ផ្អើលខ្លាំង! ហ្វេសប៊ុក Tangmo បង្ហោះរូប-វីដេអូ ហាក់ចង់ទម្លាយការពិតនៃការស្លា.ប់នាង
ថៃ ៖ កាលពីថ្ងៃទី២១ ខែឧសភា ឆ្នាំ២០២២ មហាជនមានការភ្ញាក់យ៉ាងខ្លាំង បន្ទាប់ពីគណនីហ្វេសប៊ុ
ថៃ ៖ កាលពីថ្ងៃទី២១ ខែឧសភា ឆ្នាំ២០២២ មហាជនមានការភ្ញាក់យ៉ាងខ្លាំង បន្ទាប់ពីគណនីហ្វេសប៊ុ
ថៃ ៖ កាលពីថ្ងៃទី២១ ខែឧសភា ឆ្នាំ២០២២ មហាជនមានការភ្ញាក់យ៉ាងខ្លាំង បន្ទាប់ពីគណនីហ្វេសប៊ុករបស់តារាស្រីថៃនាង Nida Patcharaveerapong (Tangmo) ស្រាប់តែបង្ហោះរូបភាព វីដេអូ សារមួយចំនួន រួមនិងនៅក្នុង Story ផងដែរ។ ដោយការបង្ហោះនោះ ហាក់បញ្ឆិតបញ្ឆៀងចង់ទម្លាយការពិតនៃហេតុការណ៍លើទូក ដែលបានឆក់យកអាយុជីវិតនាង កាលពីខែកុម្ភៈកន្លងទៅ។
គណនីឈ្មោះថា «Happy Melon Patcharaveerapong» របស់តារាស្រី Tangmo បានបង្ហោះរូបភាពមួយចំនួន ដែលក្នុងនោះរួមមានទាំងរូបនាង Gatick, លោក Por និងនាង Sand ដែលជាមនុស្ស៣នាក់ ក្នុងចំណោម៥នាក់ស្ថិតលើទូកកើតហេតុ។ គណនីនោះបានបង្ហោះសារថា «ខ្ញុំឈឺចាប់ដោយសារមិត្តម្នាក់ ដែលខ្ញុំស្រលាញ់ និងទុកចិត្តបំផុត។ យើងមិនទាន់ទៅណាទេ។ យើងរង់ចាំការពិតចេញពីមាត់អ្នកទាំង៥។ ប៉ុន្តែប្រសិនបើពួកគេមិនប្រាប់ការពិត យើងនឹងលាតត្រដាងការពិតដល់អ្នករាល់គ្នា។ តើមានអ្វីកើតឡើងនៅលើទូក?»។
ជាមួយគ្នានោះ ក៏មានការបង្ហោះវីដេអូបង្ហាញសកម្មភាពនាង Gatick ឡើងលើទូកមុនពេលកើតហេតុផងដែរ ដោយភ្ជាប់ជាមួយសារថា «ខ្ញុំមិនអាចបត់ជើងនៅក្រោយទូកបានទេ។ ទូកត្រូវរលកបោកបក់យ៉ាងខ្លាំង។ សូម្បីតែនាង (Gatick) ក៏ត្រូវកាន់ដៃមនុស្សប្រុស២នាក់ផងដែរ»។
មហាជនបានចែករំលែក និងបញ្ចេញមតិយ៉ាងច្រើនបំផុត ជុំវិញការបង្ហោះលើគណនីរបស់ Tangmo និងចង់ដឹងបំផុតថា តើនរណាជាអ្នកនៅពីក្រោយការបង្ហោះលើគណនីរបស់នាង?
គួររំលឹកថា សាកស.ពតារាស្រី Tangmo ត្រូវបានរកឃើញកាលពីថ្ងៃទី២៦ ខែកុម្ភៈ ឆ្នាំ២០២២ ពោល២ថ្ងៃ បន្ទាប់ពីនាងបានធ្លាក់ពីទូកកម្សាន្តល្បឿនលឿនមួយចូលទៅក្នុងទន្លេចៅប្រាយ៉ា។ ខណៈលើទូកកើតហេតុមានមនុស្ស៥នាក់ផ្សេងទៀត ដូចជា លោក Tanupat Lerttaweewit (Por) ម្ចាស់ទូក, លោក Phaiboon Trikanjananun (Robert), នាង Idsarin Juthasuksawat (Gatick) អ្នកចាត់ការរបស់ជនរងគ្រោះ, នាង Wisapat Manomairat (Sand) និងលោក Nitas Kiratisoothisathorn (Job)៕ (ដកស្រង់ចេញពី thairath)
ចែករំលែកព័តមាននេះ