ស្នេហ៍ទុំមុនស្រគាល ! ម្តាយថ្លើមថ្លៃបង្គាប់៩០០ដុល្លារ បងគ្មានដុល្លារ មានតែ…
ខេត្តកណ្ដាល ៖ ស្នេហាមួយរហូតខាងស្រីទៅនៅផ្ទះខាងប្រុសមួយរយៈ ទើបឪពុកម្តាយទាំងសងខាងព្រមព្រៀងគ្នារៀបចំទុកដាក់តាមប្រពៃណី ដោយខាងស្រីបង្គាប់ថ្លៃ …
ខេត្តកណ្ដាល ៖ ស្នេហាមួយរហូតខាងស្រីទៅនៅផ្ទះខាងប្រុសមួយរយៈ ទើបឪពុកម្តាយទាំងសងខាងព្រមព្រៀងគ្នារៀបចំទុកដាក់តាមប្រពៃណី ដោយខាងស្រីបង្គាប់ថ្លៃបណ្ណាការ៩០០ដុល្លារ ។ ដោយសារតែមិនមានប្រាក់គ្រប់ថ្លៃបណ្ណាការ ខាងប្រុសទាល់គំនិតបានចងកសម្លាប់ខ្លួនកាលពីវេលាម៉ោង២ និង៣០នាទីរសៀល ថ្ងៃទី១៥ ខែតុលា ឆ្នាំ២០១៦ នៅនឹងរោងក្បែរផ្ទះរបស់ខ្លួននៅភូមិឈូក ឃុំសន្លុង ស្រុកខ្សាច់កណ្ដាល ។
នគរបាលស្រុកខ្សាច់កណ្ដាលបានឱ្យដឹងថា ជនរងគ្រោះដែលគិតខ្លីឈ្មោះ ម៉ាន លីហ្សា ភេទប្រុស អាយុ២១ឆ្នាំ ជនជាតិខ្មែរអ៊ិស្លាម មុខរបរកម្មករសំណង់ រស់នៅភូមិឃុំកើតហេតុ មានឪពុកឈ្មោះ ឈឹម ម៉ាន អាយុ៥៤ឆ្នាំ មុខរបរនេសាទត្រី ។
នគរបាលបានឱ្យដឹងបន្ថែមទៀតថា កន្លងមកជនរងគ្រោះបានស្រឡាញ់គ្នាជាមួយនារីម្នាក់ មានទំនាក់ទំនងស្នេហា រហូតនារីរូបនោះបានមកស្នាក់នៅផ្ទះជនរងគ្រោះអស់មួយរយៈទៀតផង ។
នៅថ្ងៃទី១៤ ខែតុលា ឪពុកម្ដាយនារីរូបនោះបានមកផ្ទះជនរងគ្រោះ មកយកកូនស្រីត្រឡប់ទៅផ្ទះវិញ ពេលនោះឪពុកម្ដាយ ទាំងសងខាងបានឯកភាពគ្នា កំណត់ថ្ងៃចូលស្ដីដណ្ដឹង ដោយខាងស្រីបានទារថ្លៃទឹកដោះចំនួន៩០០ដុល្លារ ។ ក្រោយមកជនរងគ្រោះបានពិភាក្សាជាមួយឪពុកម្ដាយពីរឿងលុយថ្លៃទឹកដោះ ពេលនោះ ម្តាយជនរងគ្រោះបាននិយាយថា មានលុយតែ៣០០ទេ មិនដឹងជាទៅរកលុយឯណាមកឱ្យគ្រប់ចំនួន៩០០ដុល្លារនោះទេ ។ បន្ទាប់ពីពិភាក្សាជាមួយម្ដាយ ទ័លគំនិតរឿងខ្វះលុយ នៅព្រឹកថ្ងៃទី១៥ តុលា ជនរងគ្រោះបានទិញស្រាស១លីត្រមកអង្គុយផឹកម្នាក់ឯងនៅលើរោងចំហៀងផ្ទះ ព្រមទាំងចាក់ចំរៀងស្ដាប់លេងទៀតផង ។ លុះដល់វេលាម៉ោង២ និង៣០នាទីរសៀលថ្ងៃដដែល ស្រាប់តែម្ដាយជនរងគ្រោះបានប្រទះឃើញ ជនរងគ្រោះបានយកក្រមាចងកជាប់នឹងធ្នឹមរោង មានស្លាប់បាត់ទៅហើយ ក៏ស្រែកផ្អើលឆោឡោហៅអ្នកជិខាងមកជួយដាក់សពចុះ ។
ក្រោយពីសមត្តកិច្ចនគរបាលសហការជាមួយគ្រូពេទ្យធ្វើការពិនិត្យសពរួច ដោយពុំមានស្លាកស្នាមអ្វីគួរឲ្យកត់សំគាល់ ហើយបានឲ្យដឹងថា ជនរងគ្រោះពិតជាស្លាប់ដោយសារចងកធ្វើអត្តឃាតដោយខ្លួនឯងប្រាកដមែន និងបានប្រគល់សាកសពជូនក្រុមគ្រួសារដើម្បីបុណ្យតាមប្រពៃណី ៕
ចែករំលែកព័តមាននេះ