ប្រទេសចិន ៖ សេដ្ឋកិច្ចរបស់ហុងកុងក្នុងត្រីមាសទី៣ បានកើនឡើងក្នុងល្បឿនលឿនជាងការគិតទុកមុនរបស់អ្នកសេដ្ឋកិច្ច បន្ទាប់ពីការងើបឡើងវិញនៃភាគហ៊ុន និងទីផ្សារអចលនទ្រព្យជំរុញដល់ការចំណាយក្នុងស្រុក ។
ប្រទេសចិន ៖ សេដ្ឋកិច្ចរបស់ហុងកុងក្នុងត្រីមាសទី៣ បានកើនឡើងក្នុងល្បឿនលឿនជាងការគិតទុកមុនរបស់អ្នកសេដ្ឋកិច្ច បន្ទាប់ពីការងើបឡើងវិញនៃភាគហ៊ុន និងទីផ្សារអចលនទ្រព្យជំរុញដល់ការចំណាយក្នុងស្រុក ។
រដ្ឋាភិបាលបាននិយាយក្នុងសេចក្តីប្រកាសកាលពីថ្ងៃសុក្រថា បើធៀបនឹងត្រីមាសទី២ ផលិតផលក្នុងស្រុកសរុបបានកើនឡើង០,៦% ក្នុងរយៈពេល៣ខែកន្លងមកនេះ ។ ប៉ុន្តែអ្នកវិភាគព្យាករណ៍ថា ការលូតលាស់ជាមធ្យមគឺមានតែ០,៣% ប៉ុណ្ណោះ ។ បើធៀបនឹងឆ្នាំមុនវិញ សេដ្ឋកិច្ចទាំងមូលបានកើនដល់ទៅ១,៩%ឯណោះ ។
លោក Raymond Yeung ប្រធានអ្នកសេដ្ឋកិច្ចក្នុង ANZ Banking Group នៅហុងកុង បាននិយាយថា ៖ « ការងើបឡើងវិញនៃទីផ្សារអចលនទ្រព្យបានចូលរួមជំរុញសកម្មភាពក្នុងស្រុក ។ ដោយមានភាពល្អឡើងវិញនៃសេដ្ឋកិច្ចរបស់ប្រទេសចិន ខ្ញុំជឿជាក់ថាក្នុងត្រីមាសទី៤ នឹងបន្តមានចលនានេះថែមទៀត » ។
សេដ្ឋកិច្ចរបស់ហុងកុងបានបង្ហាញពីភាពរឹងមាំជាងអ្វីដែលមនុស្សជាច្រើនភ័យខ្លាច ដោយមានការងើបឡើងពីការធ្លាក់ចុះក្នុងដើមឆ្នាំ។ ការនាំចេញក៏បានកើនឡើងផងដែរ ដោយពាណិជ្ជកម្មក្នុងតំបន់មានស្ថិរភាពឡើងវិញ ។
រដ្ឋាភិបាលបាននិយាយក្នុងសេចក្តីប្រកាសមួយថា ៖ « តម្រូវការក្នុងស្រុកនៅបន្តមានភាពរឹងមាំ និងគួរតែអាចបន្តផ្តល់ជាជំនួយដល់សេដ្ឋកិច្ចក្នុងមួយឆ្នាំនេះពេញ » ។ ការលូតលាស់នៃ GDP ក្នុងឆ្នាំ២០១៦ នាពេលនេះត្រូវបានព្យាករណ៍ថា នឹងស្មើ១,៥% ផងដែរ ។
រដ្ឋាភិបាលបន្តថា ៖ « ដោយមានការកើនឡើងនៃអត្រាការប្រាក់ក្នុងសហរដ្ឋអាមេរិក គោលនយោបាយរូបិយវត្ថុដែលមានភាពខុសៗគ្នាតាមធនាគារធំៗ លទ្ធភាពនៃការផ្លាស់ប្តូរគោលនយោបាយក្នុងសហរដ្ឋអាមេរិកបន្ទាប់ពីការបោះឆ្នោត និងព្រឹតិ្តការណ៍ Brexit ក៏ដូចជាភាពតានតឹងនៃភូមិសាស្ត្រនយោបាយ បរិស្ថានខាងក្រៅ នៅតែជួបប្រទះភាពមិនប្រាកដប្រជាក្នុងរយៈពេលខាងមុខដដែល » ៕
ចែករំលែកព័តមាននេះ