បើកប្រតិបត្តិការបង្ក្រាបគ្រឿងញៀ.ន ដកហូតបាន៤៤កញ្ចប់និងមុខសញ្ញាម្នាក់
ខេត្តកំពង់ស្ពឺ ៖ សមត្ថកិច្ចនគរបាលស្រុកសំរោងទង សហការណ៍ជាមួយការិយាល័យប្រឆាំងគ្រឿងញៀ.នបានបើកប្រតិបត្តិការបង្ក្រាបមុខសញ្ញាជួញដូរថ្នាំញៀនម្នាក់
ខេត្តកំពង់ស្ពឺ ៖ សមត្ថកិច្ចនគរបាលស្រុកសំរោងទង សហការណ៍ជាមួយការិយាល័យប្រឆាំងគ្រឿងញៀ.នបានបើកប្រតិបត្តិការបង្ក្រាបមុខសញ្ញាជួញដូរថ្នាំញៀនម្នាក់
ខេត្តកំពង់ស្ពឺ ៖ សមត្ថកិច្ចនគរបាលស្រុកសំរោងទង សហការណ៍ជាមួយការិយាល័យប្រឆាំងគ្រឿងញៀនបានបើកប្រតិបត្តិការបង្ក្រាបមុខសញ្ញាជួញដូរថ្នាំញៀនម្នាក់ដោយដកហូតថ្នាំញៀនបាន៤៤កញ្ចប់។ ប្រតិបត្តិការបង្ក្រាបនេះ ធ្វើឡើងកាលពីវេលាម៉ោង១១ព្រឹក ថ្ងៃទី២៨ ខែតុលា ឆ្នាំ២០១៦ នៅចំណុចខាងជើងភូមិចំបក់ ឃុំវល្លិសរ ស្រុកសំរោងទង ខេត្តកំពង់ស្ពឺ។ជនសង្ស័យឈ្មោះ ឡេង ប៊ុនថន ហៅធូ ភេទប្រុស អាយុ២៣ឆ្នាំ រស់នៅភូមិចំការរដ្ឋ ឃុំវល្លិសរ ស្រុកសំរោងទង ខេត្តកំពង់ស្ពឺ។
លោកអធិការរងនគរបាលស្រុកសំរោងទងបានឲ្យដឹងថា កម្លាំងផ្នែកគ្រឿងញៀន បានសហការណ៍ជាមួយកម្លាំងផ្នែកព្រហ្មទណ្ឌស្រុក ដឹកនាំដោយលោកអធិការ បានឃាត់មុខសញ្ញាជួញដូរ និងរក្សាទុកនូវសាធាតុញៀនម្នាក់ ដោយបានធ្វើការឆែកឆេរនៅលើខ្លួនគេមានលាក់ទុកនូវម្សៅក្រាមពណ៌សសង្ស័យជាគ្រឿងញៀនចំនួន១៥កញ្ចប់តូច លុយខ្មែរចំនួន១៨.២០០រៀលគត់ លុយដុល្លារចំនួន១ដុល្លារ ទូរស័ព្ទដៃ១គ្រឿងម៉ាកហាយយា និងម៉ូតូ១គ្រឿង ម៉ាកស្មាស(ចាស់)។
លោកអធិការរងបន្តថា ក្រោយឃាត់ខ្លួនឆែកឃើញមានថ្នាំញៀននៅលើខ្លួនគេហើយ សមត្ថកិច្ចរបស់លោកបន្តធ្វើការឆែកឆេរផ្ទះមុខសញ្ញាខាងលើ ដោយមានកាចូលរួមពីលោកមេឃុំ លោកមេភូមិ និងម្តាយរបស់ជនសង្ស័យ ក្នុងនោះសមត្ថកិច្ចរកឃើញថ្នាំញៀនបន្ថែមចំនួន២៩កញ្ចប់តូច និងថង់ច្រកគ្រឿងញៀន ឧបករណ៍ប្រើប្រាស់មួយចំនួនទៀត។ ក្រោយពីសមត្ថកិច្ចឃាត់ខ្លួនជនសង្ស័យឈ្មោះ ឡេង ប៊ុនថន រូបនេះបានឆ្លើយសារភាពថា គ្រឿងញៀនទាំងនេះពិតជារបស់ខ្លួនពិតប្រាកដមែន។
ជនសង្ស័យបន្តថា គ្រឿងញៀនទាំងនេះគេមានម៉ូយយកមកលក់ឲ្យដល់ផ្ទះតែម្តង។ គួរបញ្ជាក់ថា គ្រឿងញៀនទាំងអស់សរុប៤៤កញ្ចប់ គឺសមត្ថកិច្ចធ្វើការដកហូតទាំងពេលចាប់ខ្លួន និងទាំងពេលឆែកឆេរ។ បច្ច្ចុប្បន្នជនសង្ស័យត្រូវបានបញ្ជូនទៅកាន់ការិយាល័យជំនាញប្រឆាំងគ្រឿងញៀនធ្វើការសាកសួរដើម្បីកសាងសំណុំរឿងបញ្ជូនទៅកាន់សាលាដំបូងខេត្តចាត់ការតាមនីតិវិធី៕
ចែករំលែកព័តមាននេះ