ខេត្តបាត់ដំបង ៖ ជនសង្ស័យចំនួន៣នាក់ ដែលត្រូវជាម្ដាយនិងកូន បានត្រូវសមត្ថកិច្ចឃាត់ខ្លួនកាលពីវេលាម៉ោង៩ព្រឹកថ្ងៃទី១២ ខែធ្នូ ពាក់ព័ន្ធនឹងបទល្មើសរក្សាទុកនូវសារធាតុញៀនដោយខុសច្បាប់ ខណ:កំពុងប្រព្រឹត្តនៅក្នុងផ្ទះរបស់ខ្លួននៅភូមិថ្មគោលខាង ជើង ឃុំតាម៉ឺន ស្រុកថ្មគោល ។
ខេត្តបាត់ដំបង ៖ ជនសង្ស័យចំនួន៣នាក់ ដែលត្រូវជាម្ដាយនិងកូន បានត្រូវសមត្ថកិច្ចឃាត់ខ្លួនកាលពីវេលាម៉ោង៩ព្រឹកថ្ងៃទី១២ ខែធ្នូ ពាក់ព័ន្ធនឹងបទល្មើសរក្សាទុកនូវសារធាតុញៀនដោយខុសច្បាប់ ខណ:កំពុងប្រព្រឹត្តនៅក្នុងផ្ទះរបស់ខ្លួននៅភូមិថ្មគោលខាង ជើង ឃុំតាម៉ឺន ស្រុកថ្មគោល ។
មន្ត្រីនគរបាលស្រុកថ្មគោលឲ្យដឹងថា ជនទាំង៣នាក់នេះមាន ១-ឈ្មោះ អ៊ុក បូរ៉ា ភេទស្រី អាយុ៥៥ឆ្នាំ ជាម្ដាយ ២-ឈ្មោះ ឈាង រិទ្ធី ភេទប្រុស អាយុ២៦ឆ្នាំ ជាកូន និង៣-ឈ្មោះ ឈាង ទ្រី ភេទប្រុស អាយុ១៩ឆ្នាំ ជាកូន ។ ជាមួយនឹងការឃាត់ខ្លួននេះ សមត្ថ កិច្ច ក៏បានដកហូតវត្ថុតាងមួយចំនួនរួមមាន ថ្នាំញៀនប្រភេទម្សៅក្រាមពណ៌ស(ម៉ាទឹកកក) ចំនួន១៤កូនថង់ ដាវសាមូរ៉ៃ២ និងសម្ភារសម្រាប់ប្រើប្រាស់គ្រឿងញៀនមួយចំនួន ។
បើតាមមន្ត្រីជំនាញប្រាប់ថា ក្រុមគ្រួសារជនសង្ស័យខាងលើនេះ ត្រូវសមត្ថកិច្ចតាមដានសកម្មភាពពួកគេច្រើនខែមកហើយ មុនពេលឃាត់ខ្លួន ។ ប៉ុន្តែទោះជាដូច្នេះក្តី ក៏ជនសង្ស័យមួយគ្រួសារនេះ មិនបាននិយាយអំពីប្រវត្តិជួញដូរថ្នាំញៀនរបស់ខ្លួនទេ បើទោះជាមន្ត្រីជំនាញបានសួរដេញដោលនិងលើកបង្ហាញសំណុំរឿងខ្លះៗដែលជាប់ពាក់ព័ន្ធនឹងគ្រួសារខ្លួនក្ដី ។
ទោះជាយ៉ាងណា ពួកគេបានសារភាពទទួលស្គាល់នូវភ័ស្ដុតាងនានា ដែលសមត្ថកិច្ចឆែកឆេរនិងដកហូតបាន ។ ជនទាំង៣នាក់ម្តាយកូននេះ ត្រូវបានកសាងសំណុំរឿងបញ្ជូនទៅសាលាដំបូងខេត្ត ៕
ចែករំលែកព័តមាននេះ