ពិធីប្រកាសតែងតាំងប្រធានសាខាគយ និងរដ្ឋាករខេត្តតាកែវថ្មី
- តាកែវ
ខេត្តតាកែវ ៖ កាលពីរសៀលថ្ងៃចន្ទ ទី១១ ខែកក្ដដា ឆ្នាំ២០២២ នេះ លោក អ៊ូច ភា អភិបាល នៃ
ខេត្តតាកែវ ៖ កាលពីរសៀលថ្ងៃចន្ទ ទី១១ ខែកក្ដដា ឆ្នាំ២០២២ នេះ លោក អ៊ូច ភា អភិបាល នៃ
ខេត្តតាកែវ ៖ កាលពីរសៀលថ្ងៃចន្ទ ទី១១ ខែកក្ដដា ឆ្នាំ២០២២ នេះ លោក អ៊ូច ភា អភិបាល នៃគណៈអភិបាលខេត្តតាកែវ និង លោក សែ សុឃន អគ្គនាយរង នៃអគ្គនាយកដ្ឋានគយ និងរដ្ឋាករកម្ពុជា បានអញ្ជើញចូលរួមក្នុងពិធីប្រកាសផ្ទេរភារកិច្ចប្រធានសាខាគយ និងរដ្ឋាករខេត្តតាកែវថ្មី ក្នុងនោះលោក កែវ វ៉ាន្នី ពី ប្រធានសាខាគយ និងរដ្ឋាករខេត្តតាកែវ ត្រូវបានតែងតាំងជាប្រធានសាខាគយ និងរដ្ឋាករកំផែអន្តរជាតិភ្នំពេញ ចំណែក លោក ស៊ុន ឆាយ ពីប្រធានសាខាគយ និងរដ្ឋាករកំផែអន្តរជាតិភ្នំពេញ ត្រូវបានតែងតាំងជាប្រធានសាខាគយ និងរដ្ឋាករខេត្តតាកែវ ។
ក្នុងពិធីខាងលើនេះដែរ មានការអញ្ជើញចូលរួមដោយ លោក លោកស្រី ប្រតិភូអគ្គនាយកដ្ឋានគយ និងរដ្ឋាករកម្ពុជា លោកប្រធានសាលាដំបូងខេត្ត និង លោកព្រះរាជអាជ្ញាអមសាលាដំបូងខេត្ត លោក លោកស្រី ប្រធាន មន្ទីរអង្គភាពជុំវិញខេត្ត លោកឧត្តមសេនីយ៍ទោ ស្នងការនគរបាលខេត្ត លោក ឧត្តមសេនីយ៍ត្រី មេបញ្ជាការកងរាជ អាវុធហត្ថខេត្ត លោកឧត្តមសេនីយ៍ត្រី មេបញ្ជាការតំបន់ប្រតិបត្តិការសឹករងខេត្ត ព្រមទាំងមន្ត្រីពាក់ព័ន្ធជាច្រើនរូបផងដែរ។
លោកអ៊ូច ភា អភិបាលខេត្តតាកែវមានប្រសាសន៍ទៅកាន់លោកប្រធានសាខាគយនិងរដ្ឋាករខេត្តតាកែវថ្មីថា ត្រូវមានកិច្ចសហការល្អជាមួយសមត្ថកិច្ច ពិសេសរដ្ឋបាលខេត្តនៅពេលចុះបំពេញការងារ ទើបធ្វើការងារទទួលបានជោគជ័យដោយអនុវត្ថទៅតាមច្បាប់របស់យើងដែលមានស្រាប់ ។
លោកអភិបាលខេត្តមានប្រសាសន៍សង្កត់ធ្ងន់ថា ខេត្តយើងនៅជាប់ជាមួយប្រទេសវៀតណាម អញ្ចឹងឈ្មួញតែងតែលួចរត់ពន្ធទំនិញចូលមកគ្រប់រូបភាព ដូច្នេះដើម្បីអោយការប្រមូលពន្ធបាននោះប្រធានសាខាគយនឹងរដ្ឋាករខេត្តត្រូវពង្រឹងប៉ុស្តិ៍ទាំង៣នៅតាមព្រំដែនអោយបានល្អ ដោយមានកិច្ចសហការជាមួយសមត្ថកិច្ចទាំង៣អង្គភាពដើម្បីធ្វើការងារបង្ក្រាបអំពើរត់ពន្ធទំនិញដែលឈ្មួញលួចនាំចូលទាំងអស់នោះបាន ហើយការប្រមូលពន្ធនេះជាគ្រឹះដ៍រឹងមាំក្នុងការអភិវឌ្ឍន៍ប្រទេសជាតិ ៕
ចែករំលែកព័តមាននេះ