ខេត្តកំពង់ចាម ៖ ក្រោមកិច្ចសហការជាមួយម្ចាស់រថយន្ត ដើម្បីរៀបចំកម្លាំងជាច្រើនគោលដៅ ដើម្បីតាមប្រមាញ់ចោរលួចរថយន្តពីរាជធានីភ្នំពេញ បើករត់គេចចូលមកកាន់ខេត្តកំពង់ចាម មកដល់វេលាម៉ោង០៥ និង២៥នាទីព្រឹកថ្ងៃទី២៧ តុលា នេះ នៅចំណុចលើផ្លូវលេខ៧១ មុខអធិការដ្ឋាននគរបាលស្រុកចំការលើ ក្នុងភូមិថ្នល់បែកលិច ឃុំស្វាយទាប ស្រុកចំការលើ ត្រូវបានចាប់ចំមុខ សញ្ញាបាន រួមទាំងភស្តុតាងរថយន្តហាយឡែនឌ័រ១គ្រឿងផងដែរ ។ គួររំលឹកថា ស្រវឹង! បាត់រថយន្តស្វាងចែស
លោកវរសេនីយ៍ ឯកចាន់ ហោ នាយរងការិយាល័យកណ្តាលយុត្តធម៌ខេត្តបានប្រាប់ឱ្យដឹងថា បុរសជាម្ចាស់រថយន្តស្រវឹង បើក
ទៅមុខមិនរួច ស្ថិតត្រង់ចំណុចបែកចានក្នុងស្រុកអង្គស្នួល ខេត្តកណ្តាល ក៏ត្រូវបានជនសង្ស័យ ជិះម៉ូតូ១គ្រឿងមកឈប់អែប សួរ នាំឃើញម្ចាស់រថយន្តប្រាប់ថា ស្រវឹងជិះទៅមុខមិនរួច ក៏ពឹងពាក់ឱ្យជនទាំងនោះជូនមកកាន់ហាងម៉ាស្សា១កន្លែង ឱ្យកោសជប់ដើម្បីឱ្យស្វាង កាលពីយប់ថ្ងៃទី២៦ តុលា ២០១៦ ។
លោកវរសេនីយ៍ឯក ចាន់ ហោ ប្រាប់បន្តថា ក្រោយពីបាននាំមកដល់ហាងម៉ាស្សាហើយនោះ ជនសង្ស័យបានសុំបើករថយន្តទៅទិញភេសជ្ជៈយកមកឱ្យផឹក ដើម្បីឱ្យស្វាង ។ ម្ចាស់រថយន្តបានដេកលក់ លុះនៅវេលាម៉ោង៤ទៀបភ្លឺ ក៏ទូរស័ព្ទមកប្តឹងរូបលោកដើម្បីឱ្យជួយអន្តរាគម៍តាមរករថយន្ត ក្រោយពីដឹងមុខសញ្ញាជិះគេចចូលមកកាន់ខេត្តកំពង់ចាម ។
សមត្ថកិច្ចនៅតាមដងផ្លូវត្រូវតាមដានឃ្លាំមើល ទីបំផុតនៅវេលាម៉ោងជាង៥ព្រឹកថ្ងៃទី២៧ តុលា បង្ក្រាបឃាត់រថយន្ដមួយគ្រឿង ម៉ាកហាយឡែនឌ័រ ពណ៌ទឹកប្រាក់ មានស្លាកលេខភ្នំពេញ ២AI-៧៨៤៣ និងឃាត់បានជនសង្ស័យ២នាក់ ១-ឈ្មោះទ្រី រិត អាយុ៤២ឆ្នាំ មានទីលំនៅភូមិដំបូកខ្ពស់ ឃុំលាយបូរ ស្រុកត្រាំកក់ ខេត្តតាកែវ បច្ចុប្បន្នស្នាក់នៅផ្ទះជួលនៅរាជធានីភ្នំពេញ និង២-ឈ្មោះអ៊ុល សុវណ្ណារី ភេទស្រី អាយុ៣៧ឆ្នាំ នៅភូមិ៤ សង្កាត់បឹងកេងកងទី៣ ខណ្ឌចំការមន រាជធានីភ្នំពេញ ដោយឆែករកឃើញមានថ្នាំញៀន២កញ្ចប់តូច បន្ទះអាលុយមីញ៉ូមមួយចំនួន ទូរស័ព្ទចុចពិល១គ្រឿង កាតគ្រីម៉ូតូ២សន្លឹក ដែកកេស២ អត្ត សញ្ញាណប័ណ្ណ១សន្លឹក សោឡាន២ សោម៉ូតូ២ លិខិតទិញ-លក់ម៉ូតូ១សន្លឹក ។
ចែករំលែកព័តមាននេះ