ព្រះមហា ស៊ឹម សានិតបានពន្យល់ថា ត្រូវធ្វើជាមនុស្សប្រុស ឬមនុស្សស្រីម្នាក់ដែលមានភាពឈ្លាសវៃ រឹងមាំ ទន់ភ្លន់ ច្បាស់លាស់ ស្មោះត្រង់ មានស្មារតីទទួលខុសត្រូវចំពោះទង្វើរបស់ខ្លួនឯង…
ព្រះមហា ស៊ឹម សានិតបានពន្យល់ថា ត្រូវធ្វើជាមនុស្សប្រុស ឬមនុស្សស្រីម្នាក់ដែលមានភាពឈ្លាសវៃ រឹងមាំ ទន់ភ្លន់ ច្បាស់លាស់ ស្មោះត្រង់ មានស្មារតីទទួលខុសត្រូវចំពោះទង្វើរបស់ខ្លួនឯង ចេះភ្ញាក់រឭក ឬមានសតិសម្បជញ្ញៈ ព្យាយាម ប្រឹងប្រែង និងមានភាពសកម្មនៅក្នុងជីវិត មិនធ្វេសប្រហែស និងមានការទទួលខុសត្រូវខ្ពស់ ។
មូលហេតុដែលប៉ុន្មានចំណុចខាងលើនេះ ពិតជាមានតម្លៃសម្រាប់ជីវិតរបស់យើងគ្រប់គ្នានៅក្នុងសង្គម ក្នុងអត្តភាពជាមនុស្សទើបបណ្តាលឱ្យព្រះអង្គសរសេរនូវសេចក្តីទាំងនេះនៅក្នុងទីនេះ ។ យើងត្រូវចងចាំថា បើសិនជាយើងគ្រប់គ្នាខិតខំប្រឹងប្រែង ព្យាយាម ធ្វើអ្វីសព្វបែបយ៉ាងហើយ នៅតែមិនបានផ្លែផ្កា ក៏យើងមានភាពគួរគប្បីចំពោះខ្លួនឯងដែរ ព្រោះហេតុថា អ្វីសព្វបែបយ៉ាង មិនមែនចេះតែកើតឡើងទៅតាមការចង់បានរបស់មនុស្សឡើយ ។
មានមនុស្សជាច្រើនប្រាថ្នាចង់បានសេចក្តីសុខក្នុងជីវិត ហើយខិតខំប្រឹងប្រែងដើម្បីសម្រេចសេចក្តីប្រាថ្នារបស់ខ្លួន ប៉ុន្តែមនុស្សមិនជាច្រើនប៉ុន្មានឡើយ ដែលសមតាមបំណងប្រាថ្នារបស់ខ្លួន ។
ហេតុដូច្នេះ សូមយើងគ្រប់គ្នាបន្តដំណើរទៅមុខ ប្រកបដោយសេចក្តីព្យាយាម ព្រមជាមួយនឹងសតិសម្បជញ្ញៈ ភាពជឿជាក់ និងសេចក្តីក្លាហាន ហើយចូរកុំតូចចិត្ដ ក្រៀមក្រំ និងមានវិប្បដិសារៈចំពោះជោគវាសនារបស់ខ្លួនឯងឡើយ មានជីវិតត្រូវមានសង្ឃឹម ៕
ចែករំលែកព័តមាននេះ