ជនដៃដល់ដែលប្លន់សម្លា.ប់សិស្សសាលានោះចាប់បានម្នាក់ហើយក្នុងចំណោម៥នាក់
- សៀមរាប
ជនសង្ស័យជាឃាតក.រដែលប្លន់សម្លា.ប់សិស្សវិទ្យាល័យអង្គរម្នាក់ កាលពីល្ងាចថ្ងៃទី៧ ខែឧសភា ដោយយកទូរស័ព្ទ OPPO មួយគ្រឿង ខណៈពេលជនរងគ្រោះកំពុងតែ
ជនសង្ស័យជាឃាតក.រដែលប្លន់សម្លា.ប់សិស្សវិទ្យាល័យអង្គរម្នាក់ កាលពីល្ងាចថ្ងៃទី៧ ខែឧសភា ដោយយកទូរស័ព្ទ OPPO មួយគ្រឿង ខណៈពេលជនរងគ្រោះកំពុងតែ
ខេត្តសៀមរាប ៖ ជនសង្ស័យជាឃាតក.រដែលប្លន់សម្លា.ប់សិស្សវិទ្យាល័យអង្គរម្នាក់ កាលពីល្ងាចថ្ងៃទី៧ ខែឧសភា ដោយយកទូរស័ព្ទ OPPO មួយគ្រឿង ខណៈពេលជនរងគ្រោះកំពុងតែជិះកង់ហាត់ប្រាណម្នាក់ឯង នៅចំណុចចំរ៉ាក់ជើងភ្នំក្រោមនោះ ពេលនេះត្រូវបានកម្លាំងកងរាជអាវុធហត្ថស្រាវជ្រាវឃាត់ខ្លួនបានម្នាក់ ក្នុងចំណោម៥នាក់ យកមកសាកសួរនៅទីបញ្ជាការកងរាជអាវុធហត្ថខេត្តសៀមរាប និងរៀបចំកសាងសំណុំរឿងបញ្ជូនទៅកាន់តុលាការខេត្តសៀមរាប ។
បើតាមប្រភពពីសាក្សីនៅជិតកន្លែងកើតហេតុ បានរៀបរាប់ប្រាប់ភ្នាក់ងារកោះសន្តិភាពថា ជនរងគ្រោះត្រូវបានក្រុមចោរជិះម៉ូតូចំនួន២គ្រឿង មានគ្នាប្រមាណ៥នាក់ ចាំស្ទាក់វា.យ ខណៈពេលដែលជនរងគ្រោះកំពុងជិះកង់ម្នាក់ឯងនៅចំរ៉ាក់ជើងភ្នំក្រោមមុខផ្ទះរបស់ខ្លួន ។ ប្រភពបានរៀបរាប់ប្រាប់ទៀតថា បន្ទាប់ពីស្ទាក់វា.យសិស្សសាលាយកសម្ភារៈក្នុងខ្លួនអស់ហើយ ពួកគេក៏ជិះម៉ូតូដឹកស.ពយកទៅប្លុងចោល ហើយគេចខ្លួនបាត់ ក្រោយមកទើបមានសេចក្តីរាយការណ៍ទៅសមត្ថកិច្ចមូលដ្ឋានភ្លាមៗ ។ សាក្សីនិយាយថា ដោយសារឃើញ ក្រុមចោរមានគ្នាច្រើនទើបខ្លួនអត់ហ៊ានទៅជួយ ។
បើតាមប្រភពពីសមត្ថកិច្ចជំនាញបានឱ្យដឹងថា ជនរងគ្រោះមានឈ្មោះ ធរ សុធារិទ្ធ អាយុ១៦ឆ្នាំ ជាសិស្សថ្នាក់ទី១១ រៀននៅវិទ្យាល័យអង្គរ រស់នៅភូមិសាលាកំរើក សង្កាត់សាលាកំរើក ក្រុងសៀមរាប ។ ស.ពជនរងគ្រោះត្រូវបានពិនិត្យឃើញបាក់ដើមដៃខាងស្តាំ និងនៅលើដងខ្លួនមានស្នាមជាំ ។ ហើយដោយមានការខិតខំស្រាវជ្រាវបានល្អរបស់សមត្ថកិច្ចជំនាញ ទើបនៅវេលាម៉ោង២និង២០នាទីរសៀលថ្ងៃទី៨ ខែឧសភា ឆ្នាំ២០២២ កម្លាំងកងរាជអាវុធហត្ថខេត្តសៀមរាប ចាប់ខ្លួនជនសង្ស័យបានម្នាក់នៅផ្ទះរបស់ខ្លួន ពាក់ព័ន្ធនឹងករណីប្លន់សម្លា.ប់ខាងលើ ស្ថិតនៅចំណុចក្នុងភូមិភ្នំក្រោម សង្កាត់សៀមរាប ក្រុងសៀមរាប ។
សមត្ថកិច្ចបន្ថែមថា ជនសង្ស័យមានឈ្មោះ សឿន ជីវ័ន ភេទប្រុស អាយុ១៦ឆ្នាំ ជាកម្មករសំណង់ រស់នៅភូមិភ្នំក្រោម សង្កាត់សៀមរាប ក្រុងសៀមរាប និងបានឆ្លើយសារភាព នៅចំពោះមុខសមត្ថកិច្ចកងរាជអាវុធហត្ថខេត្តសៀមរាបថា រូបខ្លួនមានបក្សពួកចំនួន៥នាក់ទៀត ពិតជាបាននាំគ្នាស្ទាក់វា.យជនរងគ្រោះ ដែលកំពុងជិះកង់ម្នាក់ឯង ដោយប្រើដំបងឈើជ្រុងវា.យទៅលើជនរងគ្រោះសម្លា.ប់ ហើយក៏បានដឹកយកស.ពយកទៅទម្លាក់ចោលនៅក្រោមបង្គោលភ្លើងខាងជើងកន្លែងកើតហេតុ ចម្ងាយប្រហែល៥០០ម៉ែត្រមែន ។ ហើយការស្ទាក់វា.យសម្លា.ប់នេះ ពុំមានគំនុំអ្វីនោះទេ គឺមានបំណងយកតែសម្ភារៈរបស់ជនរងគ្រោះតែប៉ុណ្ណោះ។
សូមរំលឹកថា ករណីខាងលើនេះ ត្រូវបានប្រជាពលរដ្ឋប្រទះឃើញសាកស.ពជនរងគ្រោះនៅក្រោមបង្គោលភ្លើងវេលាម៉ោង៥និង៣០នាទីល្ងាច ថ្ងៃទី៧ ខែឧសភា ឆ្នាំ២០២២ ស្ថិតនៅចំណុច បង្គោលភ្លើងនៅវាលស្រែ ក្នុងភូមិអារញ្ញ សង្កាត់សៀមរាប ក្រុងសៀមរាប ។ បច្ចុប្បន្ន ជនសង្ស័យម្នាក់ដែលចាប់ខ្លួននោះ ត្រូវបានកម្លាំងកងរាជអាវុធហត្ថខេត្តកសាងសំណុំរឿងបញ្ជូនទៅសាលាដំបូងខេត្ត នៅរសៀលថ្ងៃទី៩ ខែឧសភា ឆ្នាំ២០២២ ដើម្បីចាត់ការតាមនីតិវិធី។
ចំណែកបក្សពួកដែលនៅសេសសល់កំពុងគេចខ្លួនបាត់នោះ សមត្ថកិច្ចជំនាញកំពុងតែស្រាវជ្រាវ ដើម្បីស្វែងរកចាប់ខ្លួនយកមកផ្ដន្ទាទោសទៅតាមផ្លូវច្បាប់ហើយ។
ពិតជារឿងគួរឱ្យសោកស្តាយណាស់ ដែលអំពើប្លន់ទូរស័ព្ទដៃតែ១គ្រឿងសោះ ក៏វា.យសម្លា.ប់ជីវិតមនុស្សដែរ ហេតុអ្វីក៏ចិត្តហ៊ានធ្វើបែបនេះ ?
ចែករំលែកព័តមាននេះ