ADផ្ទាំងផ្សព្វផ្សាយពាណិជ្ជកម្ម

Picture

វៀតណាម ព្រមាន​អ្នក​ប្រើប្រាស់​កាហ្វេ​សម្រក​ទម្ងន់ និង​អាហារ​បំប៉ន ៣​មុខ​ទៀត មាន​ផ្ទុក​សារធាតុ​ហាមឃាត់

1 ខែ មុន

ទីក្រុង​ហាណូយ ៖ រដ្ឋបាល​ចំណីអាហារ​របស់​ប្រទេស​វៀតណាម បាន​ចេញ​ការ​ព្រមាន អំពី​ផលិតផល​កាហ្វេ ដែល​មាន​សារធាតុ​ហាមឃាត់ ដែល​អាច​បង្កើន​ហានិភ័យ នៃ​ការ​គាំងបេះដូង និង​ជំងឺ​ដាច់​សរសៃឈាម​ខួរក្បាល នេះ​បើ​យោង​តាម​សាសរ​ព័ត៌មាន…

ទីក្រុង​ហាណូយ ៖ រដ្ឋបាល​ចំណីអាហារ​របស់​ប្រទេស​វៀតណាម បាន​ចេញ​ការ​ព្រមាន អំពី​ផលិតផល​កាហ្វេ ដែល​មាន​សារធាតុ​ហាមឃាត់ ដែល​អាច​បង្កើន​ហានិភ័យ នៃ​ការ​គាំងបេះដូង និង​ជំងឺ​ដាច់​សរសៃឈាម​ខួរក្បាល នេះ​បើ​យោង​តាម​សាសរ​ព័ត៌មាន vnexpress ចេញផ្សាយ​នៅ​ថ្ងៃ​ទី​២៧ ឧសភា ២០២២​នេះ ។

រដ្ឋបាល​ចំណីអាហារ​វៀតណាម កាលពី​ថ្ងៃ​ព្រហស្បតិ៍ បាន​ព្រមាន​ថា សំណាក​ចំនួន​បួន នៃ​ផលិតផល​កាហ្វេ ម៉ាក “Max Health Go Coffee” មាន​ផ្ទុក sibutramine ដែល​ជា​ថ្នាំ​ទប់ស្កាត់​ចំណង់​អាហារ ពោល​គឺ​មិន​អោយ​យើង​ឃ្លាន ។

កាលពី ០៣​ថ្ងៃមុន រដ្ឋបាល​ចំណីអាហារ ក៏​បាន​ចេញ​ការ​ព្រមាន អំពី​ផលិតផល​អាហារ ០៣​ផ្សេង​ទៀត ដែល​មាន​សារធាតុ​ហាមឃាត់ ៖ “Giam tao slim ho tro giam beo” (​ទឹកខ្មេះ​ប៉ោម cider ដើម្បី​ជួយ​សម្រក​ទម្ងន់​) ដែល​មាន​ផ្ទុក​សារធាតុ sibutramine និង “Bo hoan duong plus” និង “Stony bo than trang duong tang cuong sinh luc” (​អាហារ​បំប៉ន​ផ្លូវភេទ​ទាំង​០២​មុខ​នេះ គឺ​ដើម្បី​ជួយ​ដល់​ការ​ងាប់​លិង្គ​មនុស្ស​ប្រុស​) ដែល​មាន​ផ្ទុក​សារធាតុ sildenafil ។

ទាំង sibutramine និង sildenafil គឺជា​សារធាតុ​ហាមឃាត់ ក្នុង​អាហារ​បំប៉ន ដូច​ៗ​គ្នា ព្រោះថា Sibutramine អាច​បណ្តាល​ឲ្យ​ឈឺក្បាល ឈឺ​ខ្នង អា​ឡែ​រ​ហ្សី និង​អាច​មាន​គ្រោះថ្នាក់ ប្រសិនបើ​ប្រើប្រាស់​ដោយ​មនុស្ស​ដែល​មាន​ជំងឺ​សរសៃឈាម​បេះដូង ខណៈ​ដែល sildenafil អាច​ប្រើ​បាន​តែ​ជាមួយ​វេជ្ជបញ្ជា​របស់​វេជ្ជបណ្ឌិត​តែ​ប៉ុណ្ណោះ ។

អាស្រ័យ​ហេតុនេះ រដ្ឋបាល​ចំណីអាហារ បាន​ណែនាំ​ប្រជាពលរដ្ឋ​វៀតណាម កុំ​ទិញ​ និងប្រើប្រាស់ផលិតផល​ទាំងនោះ ហើយ​រាយការណ៍ មក​សមត្ថកិច្ច ប្រសិនបើ​ពួក​គេ​រក​ឃើញ​ផលិតផល​ដូច​ខាងលើនេះ ចរាចរលក់លើទីផ្សារ ។

ជាក់ស្តែង ករណី​នៃ​ផល​ប៉ះពាល់បណ្តាល​មក​ពី​ការ​ទទួលទាន​ ផលិតផល​​ដែល​មាន​សារធាតុ​ហាមឃាត់​នេះ កាលពី​ខែ​មុន ស្ត្រី​អាយុ​៣៧​ឆ្នាំ​ម្នាក់ ត្រូវ​បាន​គេ​បញ្ជូន​ទៅ​មន្ទីរពេទ្យ Bach Mai បន្ទាប់​ពី​បាន​ប្រើ​ផលិតផល​កាហ្វេ ដើម្បី​សម្រក​ទម្ងន់ ។ នាង​បាន​បង្ហាញ​រោគ​សញ្ញា ដូច​ជា​ពិបាក​ដកដង្ហើម សីតុណ្ហភាព​រាង​កាយ​ចុះ​ទាប និង​សន្លប់ ។ ផលិតផល​ដែល​នាង​បាន​ប្រើ “Max Health Go Coffee” ក្រោយមក ត្រូវ​បាន​គេ​បង្ហាញ​ថា មាន​ផ្ទុកសារធាតុហាមឃាត់ ដែល​អាច​បង្កើន​ហានិភ័យ នៃ​ការ​គាំងបេះដូង និង​ជំងឺ​ដាច់​សរសៃឈាម​ខួរក្បាល ឈានដល់ការស្លា​ប់បាន ៕

Picture
Max Health Go Coffee
Picture
Max Health Go Coffee
Picture
Max Health Go Coffee
Picture
Giam tao slim ho tro giam beo
Picture
Giam tao slim ho tro giam beo
Picture
Bo hoan duong plus
Picture
Bo hoan duong plus
Picture
Stony bo than trang duong tang cuong sinh luc
Picture
Picture