បែកជើងតែ២គូប៉ុណ្ណោះ ក្នុងនោះស្បែកជើងពណ៌ខ្មៅ ដែលគាត់ពាក់ហើយមានអារម្មណ៍ថាស្រួលពាក់បំផុតក្នុងការទៅបំពេញការងាររបស់មហាសេដ្ឋីរូបនេះ ព្រោះគាត់ដឹងថា អ្វីដែលស័ក្តិសម និងល្អបំផុតសម្រាប់រូបគាត់ ហើយត្រូវសន្សំសំចៃប្រាក់សម្រាប់ចាយវាយ និងចំណាយទៅលើអ្វីផ្សេងទៀតដែលចាំបាច់ ។ ដូច្នេះមានន័យថា ថ្វីដ្បិតតែគាត់ជាមហាសេដ្ឋីមែន តែមិនមែនចេះតែចាយវាយអត់ខ្ទង់នោះទេ ។
២-Bill Gates ៖
ការរៀនសូត្រអំពីកំហុសឆ្គងក្នុងអតី-តកាល កំហុសឆ្គងរឿងលុយ គឺជារឿងធម្មតាដែលតែងតែកើតឡើងក្នុងជីវិត ។ ប៉ុន្តែមនុស្សខ្លះដែលទទួលបានជោគជ័យខាងហិរញ្ញវត្ថុ មិនត្រឹមតែជួបនូវភាពខុសឆ្គងប៉ុណ្ណោះទេ រឿងសំខាន់ជាងនេះ គឺពួកគេបានរៀនសូត្រពីកំហុសឆ្គងរបស់ខ្លួនឯង ។
Bill Gates ត្រូវបានគេស្គាល់ថា ជាបុគ្គលម្នាក់ក្នុងចំណោមបុគ្គលដែលមានបំផុតក្នុងលោក ហើយគាត់ធ្លាប់បាននិយាយថា ៖ « វាមិនអីនោះទេ ដើម្បីទទួលបានជោគជ័យ តែរឿងសំខាន់ជាងនោះ គឺការរៀនសូត្រពីភាពបរាជ័យរបស់ខ្លួន » ។
៣-Warren Buffett ៖
ទិញលំនៅឋានដែលស័ក្តិសមជាមួយនឹងតម្រូវការរបស់អ្នក ។ នេះបើតាមលោក Warren Buffet ព្រោះគាត់នៅតែរស់នៅក្នុងទីក្រុងអូម៉ាហា រដ្ឋ Nebraska ដែលគាត់បានទិញនៅក្នុងឆ្នាំ១៩៥៨ ក្នុងតម្លៃត្រឹមតែ៣១.៥០០ដុល្លារប៉ុណ្ណោះ ហើយទោះបីជាគាត់មានលុយច្រើន អាចទិញផ្ទះបានក្តី តែគាត់នៅតែមានអារម្មណ៍ថា គ្មានហេតុផលអ្វីដែលគាត់ត្រូវទៅរស់នៅក្នុងវីឡាដ៏ស្កឹមស្កៃមានតម្លៃខ្ពស់នោះទេ ។ គាត់នៅតែជ្រើសរើសរស់នៅក្នុងផ្ទះធម្មតាមួយនេះ ដែលមានបន្ទប់គេង៥ និងមានភាពងាយស្រួល ។
៤-Oprah Winfrey ៖
ស្វែងរករឿងដែលអ្នកងប់ងុលយ៉ាងពិតប្រាកដឱ្យឃើញ គឺជាពាក្យណែនាំខ្លីៗ ងាយៗ តែធំធេងពីលោកស្រី Oprah Winfrey ។ លើសពីនេះទៀត លោកស្រីធ្លាប់បាននិយាយថា ៖ «អ្នកនឹងក្លាយជាអ្វីដែលអ្នកជឿ ហើយចំណុចដែលអ្នកឈរសព្វថ្ងៃនេះ ព្រោះតែអ្វីដែលអ្នកមានទំនុកចិត្ត » ។
អ្នកអាចស្វែងរកអ្វីដែលអ្នកស្រឡាញ់ និងដើរតាមផ្លូវនោះ ដែលវាជារង្វាន់ដ៏ធំធេងបំផុតនៅក្នុងជីវិត ។
៥-Mark Zuckerberg ៖
មនុស្សមួយចំនួនអាចនឹងមិនជឿថា ស្ថាបនិកហ្វេសប៊ុក Mark Zuckerberg នៅតែបើកបររថយន្ត Acura ជាប្រភេទរថយន្តធម្មតា ដែលមានតម្លៃត្រឹមតែ៣ម៉ឺនដុល្លារប៉ុណ្ណោះ ខណៈដែលទ្រព្យសម្បត្តិដែលគាត់មាន គឺអាចទិញរថយន្តប្រណីត និងតម្លៃថ្លៃកម្រិតណាក៏បាន ប៉ុន្តែគាត់នៅតែជ្រើសរើសរថយន្តធម្មតាៗ ទោះបីជាគាត់មានប្រាក់ច្រើនយ៉ាងណាក្តី ៕
ចែករំលែកព័តមាននេះ