ផ្លូវលេខ១១៣ ស្ថិតក្នុងសង្កាត់តាខ្មៅ ក្រុងតាខ្មៅ ប្រវែងជាង១គីឡូម៉ែត្រ រងការខូចខាតខ្ទេចខ្ទីរអស់ហើយ បែរជាអាជ្ញាធរសង្កាត់ និងក្រុងតាខ្មៅ ជាពិសេសក្រសួងសាធារណការខេត្តកណ្តាល អត់មើលឃើញ
ខេត្តកណ្តាល ៖ ផ្លូវលេខ១១៣ ស្ថិតក្នុងសង្កាត់តាខ្មៅ ក្រុងតាខ្មៅ ប្រវែងជាង១គីឡូម៉ែត្រ រងការខូចខាតខ្ទេចខ្ទីរអស់ហើយ បែរជាអាជ្ញាធរសង្កាត់ និងក្រុងតាខ្មៅ ជាពិសេសក្រសួងសាធារណការខេត្តកណ្តាល អត់មើលឃើញទាល់តែសោះ។ មិនត្រឹមតែប៉ុណ្ណោះ នៅពេលមេឃភ្លៀងមកម្តងៗ គឺដក់ទឹក មើលមិនឃើញជង្ហក់ ជាហេតុធ្វើអោយអ្នកធ្វើដំណើរ និងពលរដ្ឋរស់នៅក្បែរនោះ ងាយរងគ្រោះថ្នាក់ចរាចរណ៍។
បើតាមប្រជាពលរដ្ឋនៅក្បែរនោះ សុំមិនបញ្ចេញឈ្មោះ បានប្រាប់អោយដឹងថា ជារៀងរាល់ថ្ងៃពេលពួកគាត់ធ្វើដំណើរ គឺពិបាកធ្វើដំណើរខ្លាំងណាស់។ ពួកគាត់បានស្នើសុំអាជ្ញាធរក្រុងតាខ្មៅ និងសាធារណការ និងដឹកជញ្ជូនខេត្តកណ្តាល មេត្តាជួយពិនិត្យ និងជួសជុលឡើងវិញផង។
ពួកគាត់បន្ថែមទៀតថា មិនមែនទើបតែខូចនោះទេ គឺខូចរាប់ឆ្នាំមកហើយ ហេតុអ្វីអាជ្ញាធរមិនអើរពើរទាល់តែសោះ? ឬបានតែដើរដេញពលរដ្ឋលក់កាហ្វេលើចិញ្ចើមផ្លូវបន្តិចបន្តួចទេ? ពេលអ្នកលក់ម៉ូតូទូរស័ព្ទហាងធំៗដាក់លើចិញ្ចើមផ្លូវវិញ គឺមិនហ៊ានដេញសោះ ឬមានអ្វីអាថ៌កំបាំងនៅពីក្រោយពីបញ្ហារនេះ ។
ពួកគាត់សង្ឃឹមថា បន្ទាប់ពីសារព័ត៌មានចុះផ្សាយរួ ចថ្នាក់ដឹកនាំបានដឹង និងពិនិត្យមន្ត្រីក្រោមៗជាក់ជាមិនខាន បើនៅតែបែបនេះទៀត គឺពលរដ្ឋពិបាកក្នុងការរស់នៅ និងប្រកបមុខរបរចិញ្ចឹមក្រពះហើយ ។
ចែករំលែកព័តមាននេះ