ចាប់ខ្លួនបុរសជាឪពុកចុងដែលវា.យសម្លា.ប់កូនប្រុស
- តាកែវ
នគរបាលស្រុកគិរីវង់ សហការជាមួយនគរបាលស្រុកបន្ទាយមាស ខេត្តកំពត បានធ្វើការស្រាវជ្រាវចាប់ខ្លួនបុរសម្នាក់ជាឪពុកចុង ដែលវា.យសម្លា.ប់កូនប្រុស
នគរបាលស្រុកគិរីវង់ សហការជាមួយនគរបាលស្រុកបន្ទាយមាស ខេត្តកំពត បានធ្វើការស្រាវជ្រាវចាប់ខ្លួនបុរសម្នាក់ជាឪពុកចុង ដែលវា.យសម្លា.ប់កូនប្រុស
ខេត្តតាកែវ ៖ នគរបាលស្រុកគិរីវង់ សហការជាមួយនគរបាលស្រុកបន្ទាយមាស ខេត្តកំពត បានធ្វើការស្រាវជ្រាវចាប់ខ្លួនបុរសម្នាក់ជាឪពុកចុង ដែលវា.យសម្លា.ប់កូនប្រុស ហើយរត់គេចខ្លួនបាត់ ។
លោកវរសេនីយ៍ទោ យ៉ាង តារា អធិការរងនគរបាលស្រុកគិរីវង់ បានឱ្យដឹងថា ជនដៃដល់ឈ្មោះ ងយ ង៉ាន់ អាយុ៦៧ឆ្នាំ មានទីលំនៅក្នុងភូមិត្រពាំងខ្ចៅ ឃុំរាមអណ្ដើក ស្រុកគិរីវង់ បានប្រើកាំបិតក្ងុកកា.ប់កូនប្រុសឈ្មោះ ប៉ោក រ័ត្ន អាយុ៣០ឆ្នាំ រស់នៅក្នុងភូមិ ឃុំ ជាមួយគ្នា បណ្ដាលឱ្យស្លា.ប់នៅនឹងកន្លែងកើតហេតុ កាលពីថ្ងៃទី៤ ខែកក្កដា ឆ្នាំ២០២២ វេលាម៉ោងប្រមាណ៧និង៤៦នាទីយប់ ។
ក្រោមការចង្អុលបង្ហាញពីសំណាក់ឧត្តមសេនីយ៍ទោ ឈាង ផាន់ណារ៉ា ស្នងការនគរបាលខេត្ត និងមានការសម្របសម្រួលពីឯកឧត្តម ឯក ឆេងហួត ព្រះរាជអាជ្ញាអមសាលាដំបូងខេត្ត និងឯកឧត្តមព្រះរាជអាជ្ញាអមសាលាដំបូងខេត្តកំពត កម្លាំងនគរបាលស្រុកគិរីវង់ សហការជាមួយនគរបាលស្រុកបន្ទាយមាស ខេត្តកំពត បានឃាត់ខ្លួនជនដៃដល់ឈ្មោះ ងយ ង៉ាន់ កាលពីវេលាម៉ោងប្រមាណ៦និង២៥នាទីល្ងាចថ្ងៃទី៦ ខែកក្កដា ឆ្នាំ២០២២ នៅភូមិច្រកឃ្លៃ ឃុំទូកមាសខាងលិច ស្រុកបន្ទាយមាស ។
ក្រោយពីចាប់ឃាត់ខ្លួន ក៏បានបញ្ជូនមកការិយាល័យនគរបាលព្រហ្មទណ្ទកម្រិតធ្ងន់ខេត្តតាកែវ ដើម្បីកសាងសំណុំរឿងបញ្ជូនទៅសាលាដំបូង ។
សូមរំឭកថា កាលពីថ្ងៃទី៤ ខែកក្កដា ឆ្នាំ២០២២កន្លងទៅ វេលាម៉ោងប្រមាណ៧និង៤៦នាទីយប់ មានករណីឃា.តកម្មបង្កឡើងដោយជន់ឈ្មោះ ងយ ង៉ាន់ ជាឪពុកចុង មានទីលំនៅក្នុងភូមិត្រពាំងខ្ចៅ ឃុំរាមអណ្តើក ស្រុកគិរីវង់ បានយកកាំបិតក្ងុកកា.ប់កូនប្រុសឈ្មោះ ប៉ោក រ័ត្ន ចំគល់កផ្នែកខាងឆ្វេងបណ្តាលឱ្យស្លា.ប់នៅនឹងកន្លែងកើតហេតុ ។
ចំពោះមូលហេតុនៃការសម្លា.ប់នេះ គឺផ្ដើមចេញពីទំនាស់ពាក្យសម្តីគ្នា គួបផ្សំនឹងការផឹកស្រាស្រវឹងទាំង២នាក់ផង ប៉ុន្តែមិនបានផឹកជាមួយគ្នាទេ ៕
ចែករំលែកព័តមាននេះ