ចាប់ខ្លួនសមាជិកសភាស្រីលង្ការ២រូបពីបទញ៉ុះញ៉ង់ឱ្យមានអំពើហិ.ង្សា
ស្រីលង្ការ ៖ ប៉ូលីសស្រីលង្ការបានចាប់ខ្លួនសមាជិកសភា ២រូបរបស់គណបក្សកាន់អំណាចពីបទញ៉ុះញ៉
ស្រីលង្ការ ៖ ប៉ូលីសស្រីលង្ការបានចាប់ខ្លួនសមាជិកសភា ២រូបរបស់គណបក្សកាន់អំណាចពីបទញ៉ុះញ៉
ស្រីលង្ការ ៖ ប៉ូលីសស្រីលង្ការបានចាប់ខ្លួនសមាជិកសភា ២រូបរបស់គណបក្សកាន់អំណាចពីបទញ៉ុះញ៉ង់ឲ្យមានអំពើហិ.ង្សាបង្កឡើងហ្វូងមនុស្សដែលធ្វើឲ្យប្រទេសស្រីលង្ការធ្លាក់ចូលក្នុងភាពវឹកវរអស់រយៈពេលជាច្រើនថ្ងៃ និងបង្កឲ្យមានការស្លា.ប់មនុស្សចំនួន ៩នាក់កាលពីសប្តាហ៍មុន។ នេះបើយោងតាមការបញ្ជាក់របស់មន្ត្រីប៉ូលីសស្រីលង្កានៅថ្ងៃពុធ ទី ១៨ ខែឧសភានេះ។
សមាជិសភាព ២រូប មកពីគណបក្ស President Gotabaya Rajapaksa ត្រូវបានសាកសួរដោយអ្នកស៊ើបអង្កេតផ្នែកឧក្រិ.ដ្ឋកម្មកាលពីថ្ងៃអង្គារពេលល្ងាច និងត្រូវបានឃុំខ្លួនអស់រយៈពេលមួយយប់។
មន្ត្រីដែលនិយាយសុំមិនបញ្ចេញឈ្មោះបានឲ្យដឹងថា «មានភស្តុតាងផ្ទាល់ប្រឆាំងនឹងសមាជិកសភាទាំង ២រូប ហេតុដូច្នេះហើយទើបពួកគេត្រូវបានចាប់ខ្លួន»។
សមាជិកសភាឈ្មោះ Sanath Nishantha និង Milan Jayathilake ស្ថិតក្នុងចំណោមអ្នកនយោបាយចំនួន ២២រូប រួមមានអតីតនាយករដ្ឋមន្ត្រី Mahinda Rajapaksa និងកូនប្រុសរបស់គាត់ឈ្មោះ Namal ត្រូវបានដកសិទ្ធិចេញកាលពីសប្តាហ៍មុនបន្ទាប់ពីមានការចោទប្រកាន់ថា ពួកគេបានបង្កអំពើហិ.ង្សា។
សូមបញ្ជាក់ថា កាលពីថ្ងៃទី ៩ ខែឧសភា អ្នកគាំទ្របក្សកាន់អំណាចរាប់ពាន់នាក់ដែលត្រូវបានដឹកតាមរថយន្តក្រុងមកចូលក្នុងរដ្ឋធានី បានធ្វើការវា.យប្រហារលើក្រុមអ្នកតវ៉ាដោយសន្តិវិធីដែលទាមទារឲ្យប្រធានាធិបតី Rajapaksa ចុះចេញពីតំណែងដោយសារវិបត្តិសេដ្ឋកិច្ចធ្ងន់ធ្ងរក្នុងប្រទេស។
នៅគ្រានោះ នាយករដ្ឋមន្ត្រីស្រីលង្កា Mahinda Rajapaks ដែលត្រូវជាបងប្រុសរបស់ប្រធានាធិបតីបច្ចុប្បន្ន បានលាលែងចេញពីតំណែងភ្លាមៗ ក្រោយផ្ទុះការសងសឹកពីសំណាក់ក្រុមបាតុករប្រឆាំងរដ្ឋាភិបាលដែលបណ្តាលឲ្យមានការដុតផ្ទះជាច្រើនខ្នងរបស់មេដឹកនាំបក្សកាន់អំណាច។
មន្ត្រីសុខាភិបាលនិយាយថា មនុស្សជាង ២២៥នាក់បានចូលមន្ទីរពេទ្យដោយសារអំពើហិ.ង្សា ខណៈប៉ូលីសនិយាយថា មនុស្សប្រហែល ៥០០នាក់ត្រូវបានចាប់ខ្លួនពាក់ព័ន្ធនឹងអំពើហិ.ង្សា និងការសងសឹក៕ (យោងតាមប្រភព៖ AFP)
ចែករំលែកព័តមាននេះ