ខេត្តបាត់ដំបង ៖ ទីតាំងល្បែងអាប៉ោងមួយកន្លែងត្រូវគេរាយការណ៍ថា បានបើកដំណើរការយ៉ាងរលូន និងមានសេចក្ដីសុខជាច្រើនខែកន្លងមកហើយ ដោយគ្មានការរំខានដល់កម្លាំងសមត្ថកិច្ចឡើយ រាប់តាំងពីថ្នាក់មូលដ្ឋានរហូតដល់ថ្នាក់ខេត្ត ហើយអ្នកកំពុងឆ្ងោកអ៊ុតអាចោរជើង០១នេះខ្លះពាក់អាវបង្ហាញអក្សរ «ប៉ូលិស» យ៉ាងសង្ហាទៀតផង…
ខេត្តបាត់ដំបង ៖ ទីតាំងល្បែងអាប៉ោងមួយកន្លែងត្រូវគេរាយការណ៍ថា បានបើកដំណើរការយ៉ាងរលូន និងមានសេចក្ដីសុខជាច្រើនខែកន្លងមកហើយ ដោយគ្មានការរំខានដល់កម្លាំងសមត្ថកិច្ចឡើយ រាប់តាំងពីថ្នាក់មូលដ្ឋានរហូតដល់ថ្នាក់ខេត្ត ហើយអ្នកកំពុងឆ្ងោកអ៊ុតអាចោរជើង០១នេះខ្លះពាក់អាវបង្ហាញអក្សរ «ប៉ូលិស» យ៉ាងសង្ហាទៀតផង ដែលគេសង្ស័យអាចពាក់ព័ន្ធនឹងសមត្ថកិច្ច។ ទីតាំងបនល្បែងអាចោរជើង១នេះ (អាប៉ោង) នេះ បើតាមសេចក្ដីរាយការណ៍ថា ស្ថិតក្នុងភូមិបឹងអាឡោក សង្កាត់អូរម៉ាល់ ក្រុងបាត់ដំបង ។
ប្រភពព័ត៌មានបានឲ្យដឹងថា មានមនុស្សចំនួន០៣នាក់ បានរួមដៃគ្មានបើកបនល្បែងគ្មានច្បាប់ទម្លាប់នេះ គឺឈ្មោះពៅ ជាម្ចាស់ផ្ទះ ឈ្មោះ សុខ និង ឈ្មោះ ស្រូច។ បើតាមប្រភពក្រៅផ្លូវការ បានអះអាងថា មេល្បែងឈ្មោះ ស្រូច នេះ គឺជាបណ្ដាញ (កស) របស់អធិការក្រុងបាត់ដំបងផង។ ព្រោះគេតែងប្រទះឃើញបុរសម្នាក់នេះ ធ្លាប់ពាក់ព័ន្ធបំរើការងារឲ្យកម្លាំងអធិការក្រុង ក្នុងកិច្ចការផ្សេងៗ ។ ប៉ុន្តែយ៉ាងណា គេនៅមិនទាន់សុំការបកស្រាយពីលោក ពេជ្រ សារ៉ែន អធិការក្រុងបាត់ដំបងបានភ្លាមៗ ពាក់ព័ន្ធនឹងមេល្បែឈ្មោះ ស្រូច នេះ។
បើតាមការពិនិត្យជាក់ស្ដែងទៅលើរូបភាពនៃសកម្មភាពប្រព្រឹត្តល្បែងស៊ីសងយ៉ាងគគ្លើនខាងលើនេះ គេឃើញសមាសភាពអ្នកប្រព្រឹត្តមានចាស់ មានក្មេង មានប្រុសមានស្រី។ ប៉ុន្តែអ្វីដែលគេមើលឃើញយ៉ាងជាក់ច្បាស់គួរឲ្យបះសក់នោះ គឺមានបុរសម្នាក់ពាក់អាវយឿងពណ៌ត្រេអ៊ីសរសេរអក្សរ«POLICE» លើអាវនៅពីក្រោយខ្នង ។ គេមិនដឹងឲ្យប្រាកដថា ជនម្នាក់នេះមានសមាសភាពជានរណា មានតួនាទីធ្វើអ្វីនោះទេ ។ ប៉ុន្តែបើតាមអ្នកដែលធ្លាប់ស្គាល់ប្រវត្តិបុរសម្នាក់នេះព្រាលៗ បាននិយាយថា «បុរសពាក់អាវយឿងមានអក្សរ ប៉ូលិស នោះ គឺឈ្មោះ ពៅ ជាម្ចាស់ផ្ទះដែលបើកបនល្បែងស៊ីសងខាងលើនេះហើយ»។
គេមិនបានដឹងច្បាស់អំពីពេលវេលា នៃការបើកបនល្បែងខុសច្បាប់នៅផ្ទះល្បងពៅនេះទេ។ ប៉ុន្តែបើតាមប្រភពព័ត៏មានបានអះអាងថា ទីតាំងល្បែងអាប៉ោងនៅផ្ទះល្បងពៅនេះ បានបើកដំណើរការប្រហែល០២ខែកន្លងមកហើយ។ មេល្បែងបានបង់សំណែនយ៉ាងទៀងទាត់ ទៅឲ្យសមត្ថកិច្ចរាប់ចាប់ពីថ្នាក់មូលដ្ឋានរហូតដល់ថ្នាក់ខេត្ត។
គេបានស្គាល់មុខយ៉ាងច្បាស់ចំពោះអ្នកទទូលប្រាក់សំណែនប្រចាំខែនេះទៀតផង(សុំលាក់)។ បើតាមអ្នកផ្ដល់ព័ត៏មានបានបញ្ជាក់ថា ជាទូទៅបនល្បែងនេះ ចាប់បើកទ្វារប្រមូលជើងតាំងពីព្រឹកព្រលឹម តែអ្នកលេងភាគច្រើនបានមកជួបជុំគ្នានៅម៉ោងរសៀល និង ដំណើរការរហូតដល់យប់ជ្រៅ ដោយគ្មានការរំខានដល់សមត្ថកិច្ចនៅអង្គភាពណាមួយឡើយ។
សូម្បីលោកចៅសង្កាត់ លោកចៅហ្វាយក្រុង រហូតដល់លោកចៅហ្វាយខេត្ត ក៏មិនបានជ្រាបជាដំណឹងដែរ។ មានតែមន្ត្រីខិលខូចទេ ដែលជ្រាបរឿងនេះច្បាស់។ មិនតែប៉ុណ្ណោះ មន្ត្រីខិចខូចទាំងនោះ ឈរចាំការពារបនល្បែងទាំងនេះយ៉ាងពេញទំហឹងទៀតផង។ ពេលនេះ ម៉ោងនេះ បនល្បែងនេះ បាននិងកំពុងប្រមូលផ្ដុំគ្នាប្រព្រឹត្តទៅយ៉ាងមានសេចក្ដីសុខបំផុត។
ប៉ុន្តែយ៉ាងណា មហាជនក៏កំពុងរងចាំអ៊ុតផងដែរថា តើសមត្ថកិច្ចក្នុងស្ថាប័នណា អង្គភាពណា ជាអ្នកបង្ហាញស្នាដៃ ចុះបង្ក្រាបទីតាំងល្បែងនៅខាងក្រោយផ្ទះលោកបងពីខាងលើនេះ ?
ចែករំលែកព័តមាននេះ