មេដឹកនាំផ្តាច់ការកូរ៉េខាងជើង គីម ជុងអ៊ុន (Kim Jong-un) បានធ្វើការព្រមានម្តងទៀតថា កូរ៉េខាងជើងអាចប្រើប្រាស់អាវុ.ធនុយក្លេអ៊ែររបស់ខ្លួនមុន ប្រសិនរងការគំរា.មកំហែង ខណៈដែលលោកបានកោតសរសើរមន្ត្រីយោធាកំពូលជុំវិញការរៀបចំក្បួនព្យុះហយាត្រាយោធាដ៏ធំនៅក្នុងរដ្ឋធានីព្យុងយ៉ាងក្នុងសប្តាហ៍នេះ។
លោក គីម បានសម្តែងនូវ«ឆន្ទៈដ៏មុតមាំ» ក្នុងការបន្តអភិវឌ្ឍយោធានុយក្លេអ៊ែររបស់គាត់ ដូច្នេះវាអាចទប់ស្កាត់ទុកជាមុន និងធ្វើឱ្យមានការខកចិត្តរាល់ការប៉ុនប៉ង និងការគំរា.មកំហែងដ៏គ្រោះថ្នាក់ រួមទាំងការគំរា.មកំហែងនុយក្លេអ៊ែរដែលមិនធ្លាប់មានពីកងកម្លាំងអរិភាព ប្រសិនបើចាំបាច់”។ នេះបើយោងតាមទីភ្នាក់ងារសារព័ត៌មានរដ្ឋកូរ៉េ KCNA ចុះផ្សាយនៅថ្ងៃសៅរ៍នេះ។
សារព័ត៌មាននេះនិយាយថា លោក គីម ជុងអ៊ុន បានហៅមន្ត្រីយោធារបស់លោកមកសរសើរស្នាដៃរបស់ពួកគេនៅក្នុងការដង្ហែរក្បួនយោធាកាលពីថ្ងៃច័ន្ទសប្តាហ៍នេះ ដែលរួមមានទាំងការបង្ហាញស៊ីលអភិវឌ្ឍន៍ចុងក្រោយជាច្រើនប្រភេទរបស់កូរ៉េខាងជើងដូចជាមីស៊ីផ្លោងអន្តរទ្វី (ICBM) មីស៊ីល Hwasong-17 និងមីស៊ីលលឿនជាងសំឡេងដែលទើបបា.ញ់សាកល្បងកាលពីពេលថ្មីៗនេះ។
ថ្លែងទៅកាន់កងទ័ព និងអ្នកចូលរួមរាប់ពាន់នាក់ លោកបានប្តេជ្ញាថានឹងអភិវឌ្ឍន៍កងកម្លាំងនុយក្លេអ៊ែរក្នុងល្បឿនដ៏លឿនបំផុតដែលអាចធ្វើទៅបាន និងគំរា.មប្រើប្រាស់អាវុ.ធនុយក្លេអ៊ែរប្រសិនមានការបង្កហេតុប្រឆាំងកូរ៉េខាងជើង។
សូមរម្លឹកថា ក្នុងឆ្នាំ ២០២២នេះ កូរ៉េខាងជើងបានធ្វើការបា.ញ់សាកល្បងអាវុ.ធចំនួន ១៣ដងរួចមកហើយ រួមមានមីស៊ីលឆ្លងទី្វប ICBM។ របបផ្តាច់ការនេះបានប្រើប្រាស់ពេលវេលាអំណោយផលទាំងនេះដើម្បីអភិវឌ្ឍន៍អាវុ.ធរបស់ខ្លួន ខណៈដែលក្រុមប្រឹក្សាសន្តិសុខកំពុងយកចិត្តទុកដាក់ពីសង្គ្រាមនៅអ៊ុយក្រែន៕ (យោងតាមប្រភព៖ AP/)
ចែករំលែកព័តមាននេះ