រាជធានីភ្នំពេញ ៖ ជនសង្ស័យ៦នាក់ (៤នាក់ជាមុខសញ្ញាចែកចាយ និង២នាក់ជាអ្នកសេព) ត្រូវបានកម្លាំងសមត្ថកិច្ចនៃអធិការដ្ឋាននគរបាលខណ្ឌច្បារអំពៅ សហការជាមួយនគរបាលប៉ុស្តិ៍ព្រែកឯង ព្រែកប្រា និងច្បារអំពៅទី២ ធ្វើការបង្ក្រាបបាននៅចំណុច៤ទីតាំងផ្សេងៗគ្នាក្នុងមូលដ្ឋានខណ្ឌច្បារអំពៅ កាលពីវេលាយប់ថ្ងៃទី០១ មករា ២០១៧ ។
រាជធានីភ្នំពេញ ៖ ជនសង្ស័យ៦នាក់ (៤នាក់ជាមុខសញ្ញាចែកចាយ និង២នាក់ជាអ្នកសេព) ត្រូវបានកម្លាំងសមត្ថកិច្ចនៃអធិការដ្ឋាននគរបាលខណ្ឌច្បារអំពៅ សហការជាមួយនគរបាលប៉ុស្តិ៍ព្រែកឯង ព្រែកប្រា និងច្បារអំពៅទី២ ធ្វើការបង្ក្រាបបាននៅចំណុច៤ទីតាំងផ្សេងៗគ្នាក្នុងមូលដ្ឋានខណ្ឌច្បារអំពៅ កាលពីវេលាយប់ថ្ងៃទី០១ មករា ២០១៧ ។
ជនសង្ស័យ៤នាក់ ១-ឈ្មោះអ៊ុំ តាំងលី អាយុ១៨ឆ្នាំ មានទីលំនៅភូមិទួលតាចាន់ សង្កាត់ព្រែកឯង ខណ្ឌច្បារអំពៅ ។ ២-ឈ្មោះ ណាត វិសាល អាយុ១៦ឆ្នាំ ជាកម្មករសំណង់ មានទីលំនៅភូមិចុងព្រែក សង្កាត់ព្រែកឯង ខណ្ឌច្បារអំពៅ ។ ទាំង២នាក់ ត្រូវបានសមត្ថកិច្ចផ្នែកព្រហ្មទណ្ឌខណ្ឌ សហការជាមួយនគរបាលព្រែកឯង ធ្វើការឃាត់ខ្លួន បានកាលពីវេលាម៉ោង០៩ និង៣០នាទីយប់ថ្ងៃខែខាងលើ ចំណុចផ្ទះគ្មានលេខក្នុងភូមិចុងព្រែក សង្កាត់ព្រែកឯង ខណ្ឌច្បារអំពៅ ដោយដកហូតបានថ្នាំញៀន ៥កញ្ចប់ ( ៤កញ្ចប់ធំ និង១កញ្ចប់តូច ) ៣-ឈ្មោះទេព ពិសិដ្ឋ អាយុ៣៦ឆ្នាំ ជាជាងជួសជុលរថយន្ត មានទីលំនៅភូមិស្វាយរលំ ស្រុកស្អាង ខេត្តកណ្តាល ។ ៤-ឈ្មោះឡេង សុផល អាយុ៣០ឆ្នាំ ជាអ្នកលក់ក្រដាសអនាម័យ មានទីលំនៅភូមិសន្សំកុសល សង្កាត់បឹងទំពុន ខណ្ឌមានជ័យ ទាំង២នាក់ត្រូវឃាត់ខ្លួន កាលពីវេលាម៉ោង១០យប់ថ្ងៃខែឆ្នាំដដែល ចំណុចផ្លូវលំស្ថិតក្នុងភូមិដើម ចាន់ សង្កាត់ច្បារអំពៅទី២ ខណ្ឌច្បារអំពៅ ដោយធ្វើការដកហូតថ្នាំញៀនចំនួន៧កញ្ចប់តូច ដាវសាមូរ៉ៃ២ដើម កូនកន្ត្រៃ១ កូនកាំបិតមួយ ម៉ូតូ១គ្រឿង និងវត្ថុតាងគ្រឿងញឿនមួយចំនួនធំទៀត ។
ដោយឡែក ជនសង្ស័យ២នាក់ផ្សេងទៀត គ្រាន់តែជាអ្នកសេព ត្រូវបានឃាត់ខ្លួននៅសង្កាត់ព្រែកប្រា ១-ឈ្មោះស្មាន សាឡេះ អាយុ៥០ឆ្នាំ ជនជាតិអ៊ិស្លាម មានទីលំនៅសង្កាត់ព្រែកប្រា ខណ្ឌច្បារអំពៅ និងម្នាក់ទៀតមានឈ្មោះម៉ុន ប៊ុននាង ភេទប្រុស អាយុ៣០ឆ្នាំ មានទីលំនៅភូមិជ្រោយ ប្រាសាក់ សង្កាត់ព្រែកប្រា ខណ្ឌច្បារអំពៅ ។
យ៉ាងណាមិញ បច្ចុប្បន្នជនសង្ស័យទាំង ៦នាក់ និងវត្ថុតាងត្រូវបានឃុំខ្លួនបណ្តោះអាសន្ននៅអធិការ ដ្ឋាននគរបាលខណ្ឌ ត្រៀមកសាងសំណុំរឿងបញ្ចូនទៅតុលាការ ចាត់ការតាមនីតិវិធីច្បាប់នៅពេល ក្រោយ ។
គួរសង្គេតឃើញថា ដោយអនុវត្តស្របទៅតាមយុទ្ធនាការណែនាំរបស់រាជរដ្ឋាភិបាលកម្ពុជា ស្តីពីការបង្ក្រាប និងលុបបំបាត់គ្រឿងញៀន ក្នុងរយះពេល៦ខែគិតចាប់ពីថ្ងៃទី១ ដើមខែមករា ឆ្នាំ២០១៧ នៅពាក់កណ្តាលឆ្នាំ យើងឃើញថា តាមបណ្តាខណ្ឌ រាជធានី ខេត្ត ស្រុក ពិសេសនគរបាលជំនាញ ពាក់ព័ន្ធមួយចំនួន បាននឹងកំពុងបញ្ចេញ ក៏ដូចជាកំដៅសាច់ដុំបណ្តើរៗហើយ ដោយបានបង្ក្រាបជនប្រើប្រាស់ និងជួញដូរគ្រឿងញៀនជាច្រើន ក្នុងកំឡុងថ្ងៃទី១នៃ៦ខែក្នុងយុទ្ធនាការលុបបំបាត់គ្រឿងញៀនទូទាំងប្រទេសមួយនេះ ។
ចែករំលែកព័តមាននេះ