បាត់ខ្លួន១យប់ ព្រឹកឡើងប្រទះឃើញសពអណ្តែតទឹក
ខេត្តស្វាយរៀង ៖ អតីតចៅអធិការវត្តគយត្របែកបន្ទាប់ពីបាត់ខ្លួនមួយយប់ស្រាប់តែព្រឹកឡើងត្រូវបានគេប្រទះឃើញសពអណ្តែតទឹកទន្លេវ៉ៃគោបង្កឲ្យមានការភ្ញាក់ផ្អើល …
ខេត្តស្វាយរៀង ៖ អតីតចៅអធិការវត្តគយត្របែកបន្ទាប់ពីបាត់ខ្លួនមួយយប់ស្រាប់តែព្រឹកឡើងត្រូវបានគេប្រទះឃើញសពអណ្តែតទឹកទន្លេវ៉ៃគោបង្កឲ្យមានការភ្ញាក់ផ្អើល …
ខេត្តស្វាយរៀង ៖ អតីតចៅអធិការវត្តគយត្របែកបន្ទាប់ពីបាត់ខ្លួនមួយយប់ស្រាប់តែព្រឹកឡើងត្រូវបានគេប្រទះឃើញសពអណ្តែតទឹកទន្លេវ៉ៃគោបង្កឲ្យមានការភ្ញាក់ផ្អើលកាលពីវេលាម៉ោង៨ និង៣០នាទីព្រឹក ថ្ងៃទី២៧ ខែតុលា ឆ្នាំ២០១៦ នៅភូមិគយត្របែក សង្កាត់គយត្របែក ក្រុងស្វាយរៀង ។
លោកអនុសេនីយ៍ទោ គង់ សឿន នាយរងនគបាលប៉ុស្តិ៍រដ្ឋបាលសង្កាត់គយត្របែក បានឲ្យដឹងថា ជនរងគ្រោះឈ្មោះ បូរ សំនឿន ភេទប្រុស អាយុ៣៩ឆ្នាំ អតីតចៅអធិការវត្តគយត្របែក មានទីលំនៅស្ថិតនៅភូមិគយត្របែកសង្កាត់គយត្របែក ក្រុងស្វាយរៀង ។
លោកអនុសេនីយ៍ទោ គង់ សឿន បន្តទៀតថា កាលពីល្ងាចថ្ងៃទី២៦ ខែតុលា ឆ្នាំ២០១៦ ជនរងគ្រោះបានបាត់ខ្លួនមិនដឹងថាទៅណាតែ រហូតដល់ព្រឹកឡើងម៉ោងម៉ោង៨ និង៣០នាទី អ្នកស្រុកផ្ទះក្បែគ្នាបានទៅឈរក្បែរខ្ទមជាប់មាត់ព្រែកក៏បានប្រទះឃើញមានសពអណ្តែតទឹកក៏ឆោឡោប្តឹងសមត្ថកិច្ចឲ្យមកពិនិត្យមើល ។
បើតាមសមត្ថកិច្ច ឈ្មោះ គង់ សឿន អះអាងថា ជាឪពុកធម៌ជនរងគ្រោះ បានឲ្យដឹងថា កូនធម៌របស់គាត់ឈ្មោះ បូរ សំនឿន បានបួសជាសង្ឃជាង១០វស្សា និងបានឡើងធ្វើជាចៅអធិការវត្តគយត្របែកទៀតផង ក្រោយមក បានលាចាកសិក្ខាបទ(សឹក)កាលពីអំឡុងឆ្នាំ២០១០គិតមកដល់ពេលនេះរយៈពេលជិត៧ឆ្នាំមកហើយ និងបានរៀបអាពាហ៍ពិពាហ៍ជាមួយប្រពន្ធឈ្មោះ សុខ រ៉ូត អាយុ៣៦ឆ្នាំ និងមានកូន៤នាក់ ជាចំណងដៃ ក៏ប៉ុន្តែនៅដើមឆ្នាំ២០១៦កន្លងទៅ ការរស់នៅមិនចុះសម្រុងក្នុងគ្រួសារ ប្តីប្រពន្ធនេះក៏បានដល់ផ្លូវបំបែក ប្រពន្ធបានសុំលែងលះ ដោយគ្មានអ្នកណាម្នាក់បានដឹងមូលហហេតុពិតប្រាកដឡើយ ។
បន្ទាប់ពីលែងលះ ស្ត្រីជាប្រពន្ធយកកូនតូចៗបីនាក់ទៅចិញ្ចឹម រីឯប្តីយកកូនប្រុសច្បង រួចបានមករស់នៅក្នុងភូមិគយត្របែកជាមួយគ្នាចម្ងាយប្រមាណជា៤០០ម៉ែត្រប៉ុណ្ណោះពីផ្ទះរបស់គាត់ ។ ក្រោយមកជនរងគ្រោះខូចចិត្តបានយកស្រាជាមិត្ត គឺផឹកស្រារហូតក្លាយជាអ្នកប្រមឹក មិននិយាយស្តី ហើយតែងតែទៅអង្គុយ និងដេកនៅក្នុងរោងមាត់ព្រែកទន្លេវ៉ៃគោខាងលិចផ្ទះចម្ងាយ១០០ម៉ែត្រ ។
ប្រភពបញ្ជាក់ថា កន្លងមកសមត្ថកិច្ចធ្លាប់ប្រាប់ឲ្យគាត់ហៅកូនកុំឲ្យដេកម្នាក់ឯងក្នុងរោងមាត់ទឹក ខ្លាចក្រែងជំងឺប្រកាច់រើឡើងវិញធ្លាក់ទឹកលង់ស្លាប់ ក៏ប៉ុន្តែពេលណាសមត្ថកិច្ចហៅឲ្យទៅដេកនៅផ្ទះក៏ទៅ ក្រោយមកក៏ទៅដេកនៅរោងវិញដដែល ហើយទំនងជាប្រកាច់ធ្លាក់ចូលក្នុងទឹកឡើងមិនរួចហើយគ្មានអ្នកណាឃើញ ទើបបណ្តាលឲ្យលង់ទឹកស្លាប់បែបនេះ ។
ក្រោយពីសមត្ថកិច្ចពិនិត្យរួច សពក៏ប្រគល់ឲ្យក្រុមគ្រួសារយកទៅធ្វើបុណ្យតាមប្រពៃណី ៕
ចែករំលែកព័តមាននេះ