ពួកយើងភាគច្រើនមិនដែលគិតថា នឹងប្រើប្រាស់ទឹកអង្ករធ្វើជាសារធាតុផ្សំសម្រាប់ថែរក្សាសម្ផស្សប្រចាំថ្ងៃរបស់យើងទេ។ ទឹក អង្ករមានបរិមាណវីតាមីន និងសារធាតុប្រឆាំង អុកស៊ីតកម្មក្នុងកម្រិតមួយខ្ពស់ដែលត្រូវបានគេដឹងថាមានអត្ថប្រយោជន៍យ៉ាងខ្លាំងណាស់សម្រាប់សុខភាពស្បែក និងសក់។ ដោយសារតែសារធាតុអាស៊ីត ferulic និង allantoin ទឹកអង្ករមានលក្ខណៈសម្បត្តិប្រឆាំងនឹងការរលាកជាច្រើន ។
ខាងក្រោមនេះគឺជាអត្ថប្រយោជន៍មួយចំនួននៃទឹកអង្ករសម្រាប់រក្សាសម្រស់ ៖
១-សម្អាតផ្ទៃមុខ ៖ ទឹកអង្ករអាចប្រើជាទឹកសំអាតផ្ទៃមុខ ដោយសារវាអាចជួយក្នុងការកម្ចាត់ភាពកខ្វក់ និងធូលីដីពីស្បែកមុខ ។ អ្នកគ្រាន់តែយកសំឡីជ្រលក់ក្នុងទឹកអង្ករ និងម៉ាស្សាវាលើមុខរបស់អ្នកក្នុងទិសដៅជារង្វង់។ ទុកឲ្យវាស្ងួត និងលាងចេញជាមួយទឹកត្រជាក់ ។ ការសម្អាតផ្ទៃមុខរបស់អ្នកជាមួយទឹកអង្ករអាចជួយរក្សាភាពយឺតនៃស្បែក និងធ្វើឲ្យសាច់មុខរបស់អ្នកទន់រលោងនិងសភ្លឺចែងចាំង។ សូមប្រើទឹកអង្ករលាងសម្អាតផ្ទៃមុខជារៀងរាល់ថ្ងៃដើម្បីទទួលបានផល ប្រយោជន៍ទាំងនេះ ។
២-ព្យាបាលមុន ៖ ទឹកអង្ករក៏អាចប្រើដើម្បីព្យាបាលរោគមុននៅលើផ្ទៃមុខបានផងដែរ។ វាជួយគ្រប់គ្រងការផ្ទុះបែកគ្រាប់មុននៅលើមុខនិងជួយកម្ចាត់ស្នាមមុននៅលើស្បែកមុខ ។ វាមានតួនាទីរឹតបន្តឹងរន្ធញើសលើស្បែកមុខ ដែលអាចជួយកាត់បន្ថយឱកាសនៃការកើតមុនបន្ថែមទៀតនៅលើស្បែកមុខ ។
៣-ព្យាបាលស្បែកដែលងាយរលាក ៖ ទឹកអង្ករអាចប្រើដើម្បីព្យាបាលស្បែកដែលរងការរលាក ។ ការប្រើទឹកអង្ករអាចជួយកាត់ បន្ថយការរលាក និងបញ្ហាក្រហមនៅលើផ្ទៃមុខ។ យោងតាមការសិក្សាបញ្ហាជំងឺសើស្បែកមួយនៅលើអ្នកដែលមានជំងឺរលាកស្បែកបានបង្ហាញថា ការងូតទឹករយៈពេល15នាទីជាមួយទឹកអង្ករពីរដងក្នុងមួយថ្ងៃអាចជួយធ្វើឲ្យប្រសើរឡើងនៃស្ថានភាពស្បែករលាកនេះបានគួរឲ្យកត់សម្គាល់ ។
៤-ជួយឲ្យស្បែកអ្នកមានពន្លឺស្រស់ថ្លា ៖ ការលាងសម្អាតមុខរបស់អ្នកជាមួយទឹកអង្ករអាចជួយឲ្យស្បែករបស់អ្នកមានពន្លឺភ្លឺស្រស់ថ្លា។ ដោយសារតែសារធាតុចិញ្ចឹមដែលសំខាន់ និងប្រូតេអុីនដែលមានវត្តមាននៅក្នុងទឹកអង្ករ ការលាងមុខដោយទឹកអង្ករធម្មតាអាចជួយក្នុងការបង្កើនផលិតកម្មនៃសារជាតិកូឡាជែនក្នុងរាងកាយ៕
ចែករំលែកព័តមាននេះ