ខេត្តបាត់ដំបង ៖ អាជ្ញាធរក្រុងបាត់ដំបង គ្រោងនឹងរៀបចំពិធីជួបជុំក្រុមអ្នកជិះកង់ជាលក្ខណៈកីឡា ក្នុងទ្រង់ទ្រាយដ៏ធំមួយ ដែលមានការចូលរួមពីក្រុមអ្នកជិះកង់ និងមហាជនមកពីក្រុងចំនួន៤ គឺក្រុងបាត់ដំបង, ក្រុងពោធិ៍សាត់, ក្រុងប៉ោយប៉ែត និងក្រុងប៉ៃលិន។
ខេត្តបាត់ដំបង ៖ អាជ្ញាធរក្រុងបាត់ដំបង គ្រោងនឹងរៀបចំពិធីជួបជុំក្រុមអ្នកជិះកង់ជាលក្ខណះកីឡា ក្នុងទ្រង់ទ្រាយដ៏ធំមួយ ដែលមានការចូលរួមពីក្រុមអ្នកជិះកង់ និងមហាជនមកពីក្រុងចំនួន៤ គឺក្រុងបាត់ដំបង, ក្រុងពោធិ៍សាត់, ក្រុងប៉ោយប៉ែត និងក្រុងប៉ៃលិន។
បើយោងតាមលិខិត្រជូនដំណឹងរបស់សាលាក្រុងបាត់ដំបងបានឱ្យដឹងថា ពិធីជួបជុំក្រុមអ្នកជិះកង់នេះ នឹងប្រព្រិត្តទៅនៅថ្ងៃទី២៩តុលា ស្ថិតនៅសួនច្បារនាគបាញ់ទឹក ក្នុងក្រុងបាត់ដំបង ។
បើតាមអាជ្ញាធរបានឱ្យដឹងទៀតថា ពិធីជួបជុំក្រុមអ្នកជិះកង់ ជាលក្ខណៈកីឡានេះ គឺធ្វើឡើងក្នុងគោលបំណងជួយលើកកម្ពស់វិស័យកីឡាជាតិ ដើម្បីបរិស្ថានទីក្រុងស្អាត ទីក្រុងបៃតង និងកាត់បន្ថយចំហាយឧស្ម័នពុល ដែលធ្វើឲ្យប៉ះពាល់អាកាសធាតុ។ បើតាមការបញ្ជាក់ពីអាជ្ញាធរក្រុង គឺមានអ្នកចូលរួមជិះកង់ជាលក្ខណៈកីឡាចំនួន៥០០កង់ ដែលជិះចម្ងាយ១៨គីឡូមែត្រតាមដងផ្លូវនានាជុំវិញក្រុងបាត់ដំបង។
ជាមួយនឹងការជួបជុំក្រុមអ្នកជិះនេះ អាជ្ញាធរក្រុងបាត់ដំបង បានធ្វើការអំពាវនាវដល់បណ្ដាអង្គភាពស្ថាប័នរដ្ឋគ្រប់ស្ថាប័ន អង្គការសង្គមស៊ីវិល ប្រជាពលរដ្ឋចូលរួមឱ្យបានច្រើនកុះករ និងជួយបរិច្ចាគជាថវិការមូលនិធិ ដើម្បីជួយដល់កុមារកំព្រា និងជនក្រីក្រ។
ពេលនេះ អាជ្ញាធរក្រុងបាត់ដំបងកំពុងចុះពិនិត្យ និងធ្វើការវាស់វែង ដើម្បីរៀបចំកន្លែងប្រារព្ធពិធីជួបជុំក្រុមអ្នកជិះកង់នៅសួនច្បារនាគបាញ់ទឹកនៅចំកណ្ដាលក្រុងបាត់ដំបង ។
ចែករំលែកព័តមាននេះ