បក្ខពួកអាខ្ទើ.យយួន៣នាក់ សមត្ថកិច្ចបន្តឃុំខ្លួនម្នាក់ ដោះលែង២
ខេត្តមណ្ឌលគិរី ៖ សេចក្តីរាយការណ៍បានឲ្យដឹងថា បក្ខពួកខ្ទើ.យយួន ចំនួន៣នាក់ដែលសមត្ថកិច្ចចាប់បានកាលពីវេលាម៉ោង៦ និង៥៤ព្រលប់
ខេត្តមណ្ឌលគិរី ៖ សេចក្តីរាយការណ៍បានឲ្យដឹងថា បក្ខពួកខ្ទើយយួន ចំនួន៣នាក់ដែលសមត្ថកិច្ចចាប់បានកាលពីវេលាម៉ោង៦ និង៥៤ព្រលប់ ថ្ងៃទី០៦ ខែធ្នូ ឆ្នាំ២០១៦ នៅចំណុចភោជនីយដ្ឋានកំពង់ចម្លងទន្លេមេង្គ ស្ថិតក្នុងភូមិ១០ សង្កាត់កំពង់ចាម ក្រុងកំពង់ចាម ត្រូវបានដោះលែង២នាក់ហើយ នៅរសៀលថ្ងៃទី៨ ធ្នូ ២០១៦ នេះ ។
ជនសង្ស័យទាំង២នាក់ ត្រូវបានដោះលែងមានទី១-ឈ្មោះ រ៉េត សុធី ភេទប្រុស អាយុ២៨ឆ្នាំ ជនជាតិខ្មែរ រស់នៅភូមិ៣L ឃុំជីរោទ៍ទី២ ស្រុកត្បូងឃ្មុំ ខេត្តត្បូងឃ្មុំ និងទី២ ឈ្មោះ អឿ ណាត ភេទប្រុស អាយុ២៥ឆ្នាំ ជនជាតិខ្មែរ រស់នៅភូមិចម្ការអណ្តូង ឃុំចម្ការអណ្តូង ស្រុកចំការលើ ខេត្តកំពង់ចាម ។
ដោយឡែកលោក Stefan ជនជាតិហូឡង់ម្នាក់ជាថៅកែរោងចក្រផលិតស្ករ អាយុ៥៣ឆ្នាំ កាន់អត្តសញ្ញាណប័ណ្ណសញ្ជាតិខ្មែរឈ្មោះ លី ហេង សមត្ថកិច្ចបន្តឃុំខ្លួនបណ្តោះអាសន្ននៅឡើយ ព្រោះជាប់ពាក់ព័ន្ធលាក់បាំងព័ត៌មានជនសង្ស័យ មិនសហការជាមួយសមត្ថកិច្ច ។
សូមបញ្ជាក់ទៀតថា វីដេអូឃ្លីបពីសកម្មភាពប្រើប្រាស់ឧបករណ៍ឆក់ធ្វើទារុណកម្មលើក្មេងប្រុសនោះ គឺកើតមានតាំងពី២ខែមុនម្ល៉េះ ប៉ុន្តែទើបតែបែកធ្លាយដោយសារមានការបង្ហោះចែកចាយតៗគ្នា ។ បន្ទាប់មកមានអង្គការមួយឈ្មោះ CPU ស្នើមកលោកឧត្តមសេនីយ៍ត្រី ឯម កុសល ស្នងការនគរបាលខេត្ត ឲ្យធ្វើការស៊ើបអង្កេតជាបន្ទាន់លើករណីនេះ ។ ក្នុងពេលសមត្ថកិច្ចធ្វើការស្រាវជ្រាវក៏ដឹងថា ក្រុមជនពាក់ព័ន្ធកំពុងស្នាក់នៅក្នុងសណ្ឋាគារមេគង្គជិតមាត់ទន្លេ ខេត្តកំពង់ចាម។ នៅម៉ោង៦និង៣០នាទីល្ងាច ថ្ងៃទី៦ ខែធ្នូ ដោយមានការចូលរួមពីកម្លាំងការិយាល័យព្រហ្មទណ្ឌកម្រិតស្រាលខេត្តផងក៏បានទៅឡោមព័ទ្ធ និងហៅជនទាំង៣នាក់រួមមាន ១-ឈ្មោះ លី ហេង ភេទប្រុស អាយុ៥៣ឆ្នាំ ជនជាតិហូឡង់សញ្ជាតិខ្មែរ មានស្រុកកំណើតនៅទីក្រុងរ៉ូតធ័រដាម ប្រទេសហូឡង់ ទីលំនៅបច្ចុប្បន្ន ភូមិទី៥ សង្កាត់បឹងកេងកងទី១ ខណ្ឌចំការមន រាជធានីភ្នំពេញ ជាថៅកែរោងចក្រផលិតស្ករ ២-ឈ្មោះ អឿ ណាត ភេទប្រុស អាយុ២៥ឆ្នាំ រស់នៅភូមិជាជ្រៃ ឃុំចំការអណ្តូង ស្រុកចំការលើ ខេត្តកំពង់ចាម ៣-ឈ្មោះ រ៉េត សុធី ភេទប្រុស អាយុ៣២ឆ្នាំ នៅភូមិជីរោទ៍ទី២ ឃុំជីរោទ៍ទី២ ស្រុកត្បូងឃ្មុំ ខេត្តត្បូងឃ្មុំ រួមជាមួយនឹងរថយន្តម៉ាកនីស្សាន់១គ្រឿង ពាក់ផ្លាកលេខ ភ្នំពេញ ២AA ៨៨០៧ និងបានបញ្ជូនមកកាន់ស្នងការដា្ឋននគរបាលខេត្តដើម្បីសួរនាំ ។
មន្ដ្រីសមត្ថកិច្ចបញ្ជាក់ថា រីឯជនដៃដល់ឈ្មោះ ង្វៀន តាំងដុង ភេទប្រុសចរិតស្រី (ខ្ទើយ) អាយុ៣៤ឆ្នាំ ជាជនជាតិវៀតណាម និងត្រូវជាសង្សាររបស់ឈ្មោះ លី ហេង ។ ជននេះជាអ្នកធ្វើទារុណកម្មលើក្មេងប្រុសខាងលើ ហើយថែមទាំងបានលួចយកហ្វេសប៊ុករបស់ឈ្មោះ លី ហេង ប្រើដោយដាក់ឈ្មោះ Stefan Struik ។ លុះមកដល់ថ្ងៃទី៦ ខែធ្នូ សមត្ថកិច្ចបានឃាត់ខ្លួនម្ចាស់ហ្វេសប៊ុក Stefan Struik ដែលមានឈ្មោះពិតគឺ លី ហេង នៅសណ្ឋាគារមេគង្គ រួមនឹងមនុស្សប្រុស២នាក់ទៀតដែលជាអ្នកបម្រើការងារឲ្យជនជាតិហូឡង់នេះ ៕
ចែករំលែកព័តមាននេះ