ឡានដឹកឥដ្ឋបុកពីក្រោយឡានកុងតឺន័រ ក្រឡា.ប់ធ្លាក់ចូលប្រឡាយទឹក
- ភ្នំពេញ
រាជធានីភ្នំពេញ ៖ រថយន្តដឹកឥដ្ឋ១គ្រឿងខណៈកំពុងបើកបរក្នុងល្បឿនលឿន ហើយបានវាក់ជាមួយ
រាជធានីភ្នំពេញ ៖ រថយន្តដឹកឥដ្ឋ១គ្រឿងខណៈកំពុងបើកបរក្នុងល្បឿនលឿន ហើយបានវាក់ជាមួយ
រាជធានីភ្នំពេញ ៖ រថយន្តដឹកឥដ្ឋ១គ្រឿងខណៈកំពុងបើកបរក្នុងល្បឿនលឿន ហើយបានវាក់ជាមួយរថយន្តកុងតឺន័រ១គ្រឿងទៀតកំពុងបើកបត់ឆ្វេងឆ្លងផ្លូវ ជាន់ហ្វ្រាំងអត់ទាន់ក៏ជ្រុលទៅបុកពីក្រោយពេញទំហឹង បណ្ដាលឲ្យក្រឡាប់ធ្លាក់ចូលប្រឡាយទឹកខ្លួនឯង និងរងការខូចខាតធ្ងន់ធ្ងរ រីឯរថយន្តកុងតឺន័រដាច់សន្ទះក្រោយ និងបានបើកបន្តដំណើរទៅបាត់ស្រមោល ប៉ុន្តែជាសំណាងល្អពុំមានអ្នករងរបួសឬស្លា.ប់ឡើយ។
ហេតុការណ៍ខាងលើនេះបានកើតឡើងកាលពីវេលាម៉ោង១០និង១៥នាទីព្រឹកថ្ងៃទី៨ ខែមិថុនា ឆ្នាំ២០២២ នៅលើមហាវិថីឈ្នះឈ្នះ ស្ថិតនៅក្នុងភូមិត្រពាំងធ្នង់ ហៅ ភូមិព្នៅ សង្កាត់សំរោងក្រោម ខណ្ឌពោធិ៍សែនជ័យ រាជធានីភ្នំពេញ។
តាមប្រភពព័ត៌មានបានឲ្យដឹងថា នៅមុនពេលកើតហេតុ រថយន្តដឹកឥដ្ឋខាងលើបានបើកបរធ្វើដំណើរក្នុងទិសដៅពីជើងទៅត្បូងយកឥដ្ឋទៅដាក់នៅការដ្ឋានសំណង់នៅម្ដុំពោធិ៍ចិនតុង ដោយបើកបរពីក្រោយរថយន្តកុងតឺន័រ១គ្រឿងទៀត។លុះពេលទៅដល់ត្រង់ចំណុចកើតហេតុរថយន្តកុងតឺន័របានបត់ឆ្វេងឆ្លងផ្លូវក្នុងបំណងត្រឡប់ក្រោយ ជាហេតុធ្វើឲ្យរថយន្តដឹកឥដ្ឋវាក់ជាន់ហ្វ្រាំងឈប់អត់ទាន់ក៏បានជ្រុលទៅបុកពីក្រោយរថយន្តកុងតឺន័រពេញទំហឹងតែម្ដង។
តាមប្រភពព័ត៌មានបានប្រាប់បន្តទៀតថា ខណៈនោះបណ្ដាលឲ្យរថយន្តដឹកកុងតឺន័រដាច់សន្ទះក្រោយ ចំណែករថយន្តដឹកឥដ្ឋក្រពឹតខ្ទេចមុខហើយបានក្រឡាប់ធ្លាក់ចូលប្រឡាយទឹករងការខូចខាតយ៉ាងដំណំ ប៉ុន្តែសំណាងល្អអ្នកបើកបរនិងប្រពន្ធពុំបានរងរបួសធ្ងន់ធ្ងរនោះឡើយ បន្ទាប់មករថយន្តកុងតឺន័របានបើកបន្តដំណើរទៅបាត់ស្រមោល ។
ក្រោយពេលកើតហេតុ នគរបាលប៉ុស្តិ៍សំរោងក្រោមបានចុះទៅពិនិត្យមើលជាក់ស្ដែងនិងឲ្យម្ចាស់ស្ទូចយករថយន្តទៅធ្វើការជួសជុលឡើងវិញដោយខ្លួនឯង ៕
ចែករំលែកព័តមាននេះ