ខេត្តបាត់ដំបង៖ ខ្យល់កន្ត្រាក់បានវា.យប្រហារទៅលើលំនៅឋានរបស់ប្រជាពលរដ្ឋ បណ្ដាលឲ្យខូចខាតអស់ចំនួន១៣ខ្នង កាលពីល្ងាចថ្ងៃទី១៦ មិថុនា នៅភូមិតាពូងជើង ឃុំតាម៉ឺន ស្រុកថ្មគោល តែពុំមានគ្រោះថ្នាក់ដល់មនុស្សនោះទេ ។…
ខេត្តបាត់ដំបង៖ ខ្យល់កន្ត្រាក់បានវា.យប្រហារទៅលើលំនៅឋានរបស់ប្រជាពលរដ្ឋ បណ្ដាលឲ្យខូចខាតអស់ចំនួន១៣ខ្នង កាលពីល្ងាចថ្ងៃទី១៦ មិថុនា នៅភូមិតាពូងជើង ឃុំតាម៉ឺន ស្រុកថ្មគោល តែពុំមានគ្រោះថ្នាក់ដល់មនុស្សនោះទេ ។ នេះបើតាមសេចក្ដីរាយការណ៍របស់សមត្ថកិច្ច ។
អធិការស្រុកថ្មគោល លោក សេង លុច បានឲ្យដឹងថា លំនៅឋានពលរដ្ឋចំនួន១៣ខ្នង នៅក្នុងភូមិ ឃុំខាងលើ ត្រូវបានបំផ្លាញដោយខ្យល់កន្ត្រាក់ក្នុងរយៈពេលខ្លី តែមិនបង្កគ្រោះថ្នាក់ដល់មនុស្ស
ទេ ។
លោកបានប្រាប់ថា នៅពេលកើតហេតុ មានភ្លៀងធ្លាក់និងខ្យល់កន្ត្រាក់យ៉ាងខ្លាំង តែបានប៉ះពាល់ធ្ងន់ធ្ងរទៅលើតែភូមិខាងលើតែប៉ុណ្ណោះ។ បើតាមរបាយការណ៍បានបញ្ជាក់ថា លំនៅឋានរបស់ប្រជាពលរដ្ឋទាំង១៣ខ្នងខាងលើនេះ បានរងការខូចខាតភាគច្រើនរបើកដំបូងស្ទើរទាំងស្រុង និង ខ្លះទៀតខូចខាតជញ្ជាំង ដែលរសាត់រប៉ាត់រប៉ាយពេញភូមិ។
យ៉ាងណាក្ដី បើតាមលោកសេង លុច បានបញ្ជាក់ថា នេះគ្រាន់តែជារបាយការណ៍បឋមប៉ុណ្ណោះ ព្រោះពេលនេះ សមត្ថកិច្ចនិងអាជ្ញាធរដែនដី កំពុងចុះត្រូតពិនិត្យ ដើម្បីធ្វើរបាយការណ៍ជាក់លាក់អំពីតុល្យការនៃការខូចខាតផ្ទះសម្បែងពលរដ្ឋហើយ ៕
ចែករំលែកព័តមាននេះ