ឆ្កែភីតប៊ូលខាំក្មេងប្រុសម្នាក់ រហូតដល់ស្លា.ប់នៅវៀតណាម
វៀតណាម ៖ ក្មេងប្រុសអាយុ ៨ឆ្នាំម្នាក់ នៅខេត្តប៊ិញភឿក ភាគខាងត្បូងប្រទេសវៀតណាម ត្រូវឆ្កែពូជ ភីតប៊ូល (Pitbull) ដ៏ធំមួយក្បាល…
វៀតណាម ៖ ក្មេងប្រុសអាយុ ៨ឆ្នាំម្នាក់ នៅខេត្តប៊ិញភឿក ភាគខាងត្បូងប្រទេសវៀតណាម ត្រូវឆ្កែពូជ ភីតប៊ូល (Pitbull) ដ៏ធំមួយក្បាល…
វៀតណាម ៖ ក្មេងប្រុសអាយុ ៨ឆ្នាំម្នាក់ នៅខេត្តប៊ិញភឿក ភាគខាងត្បូងប្រទេសវៀតណាម ត្រូវឆ្កែពូជ ភីតប៊ូល (Pitbull) ដ៏ធំមួយក្បាល ខាំរហូតដល់ស្លា.ប់ នេះបើយោងតាមសារព័ត៌មាន VnExpress ។
កាលពីរសៀលថ្ងៃសុក្រ ទី២២ ខែកក្កដា ឆ្នាំ២០២២ ក្មេងប្រុសរងគ្រោះ បានទៅលេងផ្ទះជីដូន ដែលរស់នៅក្បែរគ្នា នៅក្នុងភូមិកូវ2 ឃុំដុងទៀន ស្រុកដុងភូ ខេត្តប៊ិញភឿក ។ រហូតដល់ម៉ោង១៧និង៣០នាទី ជីដូនឈ្មោះ ឡេ ធីលៀន កំពុងដេកលើអង្រឹងមុខផ្ទះ ហើយក្មេងប្រុសនោះបានទៅលេងខាងក្រោយផ្ទះ តែម្នាក់ឯង ។
នៅពេលក្មេងប្រុសកំពុងលេងនោះ ស្រាប់តែត្រូវឆ្កែភីតប៊ូល ទម្ងន់ជាង៣០គីឡូក្រាម ស្ទុះមកខាំដៃ និងករបស់ក្មេងប្រុសរូបនោះជាប់ វាខាំហើយខាំទៀត ។
ឮសំឡេងចៅប្រុសស្រែក ជីដូនក៏ស្ទុះចេញទៅមើលឃើញចៅប្រុសត្រូវឆ្កែខាំ ។ បន្ទាប់មក ជីដូនបានដេញឆ្កែនោះចេញ ហើយក៏លើកបីចៅប្រុស បញ្ជូនទៅមន្ទីរពេទ្យ ដើម្បីសង្គ្រោះបន្ទាន់ ។ ទោះបីជាយ៉ាងណា ដោយសាររបួសមានសភាពធ្ងន់ធ្ងរពេក ចៅប្រុសបានបាត់បង់ជីវិត នៅតាមផ្លូវទៅកាន់មន្ទីរពេទ្យ ។
បើតាមសម្តីរបស់ជីដូនឈ្មោះ ឡេ ធីលៀន បានប្រាប់ថា ឆ្កែភីតប៊ូលមួយក្បាលនេះជារបស់អ្នកជិតខាងម្នាក់ ដែលសុំឲ្យគាត់ជួយចិញ្ចឹមវាជាបណ្ដោះអាសន្នសិន ដោយសារប៉ុន្មានថ្ងៃចុងក្រោយនេះ គ្រួសារជិតខាងនេះ មានធុរៈចេញទៅឆ្ងាយ ។ ទើបអ្នកស្រី ឡេ ធីលៀន បានយកឆ្កែ មកដាក់ច្រវាក់ក ទុកនៅក្នុងសួនក្រោយផ្ទះ ប៉ុន្តែជាអកុសល ក៏កើតរឿងបែបនេះតែម្តង ។
ក្រោយកើត មន្ត្រីមូលដ្ឋាន និងកម្លាំងសមត្ថកិច្ចជំនាញ កំពុងស៊ើបអង្កេតករណីនេះបន្ថែមទៀត ផងដែរ ។
Pitbull គឺជាពូជសត្វឆ្កែមួយប្រភេទ ដែលមានគ្រោះថ្នាក់ខ្ពស់ ហើយនៅក្នុងប្រទេសវៀតណាម បានបណ្តាលឲ្យមានសោកនាដកម្មជាច្រើនករណីរួចមកហើយ ដូច្នេះទាមទារឲ្យម្ចាស់ដឹងពីរបៀបហ្វឹកហាត់ ក៏ដូចជាការដាក់ច្រវ៉ាក់យ៉ាងប្រុងប្រយ័ត្នបំផុត ៕
ចែករំលែកព័តមាននេះ