រាជធានីភ្នំពេញ ៖ ក្រុមហ៊ុនស្រាបៀរអង្គរ រៀបចំការប្រគំតន្ត្រីធំជាងគេប្រចាំឆ្នាំក្នុងឱកាសព្រះរាជពិធីបុណ្យអុំទូក បណ្តែតប្រទីប អកអំបុក សំពះព្រះខែនៅសួនច្បារមុខវត្តបុទុមវត្តី ចាប់ពីថ្ងៃទី១៣-១៥ វិច្ឆិកា ឆ្នាំ២០១៦ ដោយមានចូលរួមពីតារាចម្រៀងល្បីៗរបស់កម្ពុជាជាច្រើនមានដូចជា លោក ព្រាប សុវត្ថិ, ឱក សុគន្ធកញ្ញា ,ឆន សុវណ្ណរាជ, ពេជ្រ សោភា, ណុប បាយ៉ារិទ្ធ, G –David, ធែល ថៃ, ឃី សុគន្ធ, ហ្សូណូ ,វង្ស ដារ៉ារតនា,ផន ស្រី ខួច, យក់ ដួងដារ៉ា,ឈិត សុវណ្ណបញ្ញា, ឈីន រតនៈ, ប៊ុត សីហា, នី រតនា, វី ឌីណែត, ដួង វីរៈសិទ្ធិ, ទេព បូព្រឹក្ស និងសួស វីហ្សា រួមជាមួយការសម្តែងរបស់ក្រុមកំប្លែង នាយកុយ នាយក្រឹម និងធ្វើការផ្សាយផ្ទាល់តាមកញ្ចក់ទូរទស្សន៍ហង្សមាសចាប់ពីម៉ោង៨យប់រយៈពេល៣ថ្ងៃជាប់ៗគ្នាផងដែរ។
សាធារណជនអាចចូលរួមកម្សាន្តជាមួយនឹងកម្មវិធីសម្តែង និងកម្សាន្តផ្សេងៗគ្នា រួមមានការជិះរំអិលពីលើពោងធំជាងគេនៅទីក្រុងភ្នំពេញ ដែលនាំមកជូនដោយស្រាបៀរ Tuborg ដែលនិងបង្ហាញខ្លួនជាលើកដំបូងនៅក្នុងពិធីបុណ្យអុំទូកឆ្នាំនេះ។ ជាមួយគ្នាដែរ និងមានការលេងល្បែងបញ្ជរថតរូបជាច្រើនកន្លែងនៅជុំវិញកន្លែងប្រារព្ធកម្មវិធីរបស់ក្រុមហ៊ុន ដែលក្នុងនោះអតិថិជនទាំងអស់នឹងមានឱកាសឈ្នះរង្វាន់ភ្លាមៗជាច្រើន។
សម្រាប់អ្នកដែលចង់បានការកម្សាន្តបែប VIP អាចជាវសំបុត្រសម្រាប់កន្លែង VIP ដែលមានតម្លៃ២០ដុល្លារក្នុងមនុស្សម្នាក់ ដើម្បីទទួលបាននូវបទពិសោធន៍ ការកម្សាន្តបែប VIP និងអាចទស្សនាទិដ្ឋភាពនៃការប្រគំតន្ត្រីបានជិត ហើយថែមទាំងរីករាយជាមួយរសជាតិដ៏ឆ្ងាញ់របស់ស្រាបៀរអង្គរថែមទៀតផង។
ក្នុងរយៈពេល៣ថ្ងៃនៃព្រះរាជពិធីបុណ្យនេះ អតិថិជនអាចរីករាយភ្លក់រសជាតិស្រាបៀរដែលមានដូចជាស្រាបៀរអង្គរ, ស្រាបៀរអង្គរអ៊ិចស្ត្រាស្តោត, ស្រាបៀរ Tuborg, ស្រាបៀរ Carlsberg, ស្រាបៀរអាសាហ៊ី, ស្រាបៀរ1664 Blanc, ស្រាបៀរ Black Panther ក៏ដូចជាទឹកក្រូចប៉ិបស៊ីផងដែរ។ សូមកុំឱ្យឱកាសដ៏អស្ចារ្យនអកន្លងផុតទៅរីករាយជាមួយក្រុមហ៊ុនស្រាបៀរអង្គរ ក្នុងពិធីប្រគុំតន្ត្រីអបអរព្រះរាជពិធីបុណ្យអុំទូក បណ្តែតប្រទីប អកអំបុកសំពះព្រះខែ ធំជាងគេបំផុតនៅក្នុងប្រទេសកម្ពុជា នៅទីធ្លាសួនច្បារវត្តបុទុមវត្តី៕
ចែករំលែកព័តមាននេះ