បណ្ដេញបុរសជនជាតិអាមេរិកកាំងម្នាក់ទៅកាន់ប្រទេសកំណើតវិញ
រាជធានីភ្នំពេញ ៖ នៅម៉ោង១១ និង៤៥នាទីយប់ ថ្ងៃទី២៩ ខែវិច្ឆិកា ឆ្នាំ២០១៦ កម្លាំងនគរបាលនៃអគ្គនាយកដ្ឋានអន្តោប្រវេសន៍ក្រសួងមហាផ្ទៃ
រាជធានីភ្នំពេញ ៖ នៅម៉ោង១១ និង៤៥នាទីយប់ ថ្ងៃទី២៩ ខែវិច្ឆិកា ឆ្នាំ២០១៦ កម្លាំងនគរបាលនៃអគ្គនាយកដ្ឋានអន្តោប្រវេសន៍ក្រសួងមហាផ្ទៃ បានធ្វើការបណ្តេញបុរសជនជាតិអាមេរិកាំងម្នាក់ អោយទៅកាន់ប្រទេសកំណើតរបស់គេវិញ ទៅតាមជើងហោះហើរ KE 690 នៃអាកាសយានដ្ឋានអន្តរជាតិភ្នំពេញ ក្រោយពីរូបគេបានប្រើប្រាស់គ្រឿងញៀន ។
តាមប្រភពព័ត៌មានពីនគរបាលអន្តោប្រវរសន៍ម្នាក់បានប្រាប់ឱ្យដឹងថា បុរសជនជាតិអាមេរិកដែលធ្វើការបណ្តេញចេញទៅវិញនោះមានឈ្មោះ SAARI IAN WOODBRRY ភេទប្រុស អាយុ៤០ឆ្នាំ ក្រោយពីបានរកឃើញថា រូបគេបានធ្វើសកម្មភាព ប្រើប្រាស់សាធាតុញៀនដោយខុសច្បាប់ នៅក្នុងប្រទេសកម្ពុជាយើងនោះ ។
ការបណ្តេញចេញនូវបុរសជនជាតិអាមេរិកកាំងម្នាក់ខាងលើនេះដែរ គឺបានធ្វើឡើងក្រោយពីកម្លាំងមានសម្ថកិច្ចរបស់យើងធ្វើការឃាត់ខ្លួនរូបគេ ពីបទប្រើប្រាស់គ្រឿងញៀន និងបានឃាត់ខ្លួនយកមកកាន់នាយកដ្ឋានស៊ើបអង្កេត និងអនុវត្ថនិតិវិធីអស់រយៈពេលជាច្រើនថ្ងៃមកហើយ ។
តាមប្រភពដែលបានប្រាប់បន្តទៀតថា ក្រោយពីធ្វើការឃាត់ខ្លួនរូបគេរួចហើយ កម្លាំងរបស់លោកក៏បានសហការជាមួយនឹងនាយកដ្ឋានច្រកទ្វារទី១ នៃអាកាសយានដ្ឋានអន្តរជាតិភ្នំពេញតែម្តង ក្រោយពីមានសេចក្តីប្រកាសបណ្តេញចេញពីក្រសួងមហាផ្ទៃរួចមក ។
តាមប្រភពដដែលបានបញ្ជាក់ថា ក្នុងការអនុវត្តន៍ច្បាប់អន្តោប្រវេសន៍នៅក្នុងព្រះរាជាណាចកម្ពុជាយើង អោយមានប្រសិទ្ធភាពខ្ពស់នោះ កម្លាំងនៃនាយកដ្ឋានស៊ើបអង្កេត និងអនុវត្តន៍និតិវិធី តែងតែបានធ្វើការឃាត់ខ្លួន និងបណ្តេញចេញវិញនូវជនបរទេសគ្រប់សញ្ញាតិទាំងអស់ណាដែលបានលួចចូលមកស្នាក់នៅ និងបំពេញការងារដោយខុសច្បាប់នោះ ៕
ចែករំលែកព័តមាននេះ