ករណីលួចកា.ប់ដើមធ្នង់២៣ដើម មន្ត្រីរដ្ឋបាលព្រៃឈើកសាងសំណុំរឿងដល់តុលាការហើយ
ខេត្តកំពង់ឆ្នាំង ៖ ខណ្ឌរដ្ឋបាលព្រៃឈើ កំពង់ឆ្នាំង បានបញ្ជូនសំណុំរឿង ជនលើ្មសលួចកា.ប់ដើមធ្នង់ ជាប្រភេទឈើប្រណីត២៣ដើម ពីក្នុងព្រៃសហគមន៍
ខេត្តកំពង់ឆ្នាំង ៖ ខណ្ឌរដ្ឋបាលព្រៃឈើ កំពង់ឆ្នាំង បានបញ្ជូនសំណុំរឿង ជនលើ្មសលួចកា.ប់ដើមធ្នង់ ជាប្រភេទឈើប្រណីត២៣ដើម ពីក្នុងព្រៃសហគមន៍
ខេត្តកំពង់ឆ្នាំង ៖ ខណ្ឌរដ្ឋបាលព្រៃឈើ កំពង់ឆ្នាំង បានបញ្ជូនសំណុំរឿង ជនលើ្មសលួចកាប់ដើមធ្នង់ ជាប្រភេទឈើប្រណីត២៣ដើម ពីក្នុងព្រៃសហគមន៍ ព្រៃឈើពោធិជ្រកជម្រកឬទ្ធិសែន ដល់តុលាការហើយ នៅព្រឹកថ្ងៃទី១៧ ខែវិច្ឆិកា ឆ្នាំ២០១៦។ សូមរំឮកថា ក្នុងអំឡុងបុណ្យកាន់បិណ្ឌ មានជនពុំស្គាល់មុខបានលួចកាប់ ដើមធ្នង់មានមុខកាត់ធំចំនួន២៣ដើម យកចេញពីព្រៃសហគមន៍ខាងលើ ស្ថិតក្នុងភូមិដំណាក់កកោះ ឃុំពោធិ ស្រុកកំពង់លែង ហើយបានបែកការណ៍ដឹងដល់សហគមន៍ នៅថ្ងៃទី៥ ខែតុលា ឆ្នាំ២០១៦ ទើបដាក់ពាក្យប្តឹងមកសមត្ថកិច្ចជំនាញ ទើបចុះស្រាវជ្រាវក្នុងករណីខាងលើនេះ។
លោក ហោ ដារ៉ា នាយផ្នែករដ្ឋបាលព្រៃឈើ កំពង់ឆ្នាំង បានឲ្យដឹងថា មន្ត្រីជំនាញបានបញ្ជូនសំណុំរឿង លួចកាប់ដើមធ្នង់២៣ដើមពីក្នុងដែនសហគមន៍ ឃុំពោធិ៍ ស្រុកកំពង់លែង ដល់ដៃតុលាការហើយ នៅព្រឹកថ្ងៃទី១៧ ខែវិច្ឆិកានេះ ដោយចោទប្រកាន់ឈ្មោះ ជៀប តឿង មានទីលំនៅ ភូមិកង្កែប ឃុំច្រណូក ស្រុកកំពង់លែង ឈ្មោះនេះក៏ជាម្ចាស់សិប្បកម្មឈើអត់ច្បាប់ផងដែរ។ ឈ្មោះនេះ ត្រូវបានចោទប្រកាន់ពីបទ លួចកាប់ដើមធ្នង់២៣ដើម មានមុខកាត់ធំៗ ពីក្នុងសហគមន៍ ហើយបើយោងតាមផ្លូវច្បាប់ ត្រូវផាកពិន័យ និងត្រូវដាក់ពន្ធនាគារទៀត។
តែត្រង់ថា តុលាការចោទប្រកាន់បែបណា នៅមិនទាន់ដឹងនៅឡើយទេ។ ក្រៅពីចោទប្រកាន់ក្នុងបទល្មើសខាងលើ ឈ្មោះនេះនៅមានការចោទប្រកាន់ពីបទដឹកដើមធ្នង់មានមុខកាត់ធំៗ ហើយត្រូវសមត្ថកិច្ចចាប់បានកាលពីជាង៣ខែមុនផងដែរ។ ជុំវិញការចោទប្រកាន់ឈ្មោះ ជៀប តឿង ដែលជាមេខ្លោង លួចកាប់ដើមធ្នង់២៣ដើម ពីក្នុងព្រៃសហគមន៍នេះដែរ លោក សំ ចាន់ថន អភិបាលស្រុកកំពង់លែង មានប្រសាសន៍ថា ការចោទប្រកាន់របស់មន្ត្រីជំនាញ គឺជាក់ច្បាស់របស់គេ ព្រោះគេបានសហការណ៍ជាមួយ អាជ្ញាធរមូលដ្ឋានចុះស្រាវជ្រាវដល់កន្លែងកើតហេតុ និងរកឃើញភស្តុតាង សាក្សីដាក់បន្ទុក គ្រប់គ្រាន់ទើបគេចោទប្រកាន់បាន។ ចំណែកខាងអាជ្ញាធរ ក្រោយពីទទួលព័ត៌មានគឺ រាយការទៅស្ថាប័ន និងទៅជំនាញ។
លោកក៏បានបញ្ជាក់ដែរថា ឈ្មោះ ជៀប តឿង គឺមិនសូវមានទំនាក់ទំនងល្អជាមួយអាជ្ញាធរប៉ុន្មានទេ ដល់ពេលមានរឿងទើបរត់មករក លោកធ្លាប់បានអប់រំច្រើនដងហើយ តែមិនស្តាប់។ តាមព័ត៌មានក្រៅផ្លូវការថា ករណីលួចកាប់ដើមធ្នង់២៣ដើមនេះ អាចនឹងពាក់ព័ន្ធដល់មនុស្សមួយចំនួនទៀត ដែលមានការឃុបឃិតគ្នា ហើយគេរង់ចាំមើលថា តើឈ្មោះ ជៀប តឿង នឹងត្រូវតុលាការចាត់ការតាមផ្លូវច្បាប់ដែរទេ ចំណែកមនុស្សពាក់ព័ន្ធផ្សេងទៀត អាចរួចខ្លួនដែរឬអត់៕
ចែករំលែកព័តមាននេះ