ក្រឡាប់ឡានទាន់ហន់ចឹង ! គ្នាឯងស៊ីគ្នាឯង
ខេត្តកំពត ៖ ករណីចោរលួចរថយន្តចេញពីកាស៊ីណូមួយកន្លែង ស្រាប់តែរថយន្តនោះមកក្រឡាប់នៅខាងជើងផ្សារស័ង្កសី ហើយអ្វីដែលគួរឱ្យភ្ញាក់ផ្អើលទៀតនោះ គឺអ្នកលួចជាគ្នាឯងសោះ ។
ខេត្តកំពត ៖ ករណីចោរលួចរថយន្តចេញពីកាស៊ីណូមួយកន្លែង ស្រាប់តែរថយន្តនោះមកក្រឡាប់នៅខាងជើងផ្សារស័ង្កសី ហើយអ្វីដែលគួរឱ្យភ្ញាក់ផ្អើលទៀតនោះ គឺអ្នកលួចជាគ្នាឯងសោះ ។
ជនសង្ស័យដែលចាប់ខ្លួនបានឈ្មោះម៉ក់ សឹង ហៅញឺង អាយុ៣២ឆ្នាំ មានទីលំនៅភូមិធំថ្មី ឃុំដងទង់ ស្រុកដងទង់ ខេត្តកំពត។រីឯម្ចាស់រថយន្តឈ្មោះសំ យ៉ាន ភេទប្រុស អាយុ៤១ឆ្នាំ (រស់នៅជាមួយជនសង្ស័យ) ។ រថយន្តខាងលើ ម៉ាកកាមរីស៊េរីឆ្នាំ95 ពណ៌.ស ត្រូវបានលួចចេញពីកាស៊ីណូ «សាន់ដេរព្រែកចាក» ក្នុងឃុំប្ញស្សីស្រុក ខាងលិចស្រុកកំពង់ត្រាច កាលពីវេលាម៉ោង០៩យប់ថ្ងៃទី១៨ តុលា ២០១៦ ។
ការលួចរថយន្តបាត់ភ្លាមៗនេះ ត្រូវបានម្ចាស់ដឹងភ្លាមៗដែរ ក៏បានទូរស័ព្ទប្រាប់ក្រុមគ្រួសារ ក៏ជួយតាមមើលឃើញ ក៏ដេញតាមប្រកៀកប្រកិត ហើយអកុសលរថយន្តនោះត្រូវចោរបើករត់ រហូតដល់ក្រឡាប់ខ្លួនឯង ស្ថិតនៅចំណុចខាងជើងផ្សារស័ង្កសី ប្រហែល៣គីឡូម៉ែត្រ ហើយជនសង្ស័យរងរបួសស្រាល ។
បើតាមម្ចាស់រថយន្តបាននិយាយប្រាប់នគរបាលថា ខ្លួនត្រូវក្រុមអ្នកលេងល្បែងបានជួលរថយន្តជិះទៅលេងនៅកាស៊ីណូសាន់ដេរនេះជាញឺកញាប់ រួមជាមួយជនល្មើស ។ ហើយនៅមុនពេលកើតហេតុ ខ្លួនបានទុករថយន្តចោលនៅបរិវេណនគរបាលប៉ុស្តិ៍ត្រួតពិនិត្យច្រកព្រំដែនអន្តរជាតិព្រែកចាក តែភ្លេចបិទទ្វារ ខ្លួនក៏ដើរចូលកាស៊ីណូមួយសន្ទុះ ស្រាប់តែចេញមកវិញបាត់រថយន្ត ក៏មានការផ្អើលឆោឡោតែម្ដង ។
លោកសេង វុទ្ធី អធិការរងនគរបាលស្រុកដងទង់បានប្រាប់ឱ្យដឹងថា រថយន្តដែលចោរបានលួចនេះ កំលាំងនគរបាលកំពង់ត្រាចរួមទាំងនគរបាលស្រុកផ្សេងទៀត បានធ្វើការស្ទាក់គ្រប់ទីកន្លែង ។ ទន្តឹមនឹងការតាមនេះ រថយន្តដែលបាត់នោះ បានក្រឡាប់នៅខាងជើងងផ្សារស័ង្កសី ក៏ត្រូវឃាត់បានជនសង្ស័យតែម្តង ។
ចែករំលែកព័តមាននេះ