រឿងបុកទ្វារផ្ទះសំណាក់! ដឹងខុសចុះពីឡានមកទទួលកំហុស បែរជាផ្ទុះជម្លោះបែកផ្សែង
- ភ្នំពេញ
បុរសម្នាក់បើករថយន្តបំរុងចូលទៅដេកក្នុងផ្ទះសំណាក់យីហោ «ដំណាក់ចន្ទ» តែបួងចង្កូតមិនផុត ក៏ជ្រុលទៅបុកទ្វារដែកច្រកចូលផ្ទះ បណ្តាលឲ្យ
បុរសម្នាក់បើករថយន្តបំរុងចូលទៅដេកក្នុងផ្ទះសំណាក់យីហោ «ដំណាក់ចន្ទ» តែបួងចង្កូតមិនផុត ក៏ជ្រុលទៅបុកទ្វារដែកច្រកចូលផ្ទះ បណ្តាលឲ្យ
រាជធានីភ្នំពេញ ៖ បើតាមសេចក្តីរាយការណ៍បានឱ្យដឹងថា បុរសម្នាក់បើករថយន្តបំរុងចូលទៅដេកក្នុងផ្ទះសំណាក់យីហោ «ដំណាក់ចន្ទ» តែបួងចង្កូតមិនផុត ក៏ជ្រុលទៅបុកទ្វារដែកច្រកចូលផ្ទះ បណ្តាលឲ្យបាក់រលំបង្កទៅជាជម្លោះឈ្លោះប្រកែករហូតឈានដល់ការប្រើប្រាស់អំពើហិ.ង្សាវា.យបំបែកកញ្ចក់រថយន្តថែមទៀតផង បង្កឱ្យមានការភ្ញាក់ផ្អើលកាលពីវេលាម៉ោង១១យប់ ថ្ងៃទី១០ ខែមិថុនា ឆ្នាំ២០២២ នៅត្រង់ចំណុចផ្ទះសំណាក់យីហោ «ដំណាក់ចន្ទ» តាមបណ្តោយផ្លូវលំ ស្ថិតក្នុងសង្កាត់គោកឃ្លាំង ខណ្ឌសែនសុខ។
តាមប្រភពពីបុរសជាភ្ញៀវ សូមមិនបញ្ចេញឈ្មោះ បានរៀបរាប់ប្រាប់ឲ្យដឹងថា នៅមុនពេលកើតហេតុ រូបគាត់បានបើករថយន្តមួយគ្រឿងម៉ាក TOYOTA CRUISER ពណ៌ខ្មៅ ពាក់ស្លាកលេខ ភ្នំពេញ2I-9708 គោលបំណងបើកចូលទៅសំរាកនៅខាងក្នុងផ្ទះសំណាក់កើតហេតុ ខណៈពេលដែលបើកទៅដល់ខាងមុខច្រកចូលផ្ទះ រូបគាត់ (បុរសជាភ្ញៀវ) ក៏បានបើករថយន្តចូលទៅខាងក្នុង តែដោយសារបួងចង្កូតមិនផុត ក៏ជ្រុលទៅបុកនឹងទ្វារដែកច្រកចូលផ្ទះសំណាក់មួយផ្ទាំង បណ្តាលឲ្យបាក់ដួលរលំ ខណៈពេលនោះបុគ្គលិកផ្ទះសំណាក់ ក៏បានធ្វើការដេញរូបគាត់ (បុរសជាភ្ញៀវ) ចេញទៅវិញ ដោយមិនព្រមឲ្យគាត់ចូលទៅសំរាកនៅខាងក្នុងនោះទេ។
ប្រភពដដែលបន្តថា នៅពេលនោះ រូបគាត់ (បុរសជាភ្ញៀវ) ក៏បានបើករថយន្តថយក្រោយបន្តិច និងបានដឹងថា ជាកំហុសរបស់ខ្លួន ទើបរូបគាត់ (បុរសជាភ្ញៀវ) បានចុះពីលើរថយន្តទៅធ្វើការសុំទោសខាងផ្ទះសំណាក់។ រំពេចនោះ ស្រាប់តែមានបុរសម្នាក់ ដែលមិនដឹងថា ជាថៅកែ ឬបុគ្គលិកផ្ទះសំណាក់នោះទេ? បានធ្វើការជេរប្រមាថទៅលើរូបគាត់ (បុរសជាភ្ញៀវ) ថា «អាចុយម្រាយឯងបុកគេហើយ អាងសុំទោសអញ្ជឹងមែន ចុះបើហែងបុកមនុស្សងា.ប់ហែងសុំទោសអញ្ជឹងដែរ អាលូវអញយកកាំបិតកា.ប់ឡានហែងវិញម៉េចដែរ» ។ ហើយភ្លាមនោះ រូបគាត់ (បុរសជាភ្ញៀវ) ក៏បាននិយាយវិញថា «បើបងគិតថា កា.ប់ហើយអាចរួចគ្នាបងកា.ប់ចុះ»។
បុរសជាភ្ញៀវ បានបន្តទៀតថា ពេលនោះបុរសខាងផ្ទះសំណាក់ក៏បានស្រវាយកដែកមួយដើម រួចយកទៅវា.យលើកញ្ចក់មើលក្រោយរថយន្តចំហៀងខាងស្ដាំ បណ្ដាលឲ្យបែកខូចខាត រួចក៏មានគ្នីគ្នារបស់បុរសរូបនោះ (គ្នីគ្នាខាងផ្ទះសំណាក់) បានធ្វើការចាប់បុរសរូបនោះយកទៅបាត់ដើម្បីកុំឲ្យគាត់វា.យកម្ទេចរថយន្តរបស់គាត់ជាបន្តទៀត។
បន្ទាប់មកក៏មានភាគីខាងផ្ទះសំណាក់ បានទាមទារសំណងចំនួន៣០០ដុល្លារចំពោះការខូចខាតទ្វារដែករបស់គាត់។ ចំណែកបុរសជាភ្ញៀវវិញ ក៏បានព្រមចេញសំណងចំនួន៣០០ដុល្លារឲ្យទៅខាងផ្ទះសំណាក់ រួចក៏បានបើករថយន្តចេញទៅ។ ដោយមិនអស់ចិត្ត បុរសជាភ្ញៀវក៏បានបើករថយន្តត្រឡប់មកវិញ និងបានរាយការណ៍ជូនសមត្ថកិច្ចមូលដ្ឋានឲ្យចុះជួយធ្វើការអន្តរាគមន៍ ដោយបុរសជាភ្ញៀវទាមទារចង់អោយបុរសដែលបានជេរប្រមាថគាត់ ចេញមកសុំទោសគាត់វិញម្តង ដើម្បីបញ្ចប់រឿង។
ដោយឡែកចំពោះហេតុការណ៍ខាងលើនេះ ភាគីខាងផ្ទះសំណាក់មិនបានបញ្ជាក់ប្រាប់ពីដំណើររឿងអ្វីទាំងអស់។
ក្រោយពេលកើតហេតុ ក៏មានសមត្ថកិច្ចមូលដ្ឋានបានចុះមកជួយធ្វើការអន្តរាគមន៍ ប៉ុន្តែបុរសដែលបានជេរប្រមាថបុរសជាភ្ញៀវខាងលើនោះ មិនព្រមចេញមកធ្វើការសុំទោសបុរសជាភ្ញៀវវិញនោះទេ។ រហូតអស់រយៈពេលជិត២ម៉ោង ក្រោយពីមានការសម្របសម្រួលរបស់សមត្ថកិច្ច ភាគីទាំងពីរក៏ព្រមសម្របសម្រួលគ្នា ដោយភាគីខាងផ្ទះសំណាក់ព្រមប្រគល់លុយចំនួន៣០០ដុល្លារឲ្យទៅបុរសជាភ្ញៀវវិញ ដើម្បីបញ្ចប់រឿងតែម្តង៕
ចែករំលែកព័តមាននេះ