កម្មករម្នាក់ជួបគ្រោះពេលកំពុងធ្វើការ បែរជាថៅកែដឹកយកទៅទម្លាក់ចោលម្តុំស្ពានអាកាសចោមចៅ
- ភ្នំពេញ
រាជធានីភ្នំពេញ ៖ បុរសជាកម្មករលើកដែកម្នាក់បានរងរបួសធ្ងន់ធ្ងរ ដោយសារតែត្រូវដែកធ្លាក់ពី
រាជធានីភ្នំពេញ ៖ បុរសជាកម្មករលើកដែកម្នាក់បានរងរបួសធ្ងន់ធ្ងរ ដោយសារតែត្រូវដែកធ្លាក់ពីលើ បន្ទាប់មកថៅកែឃ្លាំងអត់ទទួលខុសត្រូវនោះទេ ហើយបានប្រើឱ្យកម្មករផ្សេងទៀតបើករថយន្តដឹកជនរងគ្រោះរូបនេះទៅទម្លាក់ចោលនៅកន្លែងលក់ខ្យូសនិងរូបចម្លាក់មួយកន្លែង ដែលមានទីតាំងស្ថិតនៅតាមមហាវិថីសហព័ន្ធរុស្ស៊ី ត្រង់ចំណុចស្ពានអាកាសចោមចៅ ភូមិព្រៃជីសាក់ សង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ បង្កឲ្យមានការភ្ញាក់ផ្អើលកាលពីវេលាម៉ោង៩ព្រឹកថ្ងៃទី១០ ខែកក្កដា ឆ្នាំ២០២២ ។
បុរសរងគ្រោះខាងលើរងរបួសធ្ងន់ធ្ងរខ្លាំងណាស់អាចនិយាយបានមួយម៉ាត់ៗតែប៉ុណ្ណោះ ដោយប្រាប់ថា រូបគាត់ឈ្មោះឈឿន អាយុ៣៧ឆ្នាំ មុខរបរកម្មករឃ្លាំងដែក ស្ថិតនៅឃុំព្រែកអញ្ចាញ ស្រុកមុខកំពូល ខេត្តកណ្ដាល និងមានស្រុកកំណើតនៅខេត្តព្រៃវែង ។ គាត់បានជួបគ្រោះថ្នាក់ពេលដែលថៅកែប្រើឲ្យលើកដែកបន្ទះកាលពីវេលាយប់ថ្ងៃទី៩ ខែកក្កដា ហើយត្រូវដែកធ្លាក់សង្កត់លើចំ.ពោះបណ្ដាលឲ្យរងរបួសធ្ងន់បែបនេះតែម្ដង ។ បន្ទាប់មកថៅកែបានឲ្យប្រាក់១០ម៉ឺនរៀលរួចប្រើកម្មករនៅឃ្លាំងនោះបើករថយន្តយកគាត់មកទម្លាក់ចោលនៅជិតស្ពានអាកាសចោមចៅនេះទាំងយប់។
ម្ចាស់ទីតាំងលក់ខ្យូសបានប្រាប់ឲ្យនគរបាលដឹងថា គាត់ពុំបានដឹងថាបុរសនេះត្រូវគេដឹកយកមកប្លុងចោលតាំងពីពេលណានោះទេ លុះព្រឹកឡើងស្រាប់តែប្រទះឃើញបុរសរងគ្រោះរូបនោះដេកនៅលើខ្យូសទៅហើយ នៅពេលសួរនាំ បុរសរងគ្រោះរូបនេះនិយាយអត់កើតឡើយ។ បន្ទាប់មកគាត់ក៏បានរាយការណ៍ជូនអាជ្ញាធរនិងនគរបាលប៉ុស្តិ៍ប៉ុស្តិ៍ចោមចៅទី៣ ចុះទៅពិនិត្យមើលជាក់ស្ដែង ហើយនគរបាលបានហៅរថយន្តសង្គ្រោះអង្គភាព៧១១ ដឹកយកបុរសរងគ្រោះទៅសង្គ្រោះបន្ទាន់នៅមន្ទីរពេទ្យព្រះកុសុមៈ ៕
ចែករំលែកព័តមាននេះ