ពស់ថ្លាន់ដ៏ធំរួមរិតសត្វសុខនជិតមាត់រូងភ្នំក្រពើ ផ្អើលព្រះសង្ឃចេញទៅជួយ
- កំពត
សុនខ (ឆ្កែ) មេមួយក្បាល ត្រូវបានពស់ថ្លាន់មួយក្បាលទម្ងន់ប្រហែល១៥គីឡូក្រាម បានរួមរិតយ៉ាងខ្លាំង ធ្វើសត្វសុខន (ឆ្កែ) ទន់ឆ្អឹង
សុនខ (ឆ្កែ) មេមួយក្បាល ត្រូវបានពស់ថ្លាន់មួយក្បាលទម្ងន់ប្រហែល១៥គីឡូក្រាម បានរួមរិតយ៉ាងខ្លាំង ធ្វើសត្វសុខន (ឆ្កែ) ទន់ឆ្អឹង
ខេត្តកំពត ៖ បើតាមសេចក្តីរាយការណ៍បានឱ្យដឹងថា សុនខ (ឆ្កែ) មេមួយក្បាល ត្រូវបានពស់ថ្លាន់មួយក្បាលទម្ងន់ប្រហែល១៥គីឡូក្រាម បានរួមរិតយ៉ាងខ្លាំង ធ្វើសត្វសុខន (ឆ្កែ) ទន់ឆ្អឹងងា.ប់យ៉ាងតន់ហន់បំផុតនៅជិតមាត់រូងភ្នំក្រពើ ស្ថិតក្នុងភូមិព្រៃកឹក ឃុំប្រាសាទភ្នំខ្យង ស្រុកកំពង់ត្រាច ខេត្តកំពត។
បើតាមការអោយដឹងពីព្រះតេជ្ជគុណ គង់នៅវត្តភ្នំក្រពើ បានមានសង្ឃដីកាថា នៅវេលាម៉ោង៧និង៣០នាទីយប់ ថ្ងៃទី១៧ ខែមិថុនា ឆ្នាំ២០២២ ខណៈពេលព្រះសង្ឃក្នុងវត្ត កំពុងតែរៀនធម៌ ស្រាប់តែឮសំឡេង សុនខ (ឆ្កែ) ស្រែករំពងភូមិនៅជិតមាត់រូងតែម្តង។
ព្រះតេជ្ជគុណ មានសង្ឃដីកាបន្តថា ពេលនោះ ព្រះសង្ឃគង់នៅក្នុងវត្ត មិនបានចុះទៅមើល សុនខ (ឆ្កែ) វត្តស្រែកនោះទេ ព្រោះព្រះសង្ឃអង្គខ្លះទើបតែបួស ដូចនេះមានការភ័យខ្លាច។ ភ្លាមៗនោះ ព្រះសង្ឃក៏និមន្តមកជុំគ្នា ហើយក៏បាននិមន្តចុះតាមកាំជណ្ដើរ ទៅកាន់មាត់រូងនោះ ស្រាប់តែឃើញពស់ថ្លាន់មួយក្បាលយ៉ាងធំ កំពុងតែរួមរឹតមេ សុនខ (ឆ្កែ) តែម្តង។
ព្រះអង្គមានសង្ឃដីកាបន្តទៀតថា ដោយឃើញហេតុការណ៍ដ៏កម្រនេះ ព្រះសង្ឃក៏បានយកដើមឬស្សី បុកសត្វពស់ថ្លាន់ដែលកំពុងរួមរឹតសុនខមេ (ឆ្កែ)នោះ ។ ហើយមិនយូរប៉ុន្មាន ពស់ថ្លាន់មួយក្បាលនោះ ក៏បានលាពីការរួមរឹតសុនខមេ (ឆ្កែ) ហើយពស់ថ្លាន់នោះលូនចូលក្នុងរូងភ្នំវិញបាត់ទៅ។
ព្រះសង្ឃគង់នៅវត្តភ្នំក្រពើ មានសង្ឃដីកាបន្ថែមថា ពស់ថ្លាន់ជាច្រើនក្បាល ត្រូវបានព្រះសង្ឃប្រទះឃើញផងដែរ។
ព្រះអង្គមានសង្ឃដីកាបន្ថែមទៀតថា នៅក្នុងរូងភ្នំដែលពស់ថ្លាន់នៅនោះ អ្នកស្រុកក៏បានស្គាល់ថា ជារូងភ្នំក្រពើ ព្រោះកាលពីដើមឡើយ គឺមានក្រពើរស់នៅក្នុងរូងភ្នំហ្នឹង ហើយបើមានអ្នកចង់ឃើញក្រពើនៅក្នុងរូងភ្នំហ្នឹង ទាល់តែអុជធូបបួងសួងដល់ម្ចាស់ទឹកម្ចាស់ដី ទើបក្រពើបណ្ដែតខ្លួនអោយឃើញ។ ប៉ុន្តែឥឡូវនេះ គឺបាត់ក្រពើទៅហើយ មានតែពស់ថ្លាន់មករស់នៅក្នុងរូងភ្នំនោះវិញម្ដង។
គួរបញ្ជាក់ផងដែរថា អ្នកភូមិភ្នំខ្យង និងអ្នកភូមិព្រៃកឹក ក៏បានប្រើថ្នាំសម្លា.ប់ពស់ថ្លាន់ ធ្វើឱ្យងា.ប់ជាហូរហែ ព្រោះថា ពស់ថ្លាន់ទាំងនោះ តែងតែលូនទៅចាប់មាន់ ទារបស់អ្នកភូមិធ្វើជាអាហារជាញឹកញាប់ផងដែរ។
ចែករំលែកព័តមាននេះ