ADផ្ទាំងផ្សព្វផ្សាយពាណិជ្ជកម្ម

Picture

ស្ត្រីម្នាក់បើកទ្វារចូលបន្ទប់ ​ស្រាប់តែឃើញផ្កាភ្លើង​ផ្ទុះព្រាកៗ ស្រែកផ្អើលឆោឡោ​

3 ខែ មុន
  • ភ្នំពេញ

រាជធានី​ភ្នំពេញ ៖ ​មានករណី​អគ្គិភ័យ​ឆាបឆេះ​បន្ទប់​ជួល​ និង​ឆេះ​រាលដាល​ដល់​ផ្ទះ​ឈើ​លើ​ថ្ម​ក្រោម ​

រាជធានី​ភ្នំពេញ ៖ ​មានករណី​អគ្គិភ័យ​ឆាបឆេះ​បន្ទប់​ជួល​ និង​ឆេះ​រាលដាល​ដល់​ផ្ទះ​ឈើ​លើ​ថ្ម​ក្រោម ​ព្រមទាំង​​បន្ទប់​ជួល​ជាប់​គ្នា​អស់​​ចំនួន​៩​បន្ទប់ ​បណ្តាល​ឱ្យស្ត្រីម្នាក់​រងរបួស ។

ហេតុការណ៍​ខាងលើនេះ​បង្ក​ឱ្យមានការ​ភ្ញាក់​ផ្អើល​​​កាលពី​​វេលា​ម៉ោង​៦​និង​៣០​នាទី​​យប់​ថ្ងៃ​ទី​៣១ ខែឧសភា ឆ្នាំ​២០២២ តាម​បណ្ដោយ​ផ្លូវ​បេតុង ចូល​ទៅ​វត្ត​ឬ​ស្សី​ស្រស់ ស្ថិត​ក្នុងក្រុម​៣ ភូមិ​ឬ​ស្សី​ស្រស់ សង្កាត់​និរោធ ខណ្ឌ​ច្បារ​អំពៅ ​រាជធានីភ្នំពេញ ។

ម្ចាស់​ទីតាំង​​​ខាងលើ​ឈ្មោះ គៀន ចាន់​ធ ភេទ​ស្រី អាយុ​៤៤​ឆ្នាំ មុខរបរកម្មករ​ផ្នែក​អនាម័យ បានរងរបួសដៃស្តាំ​ ។ ផ្ទះ​​​ដែលត្រូវអគ្គិភ័យ​ឆាបឆេះ​​ខាងលើ​ជា​ប្រភេទ​ផ្ទះ​ឈើ​លើ​ ថ្ម​ក្រោម មាន​ទំហំ​១០​ម៉ែត្រ​គុណ​២០​ម៉ែត្រ ។

តាម​​ប្រភពពី​ជន​រង​គ្រោះជា​អ្នក​ជួល​បន្ទប់​ បានអោយ​ដឹង​ថា មុន​ពេល​កើតហេតុ គាត់​បាន​បើកទ្វារ​ចូល​ទៅ​ក្នុង​បន្ទប់​ជួល​របស់​គាត់ ក៍​ស្រាប់តែ​ឃើញ​ផ្កា​ភ្លើង​ផ្ទុះ​ព្រាក​ៗ​ចេញពី​សរស​រកណ្ដាល​ ហើយ​ឆាបឆេះ​រាលដាល​ដល់​ខោអាវ​របស់​គាត់​ ។ ពេលឃើញ​បែបនេះ គាត់​ខំ​ស្រ​វេ​ស្រវា​យក​សំភារៈ​និង​របស់របរ​ធ្វើ​អោយ​ភ្លើងឆេះ​រ​លាក​ដៃស្តាំរបស់គាត់​ ទើប​បង្ក​ការ​ភ្ញាក់ផ្អើល​ថា​មាន​ភ្លើង​ឆេះ​ផ្ទះ ។ បន្ទាប់មក​បងប្អូន​ប្រជាពលរដ្ឋ​រាយការណ៍​ជូន​សមត្ថកិច្ច​និង​សុំ​ជំនួយ​រថយន្ដ​បង្ការ​និង​ពន្លត់​របស់​ស្នងការដ្ឋាន​នគរបាល​រាជធានី​ភ្នំពេញ ក៍​ដូច​ជា​រថយន្ត​តាម​បណ្ដា​អង្គភាព​ផ្សេង​ៗ​ចេញ​អន្តរាគមន៍ បាញ់​ពន្លត់ជាច្រើនគ្រឿង​ ។

​ក្នុងហេតុការណ៍​ខាងលើនេះដែរ សមត្ថកិច្ច​បាន​ប្រើ​រថយន្តអគ្គិភ័យ​អស់​ចំនួន​១៣​គ្រឿង ​ក្នុងនោះ​រថយន្ត​ពន្លត់អគ្គីភ័យ ការិយាល័យ​បង្ការ​និង​ពន្លត់អគ្គីភ័យ របស់​ស្នងការដ្ឋាន​នគរបាល​រាជធានី​ភ្នំពេញ​​ចំនួន​​៥​គ្រឿង, រថយន្ត​ពន្លត់​អគ្គិភ័យ​របស់​ក្រសួងមហាផ្ទៃ​​ចំនួន​២​គ្រឿង, រថយន្ត​ពន្លត់អគ្គិភ័យ​របស់​សាលា​ខណ្ឌ​ច្បារ​អំពៅ​ចំនួន​១​គ្រឿង, រថយន្ត​ពន្លត់អគ្គិភ័យ​របស់​បុរី​ប៉េង​ហួត​បឹង​ស្នោ​​ចំនួន​២​គ្រឿង និង​រថយន្ត​ពន្លត់អគ្គីភ័យ​របស់​​ក្រុមហ៊ុន​ស្រា​បៀរ​​ចំនួន​​១​គ្រឿង ដោយ​បាន​សហការ​គ្នា​បាញ់​ពន្លត់ ហើយ​ភ្លើង​បានរលត់ជា​ស្ថាពរ​ទៅ​វិញ នៅ​វេលា​ម៉ោង​៧​និង​២៤​នាទី​យប់​ថ្ងៃ​ដដែល ។

សមត្ថកិច្ច​បានអោយ​ដឹង​​ថា ករណី​អគ្គី​ភ័យ​ខាងលើ​​នេះ បាន​ឆាប​ផ្ទះ​ជា​ប្រភេទ​ផ្ទះ​ឈើ​ថ្ម​ក្រោម ស្មើនឹង ៩​បន្ទប់ ​អស់ទាំង​ស្រុង និង​ធ្វើ​អោយ​ស្ត្រី​ម្នាក់​រង​របួស (​ឈ្មោះ គៀន ចាន់​ធ​) ចំពោះ​មូលហេតុ សមត្ថកិច្ច​កំពុង​តែ​ធ្វើការ​ស្រាវជ្រាវ​បន្ត ៕

Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture