កម្លាំងជំនាញចុះបង្ក្រាបបទល្មើសនេសាទបានជាបន្តបន្ទាប់នៅកងមាស
- កំពង់ចាម
ស្របពេលដែលទឹកទន្លេមេគង្គបានឡើងចូលព្រែកនៅតាមបណ្ដាស្រុកមួយចំនួន ក្នុងនោះរួមមាន កងមាស ស្រីសន្ធរ កំពង់សៀម និងស្រុកស្ទឹងត្រង់ គេបានឃើញ
ស្របពេលដែលទឹកទន្លេមេគង្គបានឡើងចូលព្រែកនៅតាមបណ្ដាស្រុកមួយចំនួន ក្នុងនោះរួមមាន កងមាស ស្រីសន្ធរ កំពង់សៀម និងស្រុកស្ទឹងត្រង់ គេបានឃើញ
ខេត្តកំពង់ចាម ៖ ស្របពេលដែលទឹកទន្លេមេគង្គបានឡើងចូលព្រែកនៅតាមបណ្ដាស្រុកមួយចំនួន ក្នុងនោះរួមមាន កងមាស ស្រីសន្ធរ កំពង់សៀម និងស្រុកស្ទឹងត្រង់ គេបានឃើញបទល្មើសដាក់ស្បៃមុង និងរបាំងឬស្សីបិទជិតមាត់ព្រែក ដើម្បីចាប់យកត្រីតូច-ធំ ដោយមិនខ្វល់ពីការវិនាស តែសកម្មភាពបទល្មើសក្នុងរដូវបិទនេសាទនេះ ត្រូវបានកម្លាំងជំនាញចុះបង្ក្រាបបានជាបន្តបន្ទាប់។
លោក ភោគ សាវុធ អភិបាលស្រុកកងមាស បានប្រាប់ឲ្យដឹងថា ដោយមានការយកចិត្តទុកដាក់ពីសំណាក់ឯកឧត្តម អ៊ុន ចាន់ដា អភិបាលខេត្ត បានណែនាំ និងក្រើនរំលឹកឲ្យអាជ្ញាធរត្រូវរួមសហការជាមួយស្ថាប័នជំនាញជលផលបង្ក្រាបបទល្មើសនេសាទក្នុងរដូវបិទនេសាទ ធ្វើយ៉ាងណាឲ្យមានប្រសិទ្ធភាព ព្រោះថាទឹកទន្លេឡើងចូលតាមបឹងបួ ធ្វើអោយត្រីទៅបង្កកំណើត ជាពិសេសនៅតំបន់ព្រៃលិចទឹក ដែលជាកត្តាសំខាន់ត្រូវយកចិត្តទុកដាក់អភិរក្ស។
អភិបាលស្រុកកងមាស បានបន្តថា កន្លងទៅ កម្លាំងអធិការដ្ឋាននគរបាលស្រុកកងមាស បានចុះបង្ក្រាបបទល្មើសនេសាទនៅរាយប៉ាយ និងនៅព្រឹកថ្ងៃទី២៩ ខែកក្កដា កម្លាំងនគរបាលសហការជាមួយជំនាញជលផល ចុះបង្ក្រាបនៅឃុំព្រែកកុយ ក្នុងស្រុកក៏មាស។ ហើយជារៀងរាល់ឆ្នាំ ឱ្យតែទឹកទន្លេហូរចូលតាមព្រែកចាក់បំពេញទៅក្នុងអតីតឡូដ៍នេសាទបេ៦ ដែលមានព្រំប្រទល់ចំនួន៦ឃុំ ក្នុងនោះរួមមាន ខ្ចៅ រកាអារ កងតាណឹង ស្ដៅ រាយប៉ាយ និងព្រែកកុយជាដើម។
អាជ្ញាធរបានសហការជាមួយជំនាញជលផលធ្លាប់ចុះបង្រៀន និងពន្យល់ឲ្យពលរដ្ឋបានយល់ដឹងពីឧបករណ៍នេសាទខុសច្បាប់ ក្នុងរដូវបិទ ហើយជាមួយនោះក៏មានប្រជាពលរដ្ឋខ្លះបានបំពានប្រើប្រាស់ឧបករណ៍នេសាទខុសច្បាប់ ដើម្បីចាប់យកត្រី។ មិនត្រឹមតែប៉ុណ្ណោះកន្លងទៅ ក៏ធ្លាប់ចាប់បញ្ជូនទៅសាលាដំបូងខេត្ត តែមកដល់ពេលនេះ អាជ្ញាធរបានប្រើប្រាស់វិធានការអប់រំ ប្រសិនបើនៅបំពានច្បាប់ នឹងត្រូវចាប់បញ្ជូនចាត់ការតាមច្បាប់។
ចំណែកលោក អ៊ុក ណារិន នាយខណ្ឌរដ្ឋបាលជលផលខេត្ត ប្រាប់ឱ្យដឹងដែរថា ព្រឹកថ្ងៃទី២៩ ខែកក្កដា ឆ្នាំ២០២២ មន្ត្រីជំនាញជលផលបានសហការជាមួយអាជ្ញាធរស្រុកកងមាស អធិការដ្ឋាននគរបាលស្រុកកងមាស និងកម្លាំងប៉ុស្តិ៍នគរបាលរដ្ឋបាលព្រែកកុយ ចុះប្រតិបត្តិការតាមការអនុញ្ញាតពីលោក ហាក់ ហ៊ាន់ ព្រះរាជអាជ្ញារង នៃអយ្យាកាអមសាលាដំបូងខេត្តកំពង់ចាម បង្ក្រាបបទល្មើសជលផលបានចំនួន១ករណី ដោយបានកសាងសំណុំរឿងតាមនីតិវិធីនៃច្បាប់ ស្តីពីជលផល និងរុះរើបំផ្លាញចោលវត្ថុតាង នៃបទល្មើសជលផលរួមមាន ៖ ១- ឧបករណ៍លូស្បៃមុងចំនួន ១២មាត់, ២- របាំងស្បៃមុងប្រវែង ២៤០ម៉ែត្រ, ៣- បង្គោលចម្រឹងចំនួន ២៤៤ដើម និង៤- ចាក់លែងកូនត្រីចម្រុះចម្រុះជាច្រើនគីឡូក្រាម នៅចំណុចបឹងជាឬស្សី ឃុំព្រែកកុយ ស្រុកកមាស ។
ជាមួយគ្នានោះ ជំនាញជលផល ក៏សូមធ្វើការអំពាវនាវដល់បងប្អូនប្រជាពលរដ្ឋរស់នៅតាមដងទន្លេ សូមមេត្តាកុំប្រើប្រាស់ឧបករណ៍នេសាទល្មើសច្បាប់ ងាកមកប្រើប្រាស់ឧបករណ៍នេសាទស្របច្បាប់វិញ ទើបសំបូរមច្ឆាជាតិសម្រាប់ទ្រទ្រង់ដល់មនុស្សលោក៕
ចែករំលែកព័តមាននេះ