ក្រុមប្រឹក្សាសន្តិសុខអង្គការសហប្រជាជាតិបានអនុម័តជាឯកច្ឆ័ន្ទនូវសេចក្តីថ្លែងការណ៍ដំបូងរបស់ខ្លួន ចាប់តាំងពីការឈ្លានពានរបស់រុស្ស៊ីមក ដោយបង្ហាញការគាំទ្រពេញទំហឹង សម្រាប់កិច្ចខិតខំប្រឹងប្រែងរបស់អគ្គលេខាធិការអង្គការសហប្រជាជាតិលោក Antonio Guterres ដើម្បីស្វែងរកដំណោះស្រាយដោយសន្តិវិធីចំពោះ ជម្លោះនៅអ៊ុយក្រែន។
សេចក្តីថ្លែងការណ៍ខ្លីដែលត្រូវបានអនុម័តនៅក្នុងកិច្ចប្រជុំមិនបានប្រើប្រាស់ពាក្យ«សង្គ្រាម»«ជម្លោះ» ឬ«ការឈ្លានពាននោះទេ» ខណៈដែលប្រទេសជាច្រើននៃសមាជិកក្រុមប្រឹក្សា បានហៅសកម្មភាពយោធារបស់រុស្ស៊ីដែលកំពុងបន្ត។ ទីក្រុងម៉ូស្គូ ហៅវាថា ជាប្រតិបត្តិការយោធាពិសេស ។ សមាជិកអចិន្ត្រៃយ៍នៃក្រុមប្រឹក្សារួមមាន រុស្ស៊ី អាមេរិក ចិន បារាំង និងអង់គ្លេស ។
សេចក្តីថ្លែងការណ៍និយាយថា «ក្រុមប្រឹក្សាសន្តិសុខបង្ហាញការគាំទ្រយ៉ាងខ្លាំង ចំពោះកិច្ចខិតខំប្រឹងប្រែងរបស់អគ្គលេខាធិការក្នុងការស្វែងរកដំណោះស្រាយដោយសន្តិវិធី» ។
សូមបញ្ជាក់ថា ការឈ្លានពានរបស់រុស្ស៊ីលើអ៊ុយក្រែនបានអូសបន្លាយអស់រយៈពេលជាង២ខែមកហើយ ប៉ុន្តែរុស្ស៊ីហាក់មិនទាន់បានសម្រេចផែនការធំដុំនៅឡើយនោះទេ ខណៈមានការតស៊ូប្រយុទ្ធយ៉ាងស្វិតស្វាញពីកងទ័ពអ៊ុយក្រែន។
អង្គការសហប្រជាជាតិបាននិយាយថា ចាប់តាំងពីមានសង្គ្រាមមក ជនស៊ីវិលជាង ៦.៧០០នាក់ត្រូវបានសម្លា.ប់ ខណៈមនុស្សជិត៦លាននាក់ទៀតភៀសខ្លួនចេញទៅកាន់ប្រទេសជិតខាង ៕ (យោងតាមប្រភព៖ Aljazeera)
ចែករំលែកព័តមាននេះ