ខេត្តព្រះវិហារ ៖ ករណីគ្រោះថ្នាក់ចរាចរណ៍ក្រឡាប់រថយន្ដ បណ្ដាលឲ្យបាត់បង់ជីវិតឪពុក និងម្ដាយរបស់តារាចម្រៀង សុវត្ថិឌី ធារិកា នៅក្នុងខេត្តព្រះវិហារនោះ ខណៈនេះ សពជនរងគ្រោះទាំង២នាក់ បាននិងកំពុងដឹកមករាជធានីភ្នំពេញវិញ ដើម្បីយកទៅធ្វើបុណ្យតាមប្រពៃណី នៅវត្តស្ទឹងមានជ័យ ។
ហេតុការណ៍គ្រោះថ្នាក់ចរាចរណ៍នេះ បានកើតឡើងនៅវេលាម៉ោងប្រហែល៣រសៀលថ្ងៃទី១៧ ខែឧសភា ឆ្នាំ២០២២ ស្ថិតក្នុងភូមិកំពង់ស្រឡៅ ឃុំកំពង់ស្រឡៅមួយ ស្រុកឆែប ខេត្តព្រះវិហារ ។
សេចក្តីរាយការណ៍ជាបឋមបានឲ្យដឹងថា ករណីគ្រោះថ្នាក់ចរាចរណ៍នេះ គឺក្រឡាប់រថយន្ដ ធ្លាក់ទឹកដោយខ្លួនឯង បណ្តាលឲ្យឪពុក និងម្តាយរបស់តារាចម្រៀង សុវត្ថិឌី ធារិកា បានបាត់បង់ជីវិតទាំង ២នាក់ ។ ចំណែកឯ រូបនាង និងប្អូនប្រុស រួមទាំងលោកយាយ បានផុតគ្រោះអកុសលនេះ ។ ព័ត៌មានបន្ថែម នឹងមានផ្សាយជូនបន្តទៀត ៕
ចែករំលែកព័តមាននេះ