ព្រៃផ្សៃណាស់ ! យកម្រាមដៃរុកប្រដាប់ភេទរហូតចេញឈាមជាច្រើនលើក
ខេត្តកណ្ដាល ៖ បុរសម្នាក់ត្រូវបានសមត្ថកិច្ចចាប់ខ្លួន បន្ទាប់ពីមានពាក្យបណ្ដឹងចោទប្រកាន់ថា បានប្រើម្រាមដៃរុកចូលប្រដាប់ភេទក្មេងស្រីអាយុ១០រហូតចេញឈាមជាច្រើនលើក …
ខេត្តកណ្ដាល ៖ បុរសម្នាក់ត្រូវបានសមត្ថកិច្ចចាប់ខ្លួន បន្ទាប់ពីមានពាក្យបណ្ដឹងចោទប្រកាន់ថា បានប្រើម្រាមដៃរុកចូលប្រដាប់ភេទក្មេងស្រីអាយុ១០រហូតចេញឈាមជាច្រើនលើកច្រើនសារនៅក្នុងផ្ទះជួលលក់គ្រឿងក្លែមរបស់ខ្លួននៅភូមិព្រែករាំង សង្កាត់កំពង់សំណាញ់ ក្រុងតាខ្មៅ ។ ការចាប់ខ្លួននេះធ្វើឡើងកាលពីថ្ងៃទី២៨ ខែធ្នូ ឆ្នាំ២០១៦ ។
មន្ត្រីនគរបាលការិយាល័យប្រឆាំងការជួញដូរមនុស្ស និងការពារអនីតិជនខេត្តបានឱ្យដឹងថា ជនសង្ស័យដែលបានឃាត់ខ្លួនឈ្មោះ យឹម សុភាព ភេទប្រុស អាយុ៣៨ឆ្នាំ មានប្រពន្ធ២នាក់ មានទីលំនៅភូមិតាក្តុល សង្កាត់តាក្តុល ក្រុងតាខ្មៅ ក្រុងតាខ្មៅ សព្វថ្ងៃជួលផ្ទះឈ្មោះ មុំ នៅភូមិព្រែករាំង សង្កាត់កំពង់សំណាញ់ ប្រកបរបរលក់គ្រឿងក្លែម ។ ចំណែកក្មេងស្រីរងគ្រោះ អាយុ១០ឆ្នាំ ជាក្មេងកំព្រាឪពុកម្ដាយរស់នៅជាមួយម្ដាយមីង ។
មន្ត្រីដដែលបានឱ្យដឹងបន្ថែមទៀតថា នៅវេលាម៉ោង១២ និង៥០នាទីថ្ងៃត្រង់ ថ្ងៃទី២៤ ខែធ្នូ ក្មេងស្រីរងគ្រោះបានដើរមកលេងនៅម្តុំផ្ដុំឈ្មោះ មុំ ដែលនៅជិតកន្លែងលក់សាច់ក្លែមរបស់ជនសង្ស័យ ពេលនោះជនសង្ស័យកំពុងតែអាំងសាច់លក់ ពេលឃើញក្មេងស្រីរងគ្រោះជនសង្ស័យក៏ដើរទៅមករក ស្រាប់តែក្មេងស្រីរងគ្រោះភ័យរត់ចូលក្នុងបន្ទប់របស់ឈ្មោះ មុំ តែម្តង ពេលនោះជនសង្ស័យក៏បានទាញទ្វារបិទ ហើយចាប់ក្មេងស្រីរងគ្រោះយកម្រាមដៃកណ្តាលរុកប្រដាប់ភេទក្មេងស្រីរងគ្រោះរហូតដាច់ចេញឈាម តែក្មេងស្រីរងគ្រោះមិនបានស្រែក ឬក៏និយាយប្រាប់នរណាម្នាក់ឲ្យបានដឹងឡើយ ព្រោះខ្លាចជនសង្ស័យវ៉ៃ ហើយក៏ចេញទៅវិញទៅ ។ លុះដល់ថ្ងៃទី២៨ ខែធ្នូ នៅពេលក្មេងស្រីរងគ្រោះទៅរៀននៅសាលាអង្គការ NAPiC ដែលមានទីតាំងនៅភូមិព្រែកឫស្សី សង្កាត់ព្រែកឫស្សី ក្រុងតាខ្មៅ ស្រាប់តែអ្នកគ្រូបង្រៀននៅសាលានោះបានឃើញនាងមានហូរឈាមជាប់សំពត់ ក៏បានសួរនាំទើបនាងប្រាប់រឿងហេតុដែលបានកើតឡើងទាំងអស់ឲ្យអ្នកគ្រួដឹង ។
ក្រោយមកអ្នកគ្រូនៅអង្គការក៏បាននាំក្មេងស្រីរងគ្រោះទៅពិនិត្យនៅមន្ទីរពេទ្យជ័យជំនះ រួចបានប្រាប់ទៅម្តាយមីងនាងឱ្យនាំនាងទៅដាក់ពាក្យបណ្តឹងនៅប៉ុស្តិ៍កំពង់សំណាញ់តែម្តង ។
តាមការសាកសួរក្មេងស្រីរងគ្រោះបានប្រាប់ទៀតថា ជនសង្ស័យធ្លាប់ធ្វើសកម្មភាពមកលើខ្លួនជាច្រើនដងរួចមកហើយ ចាប់តាំងពីអំឡុងខែតុលា ឆ្នាំ២០១៦ គឺនៅពេលក្មេងស្រីរងគ្រោះទៅជួយលាងចាន និងពេលទៅលេងនៅទីនោះ ពេលធ្វើសកម្មភាពនោះដោយជនសង្ស័យបានឲ្យលុយបន្តិចបន្តួច ឬឲ្យស្ករគ្រាប់ញុំ និងឲ្យមើលរឿងសិចតាមទូរស័ព្ទដៃ ដោយនៅពេលប្រព្រឹត្តម្តងៗជនសង្ស័យបានគំរាមរកវាយក្មេងរងគ្រោះ បើសិនជាហ៊ាននិយាយប្រាប់គេ ទើបនាងមិនហ៊ាននិយាយប្រាប់អ្នកណា រហូតលើកក្រោយនេះមានធ្លាក់ឈាមទើបបែកការណ៍តែម្ដង ។
មន្ត្រីនគរបាលបានឱ្យដឹងបន្ថែមថា បើទោះបីមានការចោទប្រកាន់បែបនេះក្ដី ជនសង្ស័យបានឆ្លើយបដិសេធថាខ្លួនមិនបានប្រព្រឹត្តដូចការចោទប្រកាន់របស់ក្មេងស្រីរងគ្រោះនោះទេ បើទោះបីនគរបាលបានជីកកកាយសួរជនសង្ស័យយ៉ាងណាក៏ដោយ ក៏ជនសង្ស័យនៅតែឆ្លើយបដិសែធការចោទប្រកាន់នេះដដែល ។
ទោះជាយ៉ាងណា នគរបាលបានកសាងសំណុំរឿង និងបញ្ជូនជនសង្ស័យទៅតុលាការកាលពីព្រឹកថ្ងៃទី៣០ ខែធ្នូ ឆ្នាំ២០១៦នេះ ដើម្បីចាត់ការបន្តតាមនីតិវិធី ៕
ចែករំលែកព័តមាននេះ