ប្រកាសសាលក្រមផ្តន្ទាទោសលើសំណុំរឿងក្បត់ជាតិ
រាជធានីភ្នំពេញ ៖ នៅព្រឹកថ្ងៃទី៧ ខែធ្នូ ឆ្នាំ២០១៦ ចៅក្រមសាលាដំបូងរាជធានីភ្នំពេញ លោក សាន សុផាត ប្រធានក្រុមប្រឹក្សាជំនុំជម្រះ បានសម្រេចប្រកាសាលក្រម …
រាជធានីភ្នំពេញ ៖ នៅព្រឹកថ្ងៃទី៧ ខែធ្នូ ឆ្នាំ២០១៦ ចៅក្រមសាលាដំបូងរាជធានីភ្នំពេញ លោក សាន សុផាត ប្រធានក្រុមប្រឹក្សាជំនុំជម្រះ បានសម្រេចប្រកាសាលក្រម …
រាជធានីភ្នំពេញ ៖ នៅព្រឹកថ្ងៃទី៧ ខែធ្នូ ឆ្នាំ២០១៦ ចៅក្រមសាលាដំបូងរាជធានីភ្នំពេញ លោក សាន សុផាត ប្រធានក្រុមប្រឹក្សាជំនុំជម្រះ បានសម្រេចប្រកាសាលក្រមក្នុងសំណុំរឿង រួមគំនិតក្បត់ ដោយមានជនជាប់ចោទ១០នាក់នៅក្នុងឃុំនិងម្នាក់នៅក្រៅឃុំ ឈ្មោះ សម សេរី ជាប់ចោទពីបទផ្តើមគំនិតក្បត់ ។
សាលក្រមបានប្រកាសថា ជនជាប់ចោទ ១-ឈ្មោះ លីវ ឃី ភេទប្រុស អាយុ២៤ឆ្នាំ ដាក់ពន្ធនាគារកំណត់៥ឆ្នាំ, ២-ឈ្មោះ ច្រាញ់ មុត ភេទប្រុស អាយុ២៤ឆ្នាំ (និស្សិត) ដាក់ពន្ធនាគារកំណត់៥ឆ្នាំ, ៣-ឈ្មោះ ឃុន ណាគង់ ភេទប្រុស អាយុ២៩ឆ្នាំ (គ្រូបង្រៀន) ដាក់ពន្ធនាគារកំណត់៥ឆ្នាំ, ៤-ឈ្មោះ ឈុន ឆាត ភេទប្រុស អាយុ២៤ឆ្នាំ ដាក់ពន្ធនាគារកំណត់៦ឆ្នាំ, ៥-ឈ្មោះ ឡាត់ លីហេង ភេទប្រុស អាយុ២២ឆ្នាំ ដាក់ពន្ធនាគារកំណត់៦ឆ្នាំ, ៦-ឈ្មោះ អាន ចាន់ ភេទប្រុស អាយុ៣៥ឆ្នាំ ដាក់ពន្ធនាគារកំណត់៦ឆ្នាំ, ៧-ឈ្មោះ ច័ន្ទ ស្មា ភេទប្រុស អាយុ២៧ឆ្នាំ ដាក់ពន្ធនាគារកំណត់៦ឆ្នាំ, ៨-ឈ្មោះ ឈឹម ស្មាត់ ភេទប្រុស អាយុ៥៦ឆ្នាំ ដាក់ពន្ធនាគារកំណត់៦ឆ្នាំ, ៩-ឈ្មោះ មែន ចានរ៉ា ភេទប្រុស អាយុ២៩ឆ្នាំ ដាក់ពន្ធនាគារកំណត់៦ឆ្នាំ, ១០-ឈ្មោះ ឆាយ វ៉ិត ភេទប្រុស អាយុ៤០ឆ្នាំ ដាក់ពន្ធនាគារកំណត់៦ឆ្នាំ និង ១១-ឈ្មោះ សំ សេរី (កំបាំងមុខ) ដាក់ពន្ធនាគារកំណត់៩ឆ្នាំ និងចេញដីកាតាមចាប់ខ្លួនឈ្មោះ សម សេរី ។
សូមបញ្ជាក់ថា ក្នុងសវនាការកាលពីថ្ងៃទី៣០ ខែតុលា កន្លងទៅ ក្រុមជនជាប់ចោទចំនួន១០នាក់ដែលមានខ្លួន បានឆ្លើយសារភាពចំពោះទង្វើរបស់ពួកគេនៅមុខស្ថានទូតវៀតណាមកាលពីថ្ងៃទី២៣ ខែតុលា ឆ្នាំ២០១៤ ដោយពួកគេបានហៅថា អ្វីដែលបានកើតឡើងនោះគឺជាការចាញ់បោកឈ្មោះ សម សេរី ទាំងស្រុង ។
លោក ស៊ឹម មុន្នី ស្នងការរងទទួលបន្ទុកសន្តិសុខ នៃស្នងការនគរបាលរាជធានីភ្នំពេញ បានបំភ្លឺក្នុងសវនាការថា ក្រោយពេលសាលារាជធានីភ្នំពេញបានបដិសេធមិនឲ្យចលនារណស្សិរំដោះជាតិខ្មែរធ្វើបាតុកម្ម ប៉ុន្តែពួកគេនៅតែមានគម្រោងធ្វើដោយនាំយកនូវខិតប័ណ្ណ មួកមានស្លាកសញ្ញារណស្សិ ដំបង ទង់ជាតិ ផងនោះ សមត្ថកិច្ចក៏ឃាត់ខ្លួនពួកគេនៅយប់ថ្ងៃទី២២ ខែតុលា បាន៥នាក់ ។ លុះព្រឹកឡើងពួកគេបានលើកគ្នាមកដុតទង់ជាតិនៅមុខស្ថានទូតវៀតណាមចំនួន៥នាក់ទៀត ក៏ត្រូវចាប់ខ្លួនតែម្ដង ។
លោកស្នងការរងបានបញ្ជាក់ទៀតថា កាលពីថ្ងៃទី២៣ ខែតុលា ឆ្នាំ២០១៦ លោក សម សេរី ដែលជាប្រធានចលនារណស្សិរំដោះជាតិខ្មែរ បានចេញសេចក្ដីប្រកាសអំពីតួនាទីរបស់ជនជាប់ចោទដែលតុលាការកំពង់ឃុំខ្លួនថា សុទ្ធតែជាមន្ត្រីជាន់ខ្ពស់ រដ្ឋមន្ត្រី អនុរដ្ផមន្ត្រី ជាដើម របស់ចលនារណស្សិរំដោះជាតិខ្មែរនាពេលអនាគត ។
ពាក់ព័ន្ធករណីនេះ ជនជាប់ទាំង១០នាក់បានឆ្លើយក្នុងសវនាការថា រឿងទាំងអស់សុទ្ធតែឈ្មោះ សម សេរី និង លោក សម រង្ស៊ី រៀបចំដើម្បីទម្លាក់កំហុស និងយកចំណេញផ្នែកនយោបាយនៅក្រៅប្រទេស ដោយការឃុំខ្លួនពួកគេនេះ ។ ជនជាប់ចោទទាំង១០នាក់បានប្រកាសប្ដឹងលោក សម រង្ស៊ី និងលោក សម សេរី ។ ជនជាប់ចោទទាំង១០នាក់ ត្រូវបាន សមត្ថកិច្ចស្នងការនគរបាលរាជធានីភ្នំពេញឃាត់ខ្លួនក្នុងកំឡុងបាតុកម្មនាថ្ងៃទី២៣ ខែតុលា ឆ្នាំ២០១៤ នៅមុខស្ថានទួតវៀតណាម ដោយមានការដុតទង់ជាតិវៀតណាម និងការតវាមួយចំនួនទៀតប្រកបដោយហិង្សាជាមួយសមត្ថកិច្ច ៕
ចែករំលែកព័តមាននេះ