ប្រធានាធិបតីកាមេរ៉ូនលោកប៉ូលប៊ីយ៉ា ថ្លែងនាថ្ងៃទី២២ តុលាថា មនុស្សយ៉ាងតិច៧០នាក់ស្លា.ប់និង៦០០នាក់ទៀតរងរបួសកាលពីថ្ងៃទី២១ តុលា ក្នុងគ្រោះថ្នាក់រថភ្លើងមានមនុស្សជិះណែនតាន់តាប់រត់រវាងទីក្រុងធំ
ប្រធានាធិបតីកាមេរ៉ូនលោកប៉ូលប៊ីយ៉ា ថ្លែងនាថ្ងៃទី២២ តុលាថា មនុស្សយ៉ាងតិច៧០នាក់ស្លាប់និង៦០០នាក់ទៀតរងរបួសកាលពីថ្ងៃទី២១ តុលា ក្នុងគ្រោះថ្នាក់រថភ្លើងមានមនុស្សជិះណែនតាន់តាប់រត់រវាងទីក្រុងធំ២របស់ប្រទេសធ្លាក់ពីផ្លូវដែក ។
រថភ្លើងនោះរបស់ក្រុមហ៊ុនផ្លូវដែកCAMRAIL ចាកចេញពីរដ្ឋធានីយុនដេទៅកាន់ទីក្រុងកំពង់ផែ ឌូអេឡា ។ គ្រោះថ្នាក់នោះកើតមានវេលាម៉ោង១១ម៉ោងក្នុងស្រុកថ្ងៃទី២១ តុលា នៅជិតស្ថានីយរថភ្លើងESEKA ចម្ងាយប្រមាណជា១២០គ.ម ខាងលិចក្រុងយុនដេ ។ ជនជាតិបារាំងម្នាក់ស្ថិតក្នុងចំណោមអ្នកស្លាប់ ។
លោកប្រធានាធិបតីប៉ូលប៊ីយ៉ា ដែលកំពុងបំពេញបេសកកម្មឯបរទេសតាមFACEBOOK សរសេរថា ខ្ញុំស្នើដល់រដ្ឋាភិបាលឱ្យផ្តល់ជំនួយទាំងស្រុងដល់បណ្តាអ្នកនៅរស់រានមានជីវិតរួចការស៊ើបអង្កេតនឹងត្រូវធ្វើដើម្បីកំណត់ពីមូលហេតុនៃការធ្លាក់ផ្លូវដែកនោះ ។
យោងតាមសាក្សីទាំងឡាយក្នុងនោះមានអ្នកកាសែតរ៉យទ័រម្នាក់ថាទូរថភ្លើង៨ទៀតត្រូវបានបន្ថែមពេញរថភ្លើងចេញដំណើរដែលតាមធម្មតាមានទូត្រឹម៩ប៉ុណ្ណោះដើម្បីដឹកពួកអ្នកដំណើរច្រើននាក់ទៀត ។
បណ្តារូបភាពផ្សាយដោយបណ្តាញសង្គមបង្ហាញបណ្តាទូរថភ្លើងដែលក្រឡាប់ជិតផ្លូវដែក ៕
ចែករំលែកព័តមាននេះ