ខេត្តបន្ទាយមានជ័យ ៖ យុវជន៣នាក់ម្នាក់ បានស្លាប់ភ្លាមៗ និង២នាក់ទៀតរងរបួសធ្ងន់ ក្រោយពីជួបហេតុការណ៍គ្រោះថ្នាក់ចរាចរណ៍ បង្កឡើងដោយខ្លួនឯង ព្រោះតែស្រវឹងស្រា ហើយត្រូវបានរថយន្តសង្គ្រោះរបស់ស្នងការដ្ឋាននគរបាលខេត្ត ដឹកទៅសង្គ្រោះនៅមន្ទីរពេទ្យបង្អែក មិត្តភាពកម្ពុជា-ជប៉ុន នៅស្រុកមង្គលបុរី កើតឡើង កាលពីវេលាម៉ោង០៩ និង៣០នាទីយប់ថ្ងៃទី១៧
ខេត្តបន្ទាយមានជ័យ ៖ យុវជន៣នាក់ម្នាក់ បានស្លាប់ភ្លាមៗ និង២នាក់ទៀតរងរបួសធ្ងន់ ក្រោយពីជួបហេតុការណ៍គ្រោះថ្នាក់ចរាចរណ៍ បង្កឡើងដោយខ្លួនឯង ព្រោះតែស្រវឹងស្រា ហើយត្រូវបានរថយន្តសង្គ្រោះរបស់ស្នងការដ្ឋាននគរបាលខេត្ត ដឹកទៅសង្គ្រោះនៅមន្ទីរពេទ្យបង្អែក មិត្តភាពកម្ពុជា-ជប៉ុន នៅស្រុកមង្គលបុរី កើតឡើង កាលពីវេលាម៉ោង០៩ និង៣០នាទីយប់ថ្ងៃទី១៧វិច្ឆិកា ស្ថិតលើកំណាត់ផ្លូវជាតិលេខ៥៦A ក្នុងភូមិពង្រ សង្កាត់កំពង់ស្វាយ ក្រុងសិរីសោភ័ណ ខេត្តបន្ទាយមានជ័យ។
ជនរងគ្រោះទាំង៣នាក់ ១-ឈ្មោះឡយ ចាន់គឿន អាយុ៣៧ឆ្នាំ (ស្លាប់) បើកម៉ូតូម៉ាកវ៉េវ ពណ៌ព្រីងទុំ ២-ឈ្មោះឃៀម ស៊ីណា អាយុ២៣ឆ្នាំ (របួសធ្ងន់) និង៣-ឈ្មោះឈាវ ឆប អាយុ២៣ឆ្នាំ របួសធ្ងន់ ទាំង២នាក់ជិះម៉ូតូម៉ាកហុងឌ្រីម ពណ៌ខ្មៅឌុបគ្នា ។
តាមប្រភពពីឱ្យដឹងថា មុនពេលកើតហេតុ ឈ្មោះឡយ ចាន់គឿន បានបើកម៉ូតូ មកពីផ្ទះភូមិខ្លែងពណ៌ម្នាក់ឯង ក្នុងទិសដៅពីជើងទៅត្បូងយ៉ាងលឿន ក្នុងសភាពស្រវឹងស្រា ។ ពេលជិះមកដល់កន្លែងកើតហេតុ ជាចំណុចផ្លូវកោងក៏បុកជាមួយបង្គោលស៊ីម៉ងត៍ក្បែរផ្លូវ (សម្គាល់ជាកន្លែងផ្លូវកោង) បណ្តាលឱ្យសន្តក និងបាក់ដួលម៉ូតូបោកក្បាលនិងថ្នល់ស្លាប់ ។ បន្ទាប់មកគ្នីគ្នាគេមកពីក្រោយជិះឌុបគ្នាលឿនដែរនោះ ក៏បុកម៉ូតូឈ្មោះគឿន បន្ថែមទៀត បណ្តាលដួលរងរបួសធ្ងន់ទាំង២នាក់ ។
បើតាមសម្តីសាច់ញាតិជនរងគ្រោះដែលស្លាប់ថា ទើបមកពីធ្វើការនៅប្រទេសថៃ ដោយតូចចិត្តប្រពន្ធលែងលះបាន២ថ្ងៃហើយ ក៏នាំគ្នីគ្នា៣នាក់ទៅអង្គុយផឹកស្រារហូតដល់មិនអស់ចិត្ត ក៏បបួលគ្នីគ្នាគេ មកចូលខារ៉ាអូខេនៅក្រុងសិរីសោភ័ណទៀត ចេញមកវិញទើបជួបរឿងអកុសលនេះ ។
ចែករំលែកព័តមាននេះ