ខេត្តបន្ទាយមានជ័យ ៖ បុរសជាអ្នកសារព័ត៌មានម្នាក់ ត្រូវបានឃាត់ខ្លួនតាមដីកានៅថ្ងៃទី១២ កក្កដា ខណៈដែលគេចខ្លួនពីខេត្តកំពង់ធំ មកសំងំស្នាក់នៅក្នុងផ្ទះសំណាក់ ក្នុងសង្កាត់និងក្រុងប៉ោយប៉ែតខេត្តបន្ទាយមានជ័យ ពាក់ព័ន្ធពីបទកំហែងយក ។ ជនសង្ស័យមានឈ្មោះហ៊ាង លីហាក់ អាយុ៥២ឆ្នាំ រស់នៅភូមិកំពង់ចិន ឃុំកំពង់ចិន ស្រុកស្ទោង ខេត្តកំពង់ធំ ។
លោកឧត្តមសេនីយ៍ទោ សិទ្ធិ ឡោះ ស្នងការនគរបាលខេតក្តបន្ទាយមានជ័យបានប្រាប់ថា នៅពេលឃាត់ខ្លួនជនសង្ស័យម្នាក់ ដែលអះអាងជាអ្នកសារព័ត៌មាន គឺកម្លាំងអធិការដ្ឋាននគរបាលក្រុងប៉ោយប៉ែត បានសហការជាមួយកម្លាំងជំនាញស្នងការដ្ឋាននគរបាលខេត្តកំពង់ធំ បានឃាត់ខ្លួនជនសង្ស័យហ៊ាង លីហាក់ តាមដីកាបង្គាប់ឱ្យនាំខ្លួនលេខ៦៣ អ ន ខ /២២ ចុះថ្ងៃទី០៨ ខែមិថុនា ឆ្នាំ២០២២របស់លោក អែម សុទ្ធសច្ចា ចៅក្រមស៊ើបសួរ នៃសាលាដំបូងខេត្តកំពង់ធំ។
លោកបានបញ្ជាក់ថា ដោយយោងតាមសំណុំរឿងព្រហ្មទណ្ឌលេខ៦៧៤ចុះថ្ងៃទី២០ ខែតុលា ឆ្នាំ២០២១របស់អយ្យការអមសាលាដំបូងខេត្តកំពង់ធំបានឃើញថា ឈ្មោះហ៊ាង លីហាក់ មានអត្តសញ្ញាណដូចខាងលើ ត្រូវបានដាក់ក្រោមការពិនិត្យពីបទ(កំហែងយក ដែលប្រព្រឹត្តនៅចំណុចអូរពសាមគ្គី ឃុំមានរិទ្ធ ស្រុកសណ្តាន់ ខេត្តកំពង់ធំ នៅអំឡុងឆ្នាំ២០២០ កន្លងមកបទល្មើសព្រហ្ម
ទណ្ឌមានចែង និងផ្ទន្ទាទោសតាមបញ្ញាតិមាត្រា ៣៦៣ និង៣៦៤ នៃក្រមព្រហ្មទណ្ឌឆ្នាំ២០០៩។
លោកឧត្តមសេនីយ៍ទោ សិទ្ធិ ឡោះ បានបញ្ជាក់ថា ក្រោយឃាត់ខ្លួនជនសង្ស័យឈ្មោះ ហ៊ាង លីហាក់ អះអាងអ្នកសារព័ត៌មានបាននាំយកសាកសួរតាមចម្លើយសារភាពខ្លួនបានគេចចេញពីផ្ទៈនៅខេត្តកំពង់ធំ មកស្នាក់ក្រុងប៉ោយប៉ែតខេត្តបន្ទាយមានជ័យ រយៈពេលជាង១០ថ្ងៃ ដែលគេចខ្លួនពីដីកាតុលាការឱ្យហួសសុពលភាពសិន រង់ចាំមេធាវីចូលធ្វើការជំនួស។
ក្រោយសាកសួរហើយបានប្រគល់ជនសង្ស័យទៅកម្លាំងស្នងការដ្ឋាននគរបាលខេត្តកំពង់ធំវិញ ដើម្បីអនុវត្តតាមច្បាប់ ។ សូមបញ្ជាក់ថា ជនសង្ស័យគឺទាក់ទិននឹងបណ្តឹងរបស់ឈ្មួញរកស៊ីឈើនិងមន្ត្រីបរិស្ថានដែលប្តឹងពីការជំរិតទារប្រាក់(កំហែងយក)។
ប្រធានមន្ទីធម្មការនិងសាសនាខេត្តបន្ទាយមានជ័យបានប្រាប់ថា លោកត្រូវបានការគំរាមកំហែងពីឈ្មោះ ហ៊ាង លីហាក់ ថាខ្លួនជាចាងហ្វាងកាសែត និងមានរហ័ស្សនាមជនសារ ដែលបានប្រឌិតរឿងរ៉ាវចោទប្រកាន់ ហើយបង្កើតបណ្តាញសង្គមតាមរយៈ(Messenger និងTelegram) ដើម្បីឆាតសួរនាំនិងគំរាមទារប្រាក់ ៕
ចែករំលែកព័តមាននេះ