ទំនេរពីការងាររដ្ឋ ឆ្លៀតមើលថែដំណាំតែត្រូវខ្សែភ្លើងឆក់ស្លា.ប់
ខេត្តមណ្ឌលគិរី ៖ នាយរងការិយាល័យប្រឆាំងគ្រឿងញៀ.ន នៃស្នងការដ្ឋាននគរបាលខេត្តមណ្ឌលគិរីម្នាក់ បានស្លា.ប់យ៉ាងអណោចអធ័មបំផុត
ខេត្តមណ្ឌលគិរី ៖ នាយរងការិយាល័យប្រឆាំងគ្រឿងញៀ.ន នៃស្នងការដ្ឋាននគរបាលខេត្តមណ្ឌលគិរីម្នាក់ បានស្លា.ប់យ៉ាងអណោចអធ័មបំផុត
ខេត្តមណ្ឌលគិរី ៖ នាយរងការិយាល័យប្រឆាំងគ្រឿងញៀន នៃស្នងការដ្ឋាននគរបាលខេត្តមណ្ឌលគិរីម្នាក់ បានស្លាប់យ៉ាងអណោចអធ័មបំផុត ក្រោយគាត់ទំនេរពីការងាររាជការ ឆ្លៀតដើរទៅមើលថែទាំដំណាំ។ ហេតុការណ៍នឹកស្មានមិនដល់នេះបានកើតបង្កការភ្ញាក់ផ្អើលកាលពីវេលាម៉ោង០១និង៥២នាទី ថ្ងៃទី១៧ វិច្ឆិកា ២០១៦ ស្ថិតក្នុងភូមិមេប៉ៃ ឃុំពូជ្រៃ ស្រុកពេជ្រាដា ខេត្តមណ្ឌលគិរី។
សមត្ថកិច្ចបានឲ្យដឹងថា ក្រោយទទួលបានដំណឹងភ្លាម កម្លាំងជំនាញការិយាល័យកណ្តាលនគរបាលព្រហ្មទណ្ឌ រួមនឹងមន្ត្រីបច្ចេកទេសសហការណ៍ជាមួយកម្លាំងជំនាញស្រុកពេជ្រាដា បានចុះទៅដល់កន្លែងពិនិត្យសាកសព ជនរងគ្រោះឈ្មោះ សន ភឿន ភេទប្រុស អាយុ៤៥ឆ្នាំ ជនជាតិខ្មែរ មានទីលំនៅភូមិមេប៉ៃ ឃុំពូជ្រៃ ស្រុកពេជ្រាដា មុខរបរនគរបាល។
សមត្ថកិច្ចបន្តថា នៅកន្លែងកើតហេតុយើងបានរកឃើញខ្សែលួសសម្រាប់ភ្ជាប់ចរន្តភ្លើងពីអាគុយសម្រាប់ដាក់ឆក់សត្វប្រវែង២០០ម៉ែត្រ។ តែមិនមានសាកសពនៅកន្លែងខ្សែលួសឆក់នោះទេ។ សាកសពត្រូវបានអ្នកប្រើខ្សែឆក់លើកយកទៅលាក់ទុកក្នុងព្រៃស្មៅចម្ងាយ៨០ម៉ែត្រពីកន្លែងកើតហេតុ។ ក្នុងពេលពិនិត្យសាកសពនគរបាលបានរកឃើញថា ជើងរបស់ជនរងគ្រោះទាំងសងខាងមានស្នាមលួសឆក់មុតជម្រៅដល់ឆ្អឹងស្មងជើង ប្រវែង៤ សង់ទីម៉ែត្រ ក្រៅពីនោះមិនមានស្លាកស្នាមអ្វីឡើយ។
ជំនាញសន្និដ្ឋានថា ពិតជាស្លាប់ដោយចរន្តភ្លើងអាគុយឆក់មែន ហើយកំពុងស្រាវជ្រាវរកជនសង្ស័យដែលប្រើចរន្តអគ្គិសនីឆក់សត្វ បណ្តាលឲ្យមានមនុស្សស្លាប់ដើម្បីចាត់ការតាមនីតិវិធី៕
ចែករំលែកព័តមាននេះ