ភិក្ខុសង្ឃលោតសម្លា.ប់ខ្លួនពីលើដងទង់ មុខព្រះវិហារមិនដឹងមូលហេតុ
ខេត្តតាកែវ ៖ ភិក្ខុមួយអង្គបានលោតពីលើបង្គោលដងទង់ដែលមានកម្ពស់៣២ម៉ែត្រនៅមុខព្រះវិហារ ធ្វើអត្តឃា.តយ៉ាងអាណោចអាធម័បំផុត
ខេត្តតាកែវ ៖ ភិក្ខុមួយអង្គបានលោតពីលើបង្គោលដងទង់ដែលមានកម្ពស់៣២ម៉ែត្រនៅមុខព្រះវិហារ ធ្វើអត្តឃាតយ៉ាងអាណោចអាធម័បំផុត ដោយមិនបានដឹងពីមូលហេតុ
ខណៈពេលព្រះសង្ឃឯទៀត កំពុងបោសសម្អាតនៅក្នុងទីធ្លាវត្ត ។
ហេតុការណ៍នេះបង្កឲ្យមានការភ្ញាក់ផ្អើលដល់ពុទ្ធបរិស័ទចំណុះជើងវត្ត មកចោមរោមមើលនិងមានការរន្ធត់ចិត្តគ្រប់ៗគ្នា កាលពីថ្ងែទី២១ តុលា វេលាម៉ោង៥និង៣០នាទីព្រឹក នៅក្នុងវត្តសម្តេចពាន់ ឃុំក្តាញ់ ស្រុកព្រៃកប្បាស ។
មន្ត្រីនគរបាលស្រុកឲ្យដឹងថា ភិក្ខុដែលធ្វើអត្តឃាតនេះនាម ម៉េង សាម៉ឺឌី ព្រះជន្មយុ២៤ឆ្នាំ បានបួសនៅវត្តសម្តេចពាន់ប្រមាណជា៤វស្សាមកហើយ ។ នៅព្រឹកព្រលឹមថ្ងៃនោះ ភិក្ខុអង្គនេះ បានងើបពីសឹងជាមួយព្រះសង្ឃនៅក្នុងវត្តដើម្បីបោសសម្អាតទីធ្លាវត្តដូចសព្វដង ហើយពេលនោះគេឃើញភិក្ខុអង្គនេះ មានកាន់កាំបិតផ្គាក់ផងឡើងទៅលើបង្គោលដងទង់នៅពីមុខព្រះវិហារ ។
អ្វីដែលធ្វើឲ្យមានការភ្ញាក់ផ្អើលនោះ គឺនៅពេលឡើងដល់កំពូលហើយក៏បានស្រែកលាអ្នកនៅខាងក្រោមថា អាត្មាលាអ្នកទាំងអស់គ្នាសិនហើយ រួចក៏លោតចុះមកតែម្តង តែកាំបិតផ្គាក់មិនបានកាន់នៅដៃទេ គឺសៀតទុកនៅលើចុងដងទង់ ។
ក្រោយពេលកើតហេតុ នគរបាលបានទៅដល់និងពិនិត្យសព រួចប្រគល់ដល់ចៅអធិការនិងអាចារ្យគណៈកម្មការវត្ត ធ្វើបុណ្យទៅតាមប្រពៃណី ។ ភិក្ខុអង្គនេះ មានស្រុកកំណើតនៅភូមិសម្តេចពាន់ ឃុំក្តាញ់នេះតែម្ដង ៕
ចែករំលែកព័តមាននេះ