ក្រុមហ៊ុនថាមពលរដ្ឋហ្វាំងឡង់ Gasum បាននិយាយថា រុស្ស៊ីនឹងបញ្ឈប់ការផ្គត់ផ្គង់ឧស្ម័នធម្មជាតិទៅឲ្យប្រទេសហ្វាំងឡង់នៅថ្ងៃសៅរ៍នេះ។ ការកាត់ផ្តាច់ការផ្គត់ផ្គង់ឧស្ម័នធម្មជាតិទៅឲ្យហ្វាំងឡង់នេះ កើតឡើងប្រហែលមួយសប្តាហ៍ប៉ុណ្ណោះ ក្រោយពេលហ្វាំងឡង់បានដាក់ពាក្យសុំចូលអង្គការណាតូ ។ ហ្វាំងឡង់ក៏បានបដិសេធមិនទូទាត់ជាប្រាក់រុស្ស៊ី រ៉ូប៊ល…
ក្រុមហ៊ុនថាមពលរដ្ឋហ្វាំងឡង់ Gasum បាននិយាយថា រុស្ស៊ីនឹងបញ្ឈប់ការផ្គត់ផ្គង់ឧស្ម័នធម្មជាតិទៅឲ្យប្រទេសហ្វាំងឡង់នៅថ្ងៃសៅរ៍នេះ។
ការកាត់ផ្តាច់ការផ្គត់ផ្គង់ឧស្ម័នធម្មជាតិទៅឲ្យហ្វាំងឡង់នេះ កើតឡើងប្រហែលមួយសប្តាហ៍ប៉ុណ្ណោះ ក្រោយពេលហ្វាំងឡង់បានដាក់ពាក្យសុំចូលអង្គការណាតូ ។ ហ្វាំងឡង់ក៏បានបដិសេធមិនទូទាត់ជាប្រាក់រុស្ស៊ី រ៉ូប៊ល (Rouble) ផងដែរ ។
ក្រុមហ៊ុន Gasum បាននិយាយថា វិធានការរបស់រុស្ស៊ី គឺជារឿងគួរឲ្យសោកស្តាយ ប៉ុន្តែក្រុមហ៊ុនបញ្ជាក់ថា វាមិនមានការរំខានដល់អតិថិជនខ្លួននោះទេ បន្ទាប់ពីមានការកាត់ផ្តាច់នៅថ្ងៃសៅរ៍នេះ។
ហ្វាំងឡង់ដែលជាប្រទេសមានព្រំដែនជាប់រុស្ស៊ី បាននាំចូលឧស្ម័នធម្មជាតិពីរុស្ស៊ី ប៉ុន្តែឧស្ម័ននោះ មានតិចជាង១ភាគ១០នៃការប្រើប្រាស់ថាមពលរបស់ហ្វាំងឡង់។
សូមញ្ជាក់ថា ទោះបីមានការឈ្លានពានអ៊ុយក្រែន ចាប់តាំងពីថ្ងៃទី២៤ កុម្ភៈ ក្តី រុស្ស៊ីបន្តផ្គត់ផ្គង់ឧស្ម័នទៅដល់ប្រទេសអ៊ឺរ៉ុបជាច្រើន។
ប៉ុន្តែក្រោយពេលប្រទេសលោកខាងលិច បានដាក់ទណ្ឌកម្មជុំវិញការឈ្លានពានអ៊ុយក្រែន ប្រទេសរុស្ស៊ីបានទាមទារឲ្យប្រទេសមិនមែនជាមិត្តទាំងអស់ ត្រូវធ្វើការទូទាត់ជារូបិយប័ណ្ឌរុស្ស៊ី ដែលការកំណត់នេះរបស់រុស្ស៊ី ត្រូវបានសហភាពអ៊ឺរ៉ុបចាត់ទុកថា ជាការគំរា.មកំហែង ។
កាលពីថ្ងៃអាទិត្យសប្តាហ៍មុន រុស្ស៊ីក៏បានកាត់ផ្តាច់ការផ្គត់ផ្គង់អគ្គិសនីទៅប្រទេសហ្វាំងឡង់ផងដែរ។ រុស្ស៊ីបានគំរា.មសងសឹក ប្រសិនហ្វាំងឡង់ចូលអង្គការណាតូ ៕ (យោងតាមប្រភព៖ BBC)
ចែករំលែកព័តមាននេះ