ខេត្តពោធិ៍សាត់ ៖ បុរសចំនួន០២នាក់ត្រូវបានខ្លាឃ្មុំមួយក្បាលទះនិងចាប់ហែក បណ្ដាលឲ្យរងរបួសធ្ងន់ធ្ងរ ស្ទើរតែស្លា.ប់ស្ទើររស់ ខណៈពេលដើរទៅរកត្រីបានត្រឹមពាក់កណ្ដាលផ្លូវ ។ ហេតុការណ៍នេះ កើតឡើងនៅវេលាម៉ោង១២ និង៤០នាទីរសៀលថ្ងៃទី០៤…
ខេត្តពោធិ៍សាត់ ៖ បុរសចំនួន០២នាក់ត្រូវបានខ្លាឃ្មុំមួយក្បាលទះនិងចាប់ហែក បណ្ដាលឲ្យរងរបួសធ្ងន់ធ្ងរ ស្ទើរតែស្លា.ប់ស្ទើររស់ ខណៈពេលដើរទៅរកត្រីបានត្រឹមពាក់កណ្ដាលផ្លូវ ។ ហេតុការណ៍នេះ កើតឡើងនៅវេលាម៉ោង១២ និង៤០នាទីរសៀលថ្ងៃទី០៤ ខែកក្កដា ឆ្នាំ២០២២ ត្រង់ចំណុចឆាយបីជាន់ឧបសម្ព័ន្ធស្ទឹងតាចាន់ ក្នុងភូមិឆាយលូក ឃុំអូរសោម ស្រុកវាលវែង ខេត្តពោធិ៍សាត់។
លោក ធាង ឡេង អធិការនគរបាលស្រុកវាលវែង បញ្ជាក់ឱ្យដឹងថា ជនរងគ្រោះឈ្មោះ ងុយងឿន អាយុ ៣៣ឆ្នាំ ជាប្រជាការពារភូមិ និងម្នាក់ទៀតឈ្មោះ ភី ភក្តី អាយុ ២៨ ឆ្នាំ ទាំងពីរនាក់រស់នៅក្នុងភូមិឃុំខាងលើ។
លោកបានបញ្ជាក់បន្ថែមថា មុនពេលកើតហេតុ ពួកគេទាំងពីរនាក់បាននាំគ្នាដើរបម្រុងទៅដងត្រីក្នុងស្ទឹង ប៉ុន្តែមិនទាន់បានដល់គោលដៅផង ស្រាប់តែមានខ្លាឃ្មុំមួយក្បាលបានទះ និងចាប់ហែក នៅពាក់កណ្តាលផ្លូវបណ្តាលឲ្យរងរបួសធ្ងន់ស្ទើរស្លា.ប់។ លោកបន្តថា នេះសំណាងហើយមានគ្នាពីរនាក់ចេះជួយគ្នាបានបើត្រឹមតែម្នាក់ឯងនោះ អាចបាត់បង់ជីវិតហើយ។ ចំពោះជនរងគ្រោះទាំងពីរនាក់កំពុងសម្រាកព្យាបាលនៅពេទ្យឯកជនមួយនៅក្នុងឃុំអូរសោម ។
ព័ត៌មានបន្ថែមនឹងមានផ្សាយជូនលើទំព័រកាសែតកោះសន្តិភាព ។
ចែករំលែកព័តមាននេះ