លោកដូណាល់ ត្រាំ ជាប្រធានាធិបតីទី៤៥ របស់អាមេរិក ត្រូវចូលក្នុងពិធីសច្ចាប្រណិធាន នៅខែមករា ឆ្នាំ២០១៧ ដើម្បីកាន់តំណែងជាផ្លូវការ ។ ចំណែកលោកប៉ារ៉ាក់ អូបាម៉ា អតីតប្រធានាធិបតី និងក្រុមគ្រួសារត្រូវចាកចេញពី
លោកដូណាល់ ត្រាំ ជាប្រធានាធិបតីទី៤៥ របស់អាមេរិក ត្រូវចូលក្នុងពិធីសច្ចាប្រណិធាន នៅខែមករា ឆ្នាំ២០១៧ ដើម្បីកាន់តំណែងជាផ្លូវការ ។ ចំណែកលោកប៉ារ៉ាក់ អូបាម៉ា អតីតប្រធានាធិបតី និងក្រុមគ្រួសារត្រូវចាកចេញពីសេតវិមាន ដើម្បីឱ្យក្រុមគ្រួសាររបស់លោកដូណាល់ ត្រាំ ចូលជំនួស ។
«Mirror» របស់អង់គ្លេសកាលពីពេលថ្មីៗកន្លងមក បានបង្ហាញរបាយការណ៍ទាក់ទិននឹងផ្ទះជួលរស់នៅរបស់ក្រុមគ្រួសារលោកបារ៉ាក់ អូបាម៉ា គឺជាភូមិគ្រឹះនៅលើក្រឡាផ្ទៃប្រហែល២.៥០០ម៉ែត្រការ៉ែ ក្នុងក្រុងវ៉ាស៊ីនតោន សហរដ្ឋអាមេរិក ឆ្ងាយពីសេតវិមានប្រហែល៣,២គីឡូម៉ែត្រ ។ ភូមិគ្រឹះនោះសាងសង់នៅឆ្នាំ១៩២៨ ដោយមានបន្ទប់គេងចំនួន៩ បន្ទប់ទឹក៨ បន្ទប់គេងសម្រាប់ភ្ញៀវចំនួន២ ដោយនៅផ្នែកខាងក្នុងមានទូខោអាវគ្រប់គ្រាន់ មានកន្លែងចតរថយន្ដចំនួន២ និងសួនច្បារដ៏ស្រស់ប្រណិតចំនួន២ ។ ក្រៅពីនេះមានបន្ទប់ទទួលភ្ញៀវតុបតែងយ៉ាងស្រស់ស្អាត ។
ភូមិគ្រឹះមួយខ្នងនោះមានតម្លៃប្រហែល៦លានដុល្លារ បច្ចុប្បន្នជាកម្មសិទ្ធិរបស់លោកចូ ឡុកហាក អតីតលេខាផ្ទាល់ក្នុងសេតវិមាន ក្រោមការដឹកនាំរបស់លោកប្រធានាធិបតីប៊ីល គ្លីនតុន និងភរិយា ។ ក្រុមគ្រួសាររបស់លោកបារ៉ាក់ អូបាម៉ា មានផ្ទះរបស់ខ្លួន ជាភូមិគ្រិះនៅក្រុងស៊ីកាហ្គា រដ្ឋអីុលីណយ ប៉ុន្ដែចាំចាប់ត្រូវស្នាក់នៅភូមិគ្រឹះក្នុងក្រុងវ៉ាស៊ីនតោនរយៈពេល២ឆ្នាំ ចង់ឱ្យនាងSasha Obama ជាកូនស្រីរៀបចប់ថ្នាក់វិទ្យាល័យ ដោយមិនចង់ឈប់នៅកណ្ដាលទី ហើយក្រុមគ្រួសារត្រូវចំណាយថ្លៃជួលប្រហែល២២.០០០ដុល្លារក្នុងមួយខែ ៕
ចែករំលែកព័តមាននេះ