ប្រធានក្រុមហ៊ុនសន្តិសុខប្តឹងអ្នកចាត់ការទូទៅ ពាក់ព័ន្ធយកប្រាក់ក្រុមហ៊ុនរាប់ពាន់ដុល្លារ
- បន្ទាយមានជ័យ
ខេត្តបន្ទាយមានជ័យ ៖ ប្រធានក្រុមហ៊ុនសន្តិសុខឯកជនប្តឹងអ្នកចាត់ការទូទៅចោទប្រកាន់ពីបទ
ខេត្តបន្ទាយមានជ័យ ៖ ប្រធានក្រុមហ៊ុនសន្តិសុខឯកជនប្តឹងអ្នកចាត់ការទូទៅចោទប្រកាន់ពីបទ
ខេត្តបន្ទាយមានជ័យ ៖ ប្រធានក្រុមហ៊ុនសន្តិសុខឯកជនប្តឹងអ្នកចាត់ការទូទៅចោទប្រកាន់ពីបទយកប្រាក់ក្រុមហ៊ុនមានលុយបាតចំនួន៣ម៉ឺនបាត និងប្រាក់ដុល្លាជាង៣ពាន់ដុល្លារ ត្រូវបានបញ្ចូនទៅសាលាដំបូងខេត្តបន្ទាយមានជ័យនៅថ្ងៃទី១៩ ខែកក្កដា ឆ្នាំ២០២២ ។
លោកវរៈសេនីយ៍ត្រី នួន នីណារ៉ូ មេបញ្ជាការកងរាជអាវុធហត្ថក្រុងប៉ោយប៉ែតបានប្រាប់ថា ជនសង្ស័យមានឈ្មោះ អ៊ីម ធារ៉ា ភេទប្រុស អាយុ៣២ឆ្នាំ មុខងារជាអ្នកចាត់ការទូទៅក្រុមហ៊ុនសន្តិសុខស៊ីឃ្យូវីធីហ្គាដ៨៨៨ ស្នាក់នៅភូមិប៉ាលិលេយ្យ២ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ មានស្រុកកំណើតនៅភូមិអំពិល ឃុំអំពិល ស្រុកកំពង់សៀម ខេត្តកំពង់ចាម។
លោកបានបញ្ជាក់ថា ការឃាត់ខ្លួនជនសង្ស័យខាងលើ គឺធ្វើឡើងបន្ទាប់ពីកម្លាំងកងរាជអាវុធហត្ថក្រុងប៉ោយប៉ែតបានទទួលពាក្យបណ្តឹងពីឈ្មោះ គង់ វណ្ណរ៉ា ភេទប្រុស អាយុ៤២ឆ្នាំ មុខងារជាប្រធានក្រុមសន្តិសុខស៊ីឃ្យូវីធីហ្គាដ៨៨៨ បានប្តឹងឈ្មោះ អ៊ីម ធារ៉ា មុខងារជាអ្នកចាត់ការទូរទៅក្រុមហ៊ុនសន្តិសុខស៊ីឃ្យូវីធីហ្គាដ៨៨៨ ដែលបានធ្វើសកម្មភាពយកលុយរបស់ក្រុមហ៊ុន រួមមានលុយបាតចំនួន៣០.០០០បាត និងប្រាក់ដុល្លារចំនួន៣.៤៥៥ដុល្លារ កាលពីថ្ងៃទី១២ ខែកក្កដា ឆ្នាំ២០២២ នៅភូមិប៉ាលិលេយ្យ២ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ ។
លោកវរៈសេនីយ៍ត្រី នួន នីណារ៉ូ បានបញ្ជាក់ថា ក្រោយទទួលពាក្យបណ្តឹងហើយដោយមានការសម្របសម្រួលពីឯកឧត្តម កើត សុវណ្ណារ៉េត ព្រះរាជអាជ្ញាអមសាលាដំបូងខេត្តបន្ទាយមានជ័យ កម្លាំងជំនាញបានស្រាវជ្រាវកំណត់មុខសញ្ញាដែលជនសង្ស័យបានគេចទៅស្រុកកំណើត ដោយកម្លាំងជំនាញបានសហការជាមួយកម្លាំងកងរាជអាវុធហត្ថស្រុកកំពង់សៀមខេត្តកំពង់ចាម ចុះឃាត់ខ្លួននៅថ្ងៃទី១៧ ខែកក្កដា ឆ្នាំ២០២២ នៅភូមិអំពិល ឃុំអំពិល ស្រុកកំពង់សៀម ខេត្តកំពង់ចាម។
ក្រោយឃាត់ខ្លួនជនសង្ស័យហើយបាននាំយកមកសាកសួរនៅទីបញ្ជាការកងរាជអាវុធហត្ថក្រុងប៉ោយប៉ែត ដោយយោងតាមចម្លើយសារភាពត្រូវបានកសាងសំណុំរឿងបញ្ជូនទៅសាលាដំបូងខេត្តបន្ទាយមានជ័យចាត់ការតាមច្បាប់ ៕
ចែករំលែកព័តមាននេះ