ADផ្ទាំងផ្សព្វផ្សាយពាណិជ្ជកម្ម

Picture

ម៉ា​ដូ​ណា ហូរ​ទឹកភ្នែក​កាត់​ផ្ទះ​អស់​មួយទៀត​ដែល​ឪពុក​ម្តាយ​ចូល​ចិត្ត​បំផុត ដើម្បី​សងបំណុល

1 ឆ្នាំ មុន
  • ភ្នំពេញ

ពិត​ណាស់​ដោយសារ​ស្រឡាញ់​កិត្តិយស ខំ​កសាង​មក​បាន​ធ្វើ​អោយ​តារា​កំប្លែង ម៉ា​ដូ​ណា ប្រឹង​ក្រោកឈរ​ឡើង​វិញ​ចេញ​មុខ​ដោះស្រាយ​បំណុល​ទៅ​តាម​ផែនការ និង​សង្ឃឹមថា

រាជធានី​ភ្នំពេញ ៖ ពិត​ណាស់​ដោយសារ​ស្រឡាញ់​កិត្តិយស ខំ​កសាង​មក​បាន​ធ្វើ​អោយ​តារា​កំប្លែង ម៉ា​ដូ​ណា ប្រឹង​ក្រោកឈរ​ឡើង​វិញ​ចេញ​មុខ​ដោះស្រាយ​បំណុល​ទៅ​តាម​ផែនការ និង​សង្ឃឹមថា ការ​ដោះស្រាយ​ជា​ជំហាន​ៗ​នឹង​មានការ​យោគយល់​។

ជា​ថ្មី​ទៀត ម៉ា​ដួ​ណា បាន​លេប​គ្រួ​ស លេប​ថ្ម ចេញ​មុខ​លក់​ផ្ទះ​អស់​១​កន្លែង​ទៀត ដើម្បី​ទូទាត់ ដែល​នោះ​ជា​ផ្ទះ​ឪពុក​ម្តាយ​ចង់​រស់នៅ​បំផុត ស្ថិត​ក្នុង​ខេត្តសៀមរាប​។ បំណុល​មិន​តិច​នោះ​ទេ ដែល ម៉ា​ដូ​ណា បាន​ចេញ​សង​កូន​តុងទីន ខណៈ​កូន​តុងទីន​ខ្លះ​ដេញ​បាន​ហើយ​វេច​ប្រាក់​ទៅ​រាប់​ម៉ឺន​ដុល្លារ មិន​ព្រម​សង​ត្រឡប់​មក​វិញ​នោះ​ទេ​។

ចំណែក​មហាជន​ចង់​គាំង និង​ខ្លោចចិត្ត អាណិត ម៉ា​ដូ​ណា ត្រូវ​រស់នៅ​ជាមួយ​បំណុល​ជិត​កន្លះ​លាន​ដុល្លារ គ្មាន​ព្រលឹង​​ក្នុង​ខ្លួន​រាល់ថ្ងៃ​។ មួយ​ថ្ងៃ​ៗ ម៉ា​ដូ​ណា បាន​ត្រឹមតែ​ទប់ចិត្ត ញញឹម​បន្លំ​គេឯង​យ៉ាង​តឹងតែង ទាំង​សភាព​ក្នុង​ចិត្ត​ពោរពេញ​ដោយ​ការ​បាក់ទឹកចិត្ត​បំផុត​។ សម្បក​ក្រៅ លេងសើច​ច្រើន សម្តែង​លើ​ឆាក​ក្អាកក្អាយ នាំ​អោយ​គេ​យល់​ថា ម៉ា​ដូ​ណា អាច​មិន​ខ្វះ​លុយ​សង​គេ​ឡើយ​។

ជាក់ស្តែង បុគ្គល​ដែល​តែងតែ​នៅ​លើ​ឆាក​ធ្វើ​អោយ​គេ​សើច​គ្រប់ពេល​បាន​លះបង់​ទ្រព្យ​ទៀត​ហើយ​។ ហើយ​មុន​នេះ នៅ​លើ​បណ្តាញ​សង្គម​របស់ ម៉ា​ដូ​ណា បាន​បង្ហោះ​ពាក្យពេចន៍​ថា «​ថ្ងៃនេះ ខ្ញុំ​ហូរ​ទឹកភ្នែក កាត់​ផ្ទះ​អស់​១​ទៀត ហើយ​នេះ​ជា​ផ្ទះ​របស់ខ្ញុំ​នៅ​សៀមរាប ដែល​ប៉ា​ម៉ាក់​របស់ខ្ញុំ​រស់នៅ​ជា​រៀងរាល់ថ្ងៃ ។ ដោយសារ​ខ្យល់អាកាស​ល្អ ទើប​គាត់​មិន​ចង់​មក​នៅ​ភ្នំពេញ​វិញ ។ តែ​ពេល​នេះ ខ្ញុំ​ត្រូវ​បាន​កាត់​ផ្ទះ​នេះ​អោយ​គេ ដោយសារ​ចេញ​សង​គេ​រឿង​តុងទីន និង​បំណុល​ការ​ប្រាក់​ជា​ច្រើន ។ សុំ​ទោស​ប៉ា​ម៉ាក់ កូន​នឹង​រក​ផ្ទះ​ដែល​ស្រលះ នឹង​ធំ​ទូលាយ​ជាង​នេះ សំរាប់​អ្នក​ទាំងអស់​គ្នា ឆាប់​ៗ​នេះ ។ លុយ​ញើស​ឈា​.​ម​ខ្ញុំ អ្នក​ធ្វើបាប​ខ្ញុំ អ្នក​នឹង​បាន​មក​វិញ​នៅ​ភាព​វិនាស​ព្រាត់ប្រាស់ ខ្ញុំ​ជឿ​លើ​អំពើ​បាប ចុះ​អ្នក​ទាំងអស់​គ្នា​វិញ Madona Cute»​។

ក្នុង​ពេល​ដែល​ជួប​បញ្ហា​ខាងលើ​នេះ ម៉ា​ដូ​ណា នៅ​តែងតាំង​មិន​គេច ហើយ​ធ្វើ​អោយ​អ្នកគាំទ្រ សរសើរ​ពី​ទឹកចិត្ត ។ ហើយ​ទ្រព្យសម្បត្តិ​ដែល​ខំ​រក​មិន​តិច​នោះ​ទេ ដែល​ត្រូវ ម៉ា​ដូ​ណា លក់​ទាំង​ផ្ទះ ទាំង​ឡាន នា​ពេល​កន្លង​មក​។

អត្ថបទសរសេរ ដោយ

កែសម្រួលដោយ