ចូលទៅចាប់អង្រួនប្រុងដាស់ឲ្យភ្ញាក់ ទើបដឹង
រាជធានីភ្នំពេញ ៖ ដោយសារតែមិនឃើញភ្ញៀវចុះមកហូបអាហារដូចសព្វមួយដង បុគ្គលិកផ្ទះសំណាក់ក៏ឡើងទៅគោះទ្វារហៅ តែគ្មានអ្នកបើកទ្វារសោះ ក៏យកកូនសោចាក់ …
រាជធានីភ្នំពេញ ៖ ដោយសារតែមិនឃើញភ្ញៀវចុះមកហូបអាហារដូចសព្វមួយដង បុគ្គលិកផ្ទះសំណាក់ក៏ឡើងទៅគោះទ្វារហៅ តែគ្មានអ្នកបើកទ្វារសោះ ក៏យកកូនសោចាក់ …
រាជធានីភ្នំពេញ ៖ ដោយសារតែមិនឃើញភ្ញៀវចុះមកហូបអាហារដូចសព្វមួយដង បុគ្គលិកផ្ទះសំណាក់ក៏ឡើងទៅគោះទ្វារហៅ តែគ្មានអ្នកបើកទ្វារសោះ ក៏យកកូនសោចាក់ចូលមើលហើយចាប់អង្រួនប្រុងដាស់ ទើបដឹងថាភ្ញៀវរូបនោះស្លាប់បាត់ទៅហើយ ។ ហេតុការណ៍នេះបង្កឱ្យមានការភ្ញាក់ផ្អើលកើតឡើងកាលពីវេលាម៉ោង១១ និង៣០នាទីព្រឹក ថ្ងៃទី៥ ខែធ្នូ ឆ្នាំ២០១៦ នៅក្នុងបន្ទប់ជាន់ទី២ ផ្ទះសំណាក់ និងបារ យីហោ ខរិ បារ (CURRY BAR) ផ្ទះលេខ១៤២A8 ផ្លូវលេខ១៧២ ក្រុម១៨ ភូមិ៤ សង្កាត់ជ័យជំនះ ខណ្ឌដូនពេញ ។
ប្រភពព័ត៌មានពីនគរបាលបានប្រាប់ឱ្យដឹងថា បុរសរងគ្រោះឈ្មោះ WOSS MICHAEL អាយុ៣៣ឆ្នាំ ជាអ្នកទេសចរណ៍ ជនជាតិអូទ្រីស កាន់លិខិតឆ្លងដែនលេខ U ០៩៩៣៩៧១ ។
ប្រភពបន្តថា មុនពេលកើតហេតុ ដោយមិនឃើញជនរងគ្រោះចេញមកខាងក្រៅ និងចុះមកក្រោមញ៉ាំអាហារដូចសព្វមួយដង បុគ្គលិកបម្រើការងារនៅក្នុងផ្ទះសំណាក់ និងបារនោះក៏បានឡើងទៅគោះទ្វារហៅ តែមិនមានអ្នកណាម្នាក់ឆ្លើយ ឬបើកទ្វារឲ្យឡើយ ។ ដោយមានការសង្ស័យ បុគ្គលិករូបនោះក៏បានយកកូនសោរទៅចាក់បើកទ្វារចូលទៅ ក៏បានប្រទះឃើញបុរសរូបនោះអង្គុយផ្កាប់មុខនៅលើគ្រែ ហើយក៏ចូលទៅចាប់អង្រួនប្រុងដាស់ឲ្យភ្ញាក់ តែដងខ្លួនមានសភាពរឹងកំព្រឹសទៅហើយ ទើបដឹងថាបុរសរូបនោះបានស្លាប់បាត់បង់ជីវិតទៅហើយ និងរាយការណ៍ទៅប្រាប់កសមត្ថកិច្ចមូលដ្ឋានឱ្យបានដឹងពីរឿងនេះ ។
ក្រោយពេលកើតហេតុ កម្លាំងមានសមត្ថកិច្ចមូលដ្ឋាន រួមទាំងនគរបាលជំនាញចក្ខុ ក៏បានចុះមកធ្វើការត្រួតពិនិត្យ និងកោសល្យវិច្ច័យសពបុរសជនជាតិអូទ្រីសរងគ្រោះទើបដឹងថា បុរសរងគ្រោះបានស្លាប់បាត់បង់ជីវិតដោយសារជំងឺគាំងបេះដូង បណ្តាលមកពីរូបគេបានប្រើប្រាស់គ្រឿងញៀនប្រភេទម៉ក់ហ្វីនច្រើនហួសកម្រិត រួចក៏បញ្ជូនសពទៅតម្កល់ទុកនៅមន្ទីរពេទ្យមិត្តភាពខ្មែរ-សូវៀត ដើម្បីរង់ចាំក្រុមគ្រួសារមកទទួលយកទៅកាន់ប្រទេសកំណើត ៕
ចែករំលែកព័តមាននេះ