រដ្ឋមន្ត្រីការបរទេសរុស្ស៊ីទៅវៀតណាម មុនចូលរួមកិច្ចប្រជុំ G20 នៅឥណ្ឌូនេស៊ី
រុស្ស៊ី ៖ រដ្ឋមន្ត្រីការបរទេសរុស្ស៊ីលោក Sergey Lavrov នឹងធ្វើដំណើរទៅកាន់ទីក្រុងហាណូយ (Hanoi) នៅ
រុស្ស៊ី ៖ រដ្ឋមន្ត្រីការបរទេសរុស្ស៊ីលោក Sergey Lavrov នឹងធ្វើដំណើរទៅកាន់ទីក្រុងហាណូយ (Hanoi) នៅថ្ងៃអង្គារ ទី ៥ ខែកក្កដានេះ សម្រាប់ដំណើរទស្សនៈកិច្ចរយៈពេល ២ថ្ងៃនៅក្នុងប្រទេសវៀតណាម មុនពេលធ្វើដំណើរទៅចូលរួមកិច្ចប្រជុំកំពូល G20 ចុងសប្តាហ៍នេះក្នុងប្រទេសឥណ្ឌូនេស៊ី។ នេះបើយោងតាមការបញ្ជាក់របស់រដ្ឋាភិបាលវៀតណាម។
រដ្ឋាភិបាលវៀតណាមនិយាយក្នុងសេចក្តីប្រកាសថា ដំណើរទស្សនកិច្ចរបស់រដ្ឋមន្ត្រីការបរទេសរុស្ស៊ីនេះកើតឡើង ខណៈប្រទេសទាំងពីររម្លឹកខួបលើកទី ១០នៃភាពជាដៃគូយុទ្ធសាស្ត្រ។
សូមបញ្ជាក់ថា រុស្ស៊ីគឺជាអ្នកផ្គត់ផ្គង់អាវុ.ធដ៏ធំបំផុតរបស់វៀតណាម ហើយក្រុមហ៊ុនរុស្ស៊ីជាច្រើនបានចូលរួមក្នុងគម្រោងថាមពលសំខាន់ៗជាច្រើននៅក្នុងប្រទេសវៀតណាម។ ប្រទេសទាំងពីរមានទំនាក់ទំនងគ្នាយ៉ាងជិតស្និទពីសម័យសូវៀត ហើយរហូតមកដល់ពេលនេះ វៀតណាមមិនបានថ្កោលទោសការឈ្លានពានរបស់រុស្ស៊ីលើអ៊ុយក្រែននោះទេ។
កាលពីខែមេសាកន្លងទៅ វៀតណាមបោះឆ្នោតប្រឆាំងនឹងសេចក្តីសម្រេចក្នុងការព្យួររុស្ស៊ីនៅក្រុមប្រឹក្សាសិទ្ធិមនុស្សអង្គការសហប្រជាជាតិ៕ (យោងតាមប្រភព៖ Ajlazeera)
ចែករំលែកព័តមាននេះ