នាយករដ្ឋមន្ត្រីអ៊ុយក្រែនថា រុស្ស៊ីជាអ្នកបង្កសង្គ្រាម ដូច្នេះមហាសេដ្ឋីរុស្ស៊ីត្រូវចេញសង
អ៊ុយក្រែន ៖ នាយករដ្ឋមន្ត្រីអ៊ុយក្រែន លោក Denys Shmygal និយាយថា ការកសាងអ៊ុយក្រែនឡើង
អ៊ុយក្រែន ៖ នាយករដ្ឋមន្ត្រីអ៊ុយក្រែន លោក Denys Shmygal និយាយថា ការកសាងអ៊ុយក្រែនឡើងវិញអាចមានតម្លៃ ៧៥០ពាន់លានដុល្លារ ហើយមហាសេដ្ឋីរុស្ស៊ីគួរតែអ្នកចេញថ្លៃសង។
«យើងជឿជាក់ថា ប្រភពដ៏សំខាន់នៃការស្ថារអ៊ុយក្រែនឡើងវិញគួរតែរឹបអូសយកទ្រព្យសម្បត្តិរបស់រុស្ស៊ី និងមហាសេដ្ឋីរុស្ស៊ី»។ នេះជាការថ្លែងរបស់លោកកាលពីថ្ងៃច័ន្ទ ទី ៤ កក្កដា នៅក្នុងសន្និសីទក្នុងទីក្រុង Lugano ប្រទេសស្វីស។
លោកលើកឡើងពីការប៉ាន់ស្មានថា ទ្រព្យសម្បត្តិបង្កករបស់រុស្ស៊ីមានតម្លៃពី ៣០០ ទៅ ៥០០ពាន់លានដុល្លារ។
លោកបញ្ជាក់បែបនេះថា «អាជ្ញាធររុស្ស៊ីបានបង្កសង្គ្រាមបង្ហូរឈាមនេះ។ ពួកគេបង្កការបំផ្លិចបំផ្លាញដ៏ធំ ហើយពួកគេគួរតែទទួលខុសត្រូវ»។
រុស្ស៊ីនិយាយថា ប្រតិបត្តិការយោធាពិសេសរបស់ខ្លួននៅក្នុងប្រទេសអ៊ុយក្រែនគឺដើម្បីធ្វើឲ្យប្រទេសជិតខាងរបស់ខ្លួនលែងអាវុ.ធ និងការពារអ្នកនិយាយភាសារុស្ស៊ីពីអ្វីដែលខ្លួនហៅថាជាអ្នកជាតិនិយម។ ប៉ុន្តែអ៊ុយក្រែន និងប្រទេសលោកខាងលិចនិយាយថា វាគឺជាលេសគ្មានមូលដ្ឋានសម្រាប់ការឈ្លានពានជាក់ស្តែង ដែលមានបំណងដណ្តើមយកទឹកដីរបស់អ៊ុយក្រែន។
សូមបញ្ជាក់ថា ចាប់តាំងពីមានសង្គ្រាមឈ្លានពានអ៊ុយក្រែននៅថ្ងៃទី ២៤ ខែកុម្ភៈមក សហភាពអ៊ឺរ៉ុបបានប្រមូលថវិការជាង ៦,៤៨ពាន់លានដុល្លារសម្រាប់ជួយគាំទ្រផ្នែកហិរញ្ញវត្ថុដល់អ៊ុយក្រែន ហើយនឹងមានថវិការច្រើនបន្ថែមទៀត៕ (យោងតាមប្រភព៖ Reuters)
ចែករំលែកព័តមាននេះ